Fuad Ələsgərov

Vikipediya, açıq ensiklopediya
Keçid et: naviqasiya, axtar
Fuad Ələsgərov
Fuad Murtuz oğlu Ələsgərov
Fuad Ələsgərov
Bayraq
Azərbaycan Respublikası Prezidenti Administrasiyasının Hüquq mühafizə orqanları ilə iş şöbəsinin müdiri
Bayraq
25 aprel 1998 — indiyə kimi
 
Təvəllüdü: 14 may 1959 (1959-05-14) (56 yaş)
Bakı şəhəri
Atası: Murtuz Ələsgərov

Fuad Ələsgərov (azərb. Ələsgərov Fuad Murtuz oğlu; d. 1959, Bakı) — Azərbaycan Respublikası Prezidenti Administrasiyasının Hüquq mühafizə orqanları ilə iş şöbəsinin müdiri, 1-ci dərəcəli dövlət müşaviri.

Həyatı[redaktə | əsas redaktə]

Fuad Ələsgərov 1959-cu il mayın 14-də Bakı şəhərində anadan olmuşdur. 1981-ci ildə Azərbaycan Dövlət Universitetininin hüquq fakultəsini bitirib.[1]

1981-1984-cü illərdə Azərbaycan Respublikasının Ədliyyə Nazirliyinin Notariat və VVAQ İdarəsində məsləhətçi, 1984-cü ildə Azərbaycan Respublikası Ədliyyə Nazirliyinin Məhkəmə orqanları idarəsində məsləhətçi, 1984-1987-ci illərdə Azərbaycan Respublikası Ədliyyə Nazirliyinin Nəzarət və icranın yoxlanılması idarəsində baş məsləhətçi, 1987-1990-cı illərdə Bakı şəhəri Suraxanı Rayon Xalq Məhkəməsində Xalq hakimi, 1990-1994-cü illərdə Azərbaycan Respublikası Ali Məhkəməsinin üzvü, 1994-1998-ci illərdə isə Azərbaycan Respublikası Prezidentinin İcra Aparatının Dövlət-hüquq şöbəsinin müdiri vəzifələrində çalışmışdır.

Azərbaycan Respublikası Prezidentinin 25 aprel 1998-ci il tarixli Sərəncamı ilə Azərbaycan Respublikası Prezidenti Administrasiyasının Hüquq mühafizə orqanları ilə iş şöbəsinin müdiri vəzifəsinə təyin edilib.

Ailəsi[redaktə | əsas redaktə]

  • Hüquq elmləri doktoru, professor, Azərbaycan Respublikasının əməkdar hüquqşünası Murtuz Ələsgərovun oğludur.
  • Xəzər rayon prokuroru Fəxri Ələsgərovun qardaşıdır.

İstinadlar[redaktə | əsas redaktə]

  1. "ADMİNİSTRASİYA: Struktur: Ələsgərov Fuad Murtuz oğlu" (az). president.az. 2014. http://president.az/administration/structure/fuad_aleskerov/. İstifadə tarixi: 2015-05-27.