Günəşli vadinin serenadası

Günəşli vadinin serenadası
ing. Sun Valley Serenade
Janr	musiqili
Rejissor	Brüs Hamberstoun
Prodüser	Milton Sperlinq
Ssenari müəllifləri	Robert Ellis Helen Loqan
Baş rollarda	Sonya Heni Con Peyn
Operator	Edvard Kroncager
İstehsalçı	20th Century Fox
Distribütor	20th Century Fox
İlk baxış tarixi	21 avqust 1941
Filmin növü	tammetrajlı bədii film
Müddət	86 dəq.
Ölkə	ABŞ
Dil	ingiliscə
İl	1941
Rəng	ağ-qara
IMDb	ID0034241

Günəşli vadinin serenadası (ing. Sun Valley Serenade) — baş rollarda Sonya Heni, Con Peyn, Lin Bari və Milton Berlenin oynadığı 1941-ci ildə çəkilmiş musiqili film. Bu filmdə həmçinin Qlenn Miller və orkestri də rol almışdır.

Məzmun

Dağ-xizək kurortunun sahibi cənab Morri mövsümi işə Fila Korinin məşhur orkestrini dəvət etməyi qərara alır. Musiqiçilər razılaşırlar. Dağ-xizək kurortunda "Günəşli vadi" əyləncəyə ruh verir, hər kəsə sevinc bəxş edir; lakin vadinin sərhədində müharibə sədaları eşidilir. Orkestrin musiqiçiləri müharibə nəticəsində qaçqın olanlardan birinin qəyyumu olmağı arzu edirlər. Elə güman edirlər ki, bu, onlara elə də böyük yük olmayan kiçik yaşlı bir uşaq olacaq. Amma onların bəxtinə olduqca gözəl, gənc bir qız – Karen Benson düşür. İş elə gətirir ki, Karen həmin dəstədəki məşhur bir müğənniyə aşiq olmuş musiqiçiyə vurulur. "Günəşli vadi" kurortunda Karen vurulduğu oğlanı cəlb etmək üçün xizəkdə məmnuniyyətlə öz məharətini göstərir. Film onların qarşılıqlı məhəbbəti ilə başa çatır.

Film haqqında

• "Günəşli vadinin serenadası" Qlenn Millerin orkestrinin iştirak etdiyi iki filmdən birincisidir.
• Norveçli Sonya Heni fiqurlu konkisürmə üzrə üçqat olimpiya çempionu olmuşdur. O, filmdə buz üstündə 3 nömrə göstərməyi arzulayırdı. Lakin 2 səhnə çəkildi. Filmin prodüseri Derril F. Zanuk Sonya Heniyə 3 nömrənin pulunu ödəməli olduğunu söyləyəndə qız əlacsız qalıb bundan imtina etdi.
• "Günəşli vadinin serenadası" Qlenn Millerin aktyor kimi kinoda ilk roludur. İkinci və sonuncu rolunu isə 1 il sonra "Orkestr üzvlərinin arvadları" filmində ifa edir. Qlenn Miller 2 il sonra aviaqəza zamanı həlak olur.
• "Günəşli vadinin serenadası" filmi əvvəlcə Aydaho ştatındakı yeni dağ-xizək kurortu olan "Günəşli vadi" üçün reklam roliki kimi nəzərdə tutulmuşdu. Lakin Millerin istedadı və Hemberstounun təşəbbüskarlığı sayəsində bu ekran nümunəsi tammetrajlı bədii filmə çevrildi.

Filmin heyəti

Film üzərində işləyənlər

Ssenari müəllifləri : Robert Ellis, Helen Loqan

Rejissor : Brüs Hamberstoun

Operator : Edvard Kroncager

Bəstəkarlar : Mak Qordon, Harri Uorren

Prodüser : Milton Sperlinq

Rollarda

Aktyor	Rol
Sonya Heni	Karen Benson
Con Peyn	Ted Skott
Qlenn Miller	Fil Kori
Milton Berl	Nifti Allen
Linn Bari	Vivyen Doun
Coan Devis
Doroti Dendric	rəqs edən qız