Fransada övladlığa götürmə

Vikipediya, azad ensiklopediya
Jump to navigation Jump to search

Fransada övladlığa götürmə Fransa Mülki Məcəlləsində iki formada müəyyən edilmişdir: adi övladlığa götürməplenar övladlığa götürmə.

Adi övladlığa götürmə[redaktə | əsas redaktə]

Övladlığa götürmənin bu növündə övladlığa götürülən şəxslə onun bioloji ailəsi arasında müəyyən hüquqi münasibətlərin qalmasına icazə verilir. Bu müddəa Fransa Mülki Məcəlləsinin 343-cü maddəsində müəyyən edilmişdir.

Plenar övladlığa götürmədən fərqli olaraq, adi övladlığa götürmənin tələbləri daha az məhdudlaşdırıcı və daha az radikaldır.

Tələblər[redaktə | əsas redaktə]

  • Yaşı 28 və daha yuxarı olan bir şəxs (iki şəxs eyni zamanda övladlığa götürən ola bilməz) övladlığa götürən ola bilər.
  • Övladlığa götürülən övladlığa götürən şəxsin arvadının (ərinin) uşağı deyilsə, onunla övladlığa götürən arasında yaş fərqi 15-dən az olmamalıdır. Birinci halda isə yaş fərqi 10-dan az olmamalıdır.
  • Əgər övladlığa götürən nikahdadırsa, onun arvadının (ərinin) razılığı tələb olunur. (Mülki Məcəllə, Maddə 361)

Hüquqi nəticələri[redaktə | əsas redaktə]

  • Övladlığa götürmə övladlığa götürülən uşaq üçün valideynlərinə münasibətdə mövcud olan hüquq və vəzifələr yaradır. Ona görə də, məsələn, övladlığa götürülən uşağın əvvəlki soyadı dəyişdirilərək övladlığa götürənlərin soyadı verilir.
  • Uşağın bioloji ailəsi ilə hüquqi əlaqələri kəsilməsə də, övladlığa götürənlər uşaq üzərində müstəsna valideynlik səlahiyyətləri əldə edirlər. Odur ki, övladlığa götürülənlər bioloji ailələrində vərəsəlik hüquqlarına malik olurlar.
  • Adi övladlığa götürülənlər (və onların övladları və ögey övladları) hər iki ailədə vərəsə hesab edilirlər.
  • Övladlığa götürülən övladlığa götürənlərin valideynlərinin vərəsəsi ola bilməzlər.
  • Övladlığa götürənin əvvəlki nikahından övladlarının olduğu hallar istisnadır.
  • Övladlığa götürülən vəfat edərsə və varislərini müəyyən edərsə, vərəsəlik hüququ ümumi hüquqla müəyyən edilir. Əks halda miras iki yerə bölünür: yarısı bioloji ailəsinə, digər yarısı isə övladlığa götürən ailəyə verilir.
  • Övladlığa götürmə övladlığa götürülən şəxsin vətəndaşlığı ilə bağlı heç bir hüquqi nəticə yaratmır. Övladlığa götürülən başqa dövlətin vətəndaşı da ola bilər (Fransa ilə sazişlər olduğu halda bu mümkündür).
  • Övladlığa götürülən və övladlığa götürən arasında aliment öhdəliyi mövcuddur. Övladlığa götürülənlə bioloji valideynləri arasında da oxşar öhdəlik mövcud olsa da, sonuncu ikinci dərəcəlidir: övladlığa götürülən şəxs övladlığa götürənin müvafiq öhdəliyi yerinə yetirmədiyini sübut edərsə, o halda bioloji valideynlərin aliment öhdəliyi tətbiq olunur.

Övladlığa götürülənin yaşı[redaktə | əsas redaktə]

  • Övladlığa götürülənin yaşı ilə bağlı heç bir tələb yoxdur. Yaşı 14 və daha çox olan övladlığa götürülən şəxslərin özlərinin razılığı kifayətdir. Azyaşlı övladlığa götürülənlərin isə valideynlərinin razılığı tələb olunur.

Plenar övladlığa götürmə[redaktə | əsas redaktə]

Övladlığa götürmənin bu növündə uşağın bioloji valideynlərlə olan hüquqi əlaqələrinə xitam verilir.[1] Odur ki, uşaq ilkin ailəsində sahib olduğu hüquqlardan məhrum olur və övladlığa götürüldüyü ailədən irəli gələn hüquq və vəzifələrə yiyələnir.

İstinadlar[redaktə | əsas redaktə]

  1. "Adoption Glossary: Plenary adoption". 2008-06-16 tarixində orijinalından arxivləşdirilib. İstifadə tarixi: 2008-07-07.