Fulya Öztürk
| Fulya Öztürk | |
|---|---|
| türk. Fulya Öztürk | |
| Doğum tarixi | 5 yanvar 1989 (35 yaş) |
| Doğum yeri | |
| Vətəndaşlığı | Türkiyə |
| İxtisası | jurnalistika |
| Təhsili | |
| Fəaliyyəti | jurnalist |
| Fəaliyyət illəri | 2007— |
| Mükafatları | "İlin müxbiri" və "Ən yaxşı özəl xəbər" |
Fulya Öztürk (5 yanvar 1989, Adana) — Türkiyə jurnalisti. O, hal-hazırda "CNN Türk" əməkdaşıdır, Suriyada vətəndaş müharibəsi, Rohinca soyqırımı və İkinci Qarabağ müharibəsindəki jurnalistik fəaliyyəti ilə tanınır.[1]
Həyatı
[redaktə | vikimətni redaktə et]Fulya Öztürk 5 yanvar 1989-cu il tarixində Türkiyənin Adana şəhərində anadan olmuşdur. O, orta məktəbi Adana Gündoğdu Kollecində bitirmişdir. Öztürk 2006-cı ildə Mərmərə Universiteti Rabitə fakültəsinə qəbul olmuşdur. Növbəti il, o, "Doğan" TV-nin "Staj On Air" verilişi ilə "Star" TV-yə qoşulmuşdur. Öztürk peşəkar fəaliyyətinə 2008-ci ildə, "CNN Türk" kanalının verilişlər departamentində başlamış, 3 il redaktor kimi çalışmışdır. O, daha sonra Başkənd Rabitə Akademiyasında nitq və dram üzrə təhsil almışdır. Öztürk 2010-cu ildə "CNN Türk" xəbərlər mərkəzində işləməyə başlamış, xeyli sənədli filmin və xəbərin ssenarisini yazmışdır. O, 2013-cü ildə müxbirliyə başlamış, müharibə mövzularını əhatə etmişdir. Suriyada vətəndaş müharibəsi, Afrikada təbii fəlakətlər, Birmada Rohinca soyqırımı və Azərbaycanda, İkinci Qarabağ müharibəsi zamanı Gəncə[2] və Bərdə[3] faciələrini əhatə edən Öztürk "İlin müxbiri" və "Ən yaxşı özəl xəbər" kateqoriyalarında onlarla mükafata layiq görülmüşdür. O, hal-hazırda "CNN Türk" xəbər mərkəzinin kəşfiyyat müdirinin müavini kimi çalışmışdır.[4] 2021-ci ilin iyulundan Fox TV-də fəaliyyət göstərir.[5]
İstinadlar
[redaktə | vikimətni redaktə et]- ↑ "Fulya Öztürk: "O gecə şokun təsirindən dərimin rəngi getdi"". Report İnformasiya Agentliyi (az.). 17 noyabr 2020. 2023-07-20 tarixində arxivləşdirilib. İstifadə tarixi: 18 noyabr 2020.
- ↑ "CNN Türk muhabiri, Gence saldırısındaki vahşeti anlattı: Enkazdan çıkan bebeğin yüzü kanlar içindeydi". Haberler.com (türk). 18 noyabr 2020. 2020-11-07 tarixində arxivləşdirilib. İstifadə tarixi: 18 noyabr 2020.
- ↑ "Fulya Öztürk: "Bütün Bərdə ağlamaq səsimi, hayqırtımı eşitdi"". Oxu.az (az.). 15 noyabr 2020. 2020-11-16 tarixində arxivləşdirilib. İstifadə tarixi: 18 noyabr 2020.
- ↑ "Fulya Öztürk". CNN Türk (türk). 2016-10-22 tarixində arxivləşdirilib. İstifadə tarixi: 18 noyabr 2020.
- ↑ "Arxivlənmiş surət". 2021-07-08 tarixində arxivləşdirilib. İstifadə tarixi: 2021-08-14.
| Foto, video və audio |
|---|
