Gürcüstan–Vatikan münasibətləri
| Gürcüstan–Vatikan münasibətləri | |||||
|---|---|---|---|---|---|
 | |||||
|
|||||
 Vikianbarda əlaqəli mediafayllar | |||||
Gürcüstan–Vatikan münasibətləri — Gürcüstan Respublikası və Vatikan arasındakı mövcud ikitərəfli münasibətlər. Ölkələr arasında diplomatik münasibətlər 5 may 1992-ci ildə qurulmuşdur. Gürcüstanın Vatikandakı səfirliyi Roma şəhəri 25 Via Toscana ünvanında yerləşir. Gürcüstanda Apostol Nunsiatursı isə Tbilisi, 40 Zghenti-də yerləşir.
Tarixi[redaktə | mənbəni redaktə et]
Gürcüstan ilə Vatikan arasında diplomatik münasibətlər əsrlər boyu davam edir. Gürcüstan padşahları və şahzadələri Vatikanla tez-tez məktublaşır və səfirlik mübadiləsi aparırdılar. 17-18-ci əsrlərdə Gürcüstandakı Roma Katolik Kilsəsinin missionerlik fəaliyyətində əhəmiyyətli dərəcədə artım olmuşdur.
Gürcüstan 1991-ci ildə müstəqillik qazanır və 5 may 1992-ci ildə Vatikan ilə diplomatik əlaqələr qurur. Gürcüstanın paytaxtı Tiflisdəki Apostol Nunsiatura həmçinin qonşu Cənubi Qafqaz ölkələri olan Ermənistan və Azərbaycanda da vatikanı təmsil edir. Karitas xeyriyyə fondu vasitəsilə Vatikan Gürcüstanda humanitar fəaliyyət göstərir[1]. 1999-cu ilin noyabrında Papa II İohann Pavel Tiflisə gəlir. Bu səfərdən qısa müddət sonra Gürcüstan və Vatikan arasında Gürcüstanda mübahisələrə səbəb olan bir müqavilə layihəsi üzərində işə başlanılır. Gürcüstanda Katolik lilsəsinə hüquqi status verilməsini nəzərdə tutan müqavilə 20 sentyabr 2003-cü ildə təsdiqlənməli idi və bu münasibətlə o zaman Dövlətlərlə əlaqələr üzrə katib olan Baş yepiskop Jan-Lui Toran Tiflisə gəlir. Buna cavab olaraq mühafizəkar Pravoslav ardıcılları kütləvi etirazlar təşkil edir. Gürcüstanın Katolikos-Patriarxı II İliya müqaviləyə şübhə ilə yanaşır. Gürcüstanın o vaxtkı prezidenti olan Eduard Şevardnadze təzyiqlərə məruz qalır və son anda Vatikan nümayəndələri insan haqları fəalları və liberal pravoslav din xadimləri tərəfindən tənqidə səbəb olan müqaviləni imzalamamaq qərarına gəlir. Şevardnadze müqavilənin yerinə yetirilməməsindən təəssüfləndiyini bildirir və müqavilə üzərində işlərin davam edəcəyini bəyan edir[2].
2010-cu ilin mayında Gürcüstan Prezidenti Mixail Saakaşvili Vatikana dövlət səfəri edən ilk Gürcüstan lideri olur. Papa XVI Benedikt ilə görüşür[3]. Burada Vatikana Gürcüstanın suverenliyi və ərazi bütövlüyü üçün "güclü dəstək" verdiyinə görə təşəkkür edir. XVI Benedikt 9 yanvar 2012-ci il tarixində Gürcüstanın dini azlıqlar haqqında qanununa 2011-ci ilin iyulunda qəbul edilmiş düzəlişini alqışlayır[4][5]. 30 sentyabr - 1 oktyabr 2016-cı ildə Papa Fransisk Gürcüstana iki günlük səfər edir və Prezident Georgi Marqvelaşvili və Gürcüstanın Katolikos-Patriarxı II İliya ilə görüşür[6].
İstinadlar[redaktə | mənbəni redaktə et]
- ↑ Caritas-Georgia website Arxivləşdirilib 2020-11-22 at the Wayback Machine. Accessed June 29, 2011.
- ↑ Несостоявшийся договор углубляет противостояние между конфессиями Arxivləşdirilib 2018-11-16 at the Wayback Machine. Civil Georgia. 1 oktyabr 2003.
- ↑ Саакашвили: Поддержка интересов Грузии со стороны Ватикана очень важна Arxivləşdirilib 2018-11-16 at the Wayback Machine. Civil Georgia. 25 декабря 2010.
- ↑ Папа Римский приветствовал принятые в Грузии законодательные изменения по правовому статусу религиозных меньшинств Arxivləşdirilib 2018-11-16 at the Wayback Machine. Civil Georgia. 11 января 2012.
- ↑ Address of his Holiness Pope Benedict XVI to the members of the diplomatic corps accredited to the Holy See Arxivləşdirilib 2012-04-19 at the Wayback Machine. Vatican Publishing House. January 9, 2012.
- ↑ Grove, Thomas. "Pope Francis Concludes Visit to Georgia, Azerbaijan". The Wall Street Journal. 2 October 2016. 14 December 2017 tarixində arxivləşdirilib. İstifadə tarixi: 15 October 2016.