Gündüz Kərimov

Vikipediya, azad ensiklopediya
Jump to navigation Jump to search
Gündüz Kərimov
Gündüz Kərimov.jpg
Doğum tarixi 1977
Doğum yeri
Təhsili

Gündüz Hacı oğlu Kərimov (1977, Qazax) — Azərbaycan Respublikası Prezidentinin Administrasiyasının Qanunvericilikhüquq siyasəti şöbəsinin müdiri.

Həyatı[redaktə | əsas redaktə]

Gündüz Kərimov 1977-ci ildə Qazax şəhərində anadan olub. 1994-cü ildə Göygöl şəhər 1 nömrəli orta məktəbini bitirib. Evlidir, iki övladı var.

Təhsili və karyerası[redaktə | əsas redaktə]

1994-cü ildə Göygöl şəhər 1 nömrəli orta məktəbini bitirib. 1994-ci ildə Bakı Dövlət Universitetinin beynəlxalq hüquq və beynəlxalq münasibətlər fakültəsinə daxil olub və 1998-ci ildə bakalavr təhsil pilləsini, 2000-ci ildə isə magistratura təhsil pilləsini fərlqlənmə diplomu ilə bitirib.

1998-ci ildə MDB dövlətləri arasında Sankt-Peterburq şəhərində keçirilmiş “Beynəlxalq humanitar hüquq” üzrə müsabiqədə 2-ci yer qazanıb. 2002-ci ildə Amerika Birləşmiş Ştatlarının İndiana Universitetinin hüquq fakültəsinin magistraturasını bitirib. 2003-2006-cı illərdə Azərbaycan Milli Elmlər Akademiyasının Fəlsəfə və Siyasi-Hüquqi Tədqiqatlar İnstitutunun aspirantı olub. 2008-ci ildə “Beynəlxalq xüsusi hüquqda sənaye mülkiyyəti obyektlərinin hüquqi mühafizəsi” mövzusunda hüquq üzrə fəlsəfi doktor alimlik dərəcəsi almaq üçün dissertasiya müdafiə edib. 1998-1999-cu illərdə Aqrar-Sənaye Səhmdar Kommersiya Bankında baş hüquqşünas, 1999-2001-ci illərdə Beynəlxalq Qırmızı Xaç Komitəsində hüquq məsələləri üzrə assistent işləyib. 2002 – 2011-ci illərdə Bakı Dövlət Universitetinin Beynəlxalq hüquq fakültəsində müəllim, 2011 - 2014- BDU-nun Hüquq fakültəsinin dekan müavini vəzifəsində çalışıb. 2014 – cü ildən 2017-ci ilin noyabrınadək BDU-nun Dəniz və Enerji Hüququ Mərkəzinin rəhbəri olub. Bundan başqa, o, 2002-ci ildən "Baker & McKenzie" hüquq şirkətinin Bakı ofisinin baş hüquqşünası, partnyoru, Bakı ofisinin idarəedici partnyoru (2012-dən) işləyib.

Bakı Dövlət Universitetinin Mülki proses və kommersiya hüququ kafedrasının müəllimidir.[1]

Seçilmiş əsərləri[redaktə | əsas redaktə]

  • MDB regionunda beynəlxalq arbitrajın nəzəriyyə və praktikası – Azərbaycan / London, Wolters Kluwer nəşriyyatı, 2017, s. 89-123
  • Konstitusiyaya təklif edilən əlavə və dəyisikliklər dövlətçiliyin möhkəmləndirilməsinə yönəlmisdir / Xalq qəzeti, 15 mart 2009, s. 5
  • Xaricdə çıxarılmış arbitraj və məhkəmə qərarlarının Azərbaycan Respublikaslnda icrası məsələləri / Azərbaycan Respublikasının Prezidenti Heydər Əliyevin 80 illik yubileyinə həsr olunmuş elmi konfransının materialları. Bakı, 2003, s. 191-197
  • Проблема выбора применимого права при защите интеллектуальной собственности в Интернете / Azərbaycan hüquq jurnalı, 2003, № 1, s. 105-120
  • Beynəlxalq xüsusi hüquqda əmtəə nişanlarının mühafizəsi / Azərbaycan Respublikasında dövlət və hüquq quruculuğunun aktual problemləri, 10-cu buraxılış. Bakı, 2004, s. 567-574
  • Судебная защита товарных знаков в Азербайджане / Журнал «Патенты и лицензии», 2006, № 7, c. 49-57
  • Интеллектуальная собственность как юридическая категория / Азербайджано-российский журнал международного и сравнительного права, 2006, № 1 (3), c. 163-186
  • Azerbaijan in Dispute Resolution in Europe / Dispute Resolution in Europe, Baker & McKenzie, London, 2006, s. 21-27
  • Иностранные судебные решения в спорах о товарных знаках / Журнал «Патентный поверенный», 2007, № 3, c. 44-53 [2]

Təltifləri[redaktə | əsas redaktə]

  • Dünyanın aparıcı hüquq nəşrlərindən olan “Chambers Global”, “IFLR1000” və “Legal500” tərəfindən hər il Azərbaycanda kommersiya hüququ üzrə aparıcı hüquqşünaslar siyahısına daxil edilib.
  • “Chambers Global” 2012 - 2017 - Azərbaycanın aparıcı hüquqşünası.
  • “Legal500” 2015, 2016, 2017 - Azərbaycanın aparıcı hüquqşünası.
  • “IFLR1000” 2017 - Azərbaycanın aparıcı hüquqşünası. [2]

İstinadlar[redaktə | əsas redaktə]

  1. "Prezident Administrasiyasına yeni şöbə müdiri təyin olundu" (Azərbaycan). modern.az. 2 dekabr. 2 dekabr 2019 tarixində orijinalından arxivləşdirilib.
  2. 1 2 "Kərimov Gündüz Hacı oğlu" (Azərbaycan). law.bsu.edu.az. 3 may 2013 tarixində orijinalından arxivləşdirilib.

Xarici keçidlər[redaktə | əsas redaktə]