Gəgəli bələdiyyəsi

Vikipediya, azad ensiklopediya
Jump to navigation Jump to search
Gəgəli bələdiyyəsi
Ölkə Azərbaycan Azərbaycan

Gəgəli bələdiyyəsiAzərbaycan Respublikasının Ağsu rayonunda bələdiyyə.

Tarixi[redaktə | əsas redaktə]

Gəgəli kəndi Ağsu rayonunun həm ərazisinə, həm də əhalisinin sayına görə ən böyük kəndidir. Gəgəli kəndi ərazisində e.ə. IV-e-nın VII əsrlərində mövcud olmuş qədim Nərgizava yaşayış yeri və nekropolu vardır. Gəgəli kəndinin Məmmədli və Təhməzli məhəllələri evlərinin altında sadə torpaq qəbirlər, düzə çıxan əkin yerlərində isə küp qəbirlər geniş yayılmışdır. Nərgizava Azərbaycanın ən zəngin bədii tunc məmulatı aşkar olunan ellin dövrü abidəsidir. Gəgəli kəndinin sakinləri etnik baxımdan türk olub, Çinin Uyğur bölgəsindəki Ağsu şəhəri ətrafından Çingiz xanın orduları ilə birlikdə Qafqaza yerləşmişlər. Gəgəli kəndi sakinlərinin mənsub olduğu Xançoban mahalı Axtaçı obası Çingiz xanın nəvəsi Axtaçı xanın tüməninə daxil olmuşdur. Tərəkəmə həyat tərzi keçirən Axtaçı obası Şamaxı şəhərinə gedən İpək Yolunun təhlükəsizliyini qorumuşdur. Xançoban mahalının su ehtiyaclarının ödənməsi üçün Elxani hökmdarı Sultan Mahmud Qazan xan XIII əsrin sonlarında, Şirvan övliyası, xəlvətilik sufi məktəbinin qurucusu Pir Ömər Avaxıli isə XIV əsrin sonlarında iki arx çəkdirmişlər. Gəgəli kəndində və ətrafında İpək yolu boyunca Zeyvə nənə türbəsi, Uzun Ata türbəsi, Pir Bəxtiyar türbəsi, Şeyx Dursun türbəsi və digər sufi türbələri yerləşmişdir. Gəgəlililər Çingiz xanın nəvələri tərəfindən verilmiş qışlaq, yazlaqyaylaq torpaqlarını həmişə əkib-becərmiş, gəlib-keçmiş bütün dövlətlərin vergisini vermişlər. Gəgəlililərin Yasamal torpağında oturaqlaşması qərarı isə 1862-cı ildə verilmişdir. Gəgəlinin "Paris Kommunası" kolxozu Sovet dövründə öz zənginliyi ilə həmişə tanınmışdır. Cümhuriyyət ordusu, İkinci dünya müharibəsi, Qarabağ müharibəsində şəhid və qazi olan yüzlərlə Gəgəli övladı vardır. Gəgəli təhsili savadlı və bacarıqlı kadrların yetişməsinə çalışıb. Gəgəli həkimlər diyarıdır. 1999-cu ildə yaradılan Gəgəli Bələdiyyəsi Gəgəli sakinlərinin rifahı və kəndin inkişafı üçün çalışır. Hər il Gəgəli kəndində "Tərəkəmə çərşənbəsi" beynəlxalq folklor festivalı keçirilir.

Tərkibi[redaktə | əsas redaktə]

Gəgəli Bələdiyyəsinin tərkibi aşağıdakı kimidir:

1. Həsənov Səxavət Həşim oğlu (sədr)

2. İbadzadə Xəyyam İntiqam oğlu (sədr müavini)

3. Xəlilli Fariz Sabir oğlu

4. Əlişahlı Baxış Şahin oğlu

5. Kərimov Qürbət Əbdülkərim oğlu

6. İsmayılzadə Ülvi Mahir oğlu

7. Hüseynova Hüsniyyə İlqar qızı

8. Dəmirli Murad Əzəl oğlu

9. Hacıyev Yusif Eldar oğlu

Mənbə[redaktə | əsas redaktə]

İstinadlar[redaktə | əsas redaktə]

https://www.facebook.com/gegelimunicipality