Güzdəhəm ibn Salar

Vikipediya, açıq ensiklopediya
Jump to navigation Jump to search
Güzdəhəm ibn Salar
Şirvanşah şahzadəsi

Doğum yeri Şamaxı
Vəfat tarixi 1072
Vəfat yeri Şəki
Sülalə Kəsranilər
Atası Salar ibn Yezid

Şahzadə Güzdəhəm - Şirvan şahzadəsi, Salar ibn Yezidin ikinci oğlu, I Fəribürzün qardaşı.

Həyatı[redaktə | əsas redaktə]

Onun adı tarixdə ilk dəfə I Fəribürzün Səlcuqlara ödəməli olduğu xəracı oğurlayıb Ləzgi ölkəsinə qaçarkən çəkilir. [1] 1068-ci ildə Dərbəndə gəldi və əmirlərin yanında sığınacaq tapdı. O Şirvanşah olmaq istəyirdi. Şirvanşah qoşunla həmin ilin noyabrında hərəkət edərək əl-Babı tutmaq məqsədilə Rubas çayının sahilində düşərgə saldı. Xürməstan deyilən yerdə, şəhərin divarları arxasında Şirvanşahın qoşunları ilə Güzdəhəm arasında vuruşmalar oldu. Haydaq və Tüveyk əhalisi də dərbəndlilərin tərəfində vuruşurdu. Döyüşlər nəticəsində Şirvanşahın qoşunları məğlubiyyətə uğradı. Lakin əl-Bab rəislərinin rəisi Müfərric ibn Müzəffər Şirvanşahın tərəfinə keçdi. Müfərrəc dərbəndlilərin səhvindən istifadə edərək iç qalanı tutdu. Güzdəhəm isə şəhəri ələ keçirdi. Müfərric qalada qalmaqda idi və hər iki tərəfin tərəfdarları arasında hər gün toqquşma olurdu. Sonra Güzdəhəm ləkzlərin yanına, əl-Bab əmiri Əbd ül-Məlik ibn Ləşkəri isə Haydağa qaçdı.

Ölümü[redaktə | əsas redaktə]

Güzdəhəm Ləkz ölkəsindən qayıtdıqdan sonra 1072-ci ildə Şəkidə vəfat etdi. Cəsədi isə Şamaxıda basdırıldı.

İstinadlar[redaktə | əsas redaktə]

  1. V.Minorsky, Şirvan və Dərbənd tarixi