Gəray Vəlibəyov

Gəray Vəlibəyov
Gəray Vəlibəyov
	Gəray İldırım bəy oğlu Vəlibəyov
Şəxsi məlumatlar
Doğum tarixi	1918
Doğum yeri	Çəmənli, Şuşa qəzası, Gəncə quberniyası;
Vəfat tarixi	iyul 1947 (28–29 yaşında)
Vəfat yeri	Moskva, RSFSR, SSRİ;
Vəfat səbəbi	boğulma
Vətəndaşlığı	SSRİ;
Təhsili	M. V. Frunze adına Hərbi Akademiya;
Hərbi fəaliyyəti
Rütbəsi	polkovnik-leytenant;
Döyüşlər	İkinci Dünya müharibəsi,; Böyük Vətən müharibəsi;
Təltifləri

Gəray Vəlibəyov (1918, Çəmənli, Şuşa qəzası – iyul 1947, Moskva) — İkinci Dünya müharibəsi iştirakçısı, podpolkovnik. Müharibə zamanı üç dəfə ağır yaralanmış, 3 orden və medallarla təltif edilmişdir.

Həyatı

Gəray İldırım bəy oğlu Vəlibəyov 1918-ci ildə Ağdam rayonunun Çəmənli kəndində anadan olub. Orta təhsilini Ağdam rayonunda alıb. Hərb sənətinə olan marağı onu Gürcüstanda yerləşən Hərbi məktəbdə təhsilini davam etdirməsinə səbəb olub. Məktəbdə fiziki hazırlığı və hərb sənətinə həvəslə yiyələnməsi atası tərəfindən sevinclə qarşılanmışdır. Sonra atası İldırım bəy Vəlibəyovun məsləhəti ilə Gürcüstanda təhsilini leytenant rütbəsində başa vuran Gəray təhsilini davam etdirmək üçün Moskva şəhərinə gedib və orada yerləşən M. V. Frunze adına Moskva Hərbi Akademiyasına daxil olub. 1941-ci ildə Böyük Vətən müharibəsi başlayanda Akademiyanın son kursunda təhsil alan gənc zabit Gəray Vəlibəyov hərbi mütəxəssis kimi müharibəyə göndərilib.

1945-ci il müharibəni qələbə ilə başa vuran podpolkovnik Gəray Vəlibəyov müharibə zamanı üç dəfə ağır yaralanmış, 3 orden və medallarla təltif edilmişdir. Müharibədən sonra Moskvaya, təhsilini davam etdirmək üçün M. V. Frunze adına Moskva Hərbi Akademiyasına qayıdib. 1947-ci ilin iyul ayında Akademiyanı bitirməsi və polkovnik rütbəsi alması ilə əlaqədar tədbirdən sonra, məzunlarla Moskva çayında çimərkən faciəli surətdə həlak olub.

Döyüş yolu

Gəray Vəlibəyovun döyüş yolu Ukrayna cəbhəsindən başlayıb. Qırmızı bayraqlı 28-ci qvardiya atıcı diviziyasının komandiri general Q. İ. Çurmaevin, komandanlığı altında 89-cu qvardiya atıcı polkunda təlim batalyonunun komandiri olub. Sonralar o polk komandiri vəzifəsinə təyin edilib. Şərəfli döyüş yolu keçib, onların nailiyyətləri haqqında Sovet-informasiya bürosu demək olar ki, bütün xəbərlərində polkun döyüş uğurları haqqında məlumatlar verirdi. G. Vəlibəyov Ukrayna, Moldava, Bolqarıstan torpaqlarının faşistlərdən azad olunmasında fəal iştirak edib. Döyüş dostu polkovnik İ. A. Vyazankin 1978-ci ildə Moskvada nəşr etdirdiyi "Döyüş Hesabatının Arxasında" kitabında geniş məlumatlar verib.

Mükafatları

İstinadlar

Xarici keçidlər

Вязанкин И. А. За строкой боевого донесения. — М.: Воениздат, 1978. — 256 с.