Ghost

Ghost
Ghost qrupunun 2016-cı il çıxışı
Əsas məlumatlar
Üslub	Doom Metal, Heavy Metal
Fəaliyyət illəri	2008—h.h.
Ölkə	İsveç
Şəhər	Linköping
Heyət	Tobias Forge Nameless Ghouls Papa Nihil
Keçmiş üzvlər	Martin Persner Simon Söderberg Mauro Rubino Martin Hjertstedt Henrik Palm Gustaf Lindström Aksel Holmgren Rikard Ottoson Linton Rubino Megan Thomas
Əlaqəli layihələr	Dave Grohl
ghost-official.com
Vikianbarda əlaqəli mediafayllar

Ghost — 2008-ci ildə İsveçdə yaradılan metal qrupu.

"Ghost" (ABŞ adı ilə Ghost B. C.) 2008-ci ildə İsveçin Linköping şəhərində qurulmuş Qremmi mükafatlı heavy/doom metal qrupudur. 2010-cu ildə 3 mahnıdan ibarət demo ilə birlikdə "Elizabeth" adlı sinql və çıxış (ilk) albomları olan Opus Eponymous'u yayımlamışdır. Həmin il İsveçin Grammis mükafatlarına namizəd göstərilən albom müsbət rəylər almış və qrupun məşhurluğunu daha da artırmışdır. Infestissumam adlı ikinci albomlarını 2013-cü ildə yayımlayan qrup İsveç çartlarında zirvədə yer almış və sözügedən albom ilə həmin il İsveçin Grammis mükafatlarının Ən Yaxşı Hard Rock/Metal kateqoriyasını qazanmışdır. Qrup 2015-ildə artıq sayca üçüncü olan Meliora albomunu yayımlamış və bu albomdan olan Cirice sinqlı ilə "58-ci Qremmi Mükafatları"nda Ən Yaxşı Metal performansını qazanmışdır.

Ghost səhnədə teatrikal və artistik performansları ilə tanınmaqdadır. Qrup 6 üzvdən ibarətdir və üzvlərdən yalnız biri fərqli görünüşü ilə anti-Papa personajına malik Papa Emeritus ləqəbli vokalistdir. Digər 5 üzv isə Nameless Ghouls (Adsız Pis Ruhlar) adlanır və pentaqramdakı (5 guşəli ulduz) 5 elementi təmsil edir və pentaqrama görə hava, od, su, torpaq və ruh elementləri ilə bir-birindən seçilirlər. Qrup bu vaxta qədər heç bir müsahibə, konsert və digər qatıldığı yerlərdə maskalarını çıxartmamış və özləri haqda heç bir məlumat verməmişdir. Üzvlərin kim olduqları haqda bir çox şaiyələr gəzsə də bunlar heç biri öz təsdiqini tapmamışdır. Müsahibələrin birində Nameless Ghouls'ların birindən kim olduqları haqda verilən sualda isə verdiyi cavab bu olmuşdur: "Əgər necə göründüyümüz sizin üçün bu qədər önəmlidirsə, deməli, mühüm məqamı qaçırıbsınızdır." Ghost indiyə qədər 3 dəfə solist dəyişdirmişdir və solistlər ard-arda olaraq Papa Emeritus I, II və III adlandırılmışdır. Amma buna baxmayaraq əksəriyyət 3 vokalistin də məhz eyni adam olduğunu durmadan dilə gətirməkdədir.

Üzvlər

• Nameless Ghoul — Bas Gitara
• Nameless Ghoul — Zərb Alətləri
• Nameless Ghoul — Solo Gitara
• Nameless Ghoul — Ritm Gitara
• Nameless Ghoul — Sintezator
• Tobias Forge — Vokal (2008-ci ildən)

Diskoqrafiya

Demolar

• 2010 – Demo 2010

Albomlar

• 2010 – Opus Eponymous
• 2013 – Infestissumam
• 2015 – Meliora
• 2018 – Prequelle

EP-lər

• 2013 – If You Have Ghost
• 2016 – Popestar

Sinqllar

• 2010 – "Elizabeth"
• 2012 – "Secular Haze"
• 2013 – "Year Zero"
• 2015 – "Cirice"
• 2015 – "He Is" (promosingel)
• 2015 – "From the Pinnacle to the Pit"
• 2015 – "Majesty"
• 2016 – "Square Hammer"