Kırna

Vikipediya, açıq ensiklopediya
(Girnə səhifəsindən istiqamətləndirilmişdir)
Jump to navigation Jump to search
Kırna
Kirna.jpg

39°08′12″ şm. e. 45°39′16″ ş. u.


Ölkə Azərbaycan Azərbaycan
Rayon [[Culfa]]
Tarixi və coğrafiyası
Mərkəzin hündürlüyü 1.108 m
Saat qurşağı UTC+04:00
Xəritəni göstər/gizlə
Kırna xəritədə
Kırna
Kırna

Kırna (əvvəlki adı: Kirnə) — Azərbaycan Respublikası, Naxçıvan Muxtar Respublikasının Culfa rayonunda kənddir.

Tarixi[redaktə | əsas redaktə]

Əvvəlki adı Kirnə olmuş və 1 mart 2003-cü ildən dəyişdirilərək Kırna adlandırılmışdır.[1]

Mədəniyyəti[redaktə | əsas redaktə]

Kırna türbəsi[redaktə | əsas redaktə]

Culfa rayonunun Kırna kəndində memarlıq abidəsi. Abidə Naxçıvan memarlıq məktəbinin mərkəzi günbəz tipli binalar sahəsində də diqqətəlayiq memarlıq kompozisiya üsulları yaratdığını göstərir. Abidənin ümumi quruluşu onun türbə və ya məscid olması haqqında mülahizə irəli sürməyə əsas verir. Planda kvadratşəkilli olan bina türbələr üçün səciyyəvi şəkildə ikiqat örtüklü olub, içəridə çatmatağlı, xaricdən isə piramidaşəkilli çadırvarı günbəzlə örtülmüşdür. Beləliklə, Kırna abidəsi ümumi kompozisiyası etibarı ilə günbəz-qülləvarı adlandırılan Azərbaycan türbələri sırasına daxil edilə bilər. Kırna abidəsi bir sıra xüsusiyyətlərinə görə Əlincəçay Xanəgahındakı abidəyə oxşayır. Bu, türbənin daxili günbəzinin quruluşunda və xüsusən xarici çadırvarı günbəzin oxşarlığında özünü göstərir. Hər iki abidənin xarici örtüyü 16 səthli piramida şəklində həll edilmişdir. Kırna abidəsinin qərb fasadındakı stalaktit qurğusu da bu abidənin zəmanəmizə qədər ancaq bir hissəsinin qaldığı kompleks tikintinin yalnız bir hissəsi olduğuna dəlalət edir. Abidənin üzərində kitabə olmadığından tikintinin inşa tarixinin müəyyənləşdirilməsi çətinlik törədir. Lakin yuxarıda dediklərimizi nəzərə alaraq türbənin yaranma tarixini XIII əsrə aid etmək olar.

İstinadlar[redaktə | əsas redaktə]

  1. "Naxçıvan Muxtar Respublikası şəhər və rayonlarının inzibati ərazi bölgüsündə qismən dəyişikliklər edilməsi haqqında" Azərbaycan Respublikasının 1 mart 2003-cü il tarixli, 423-IIQ nömrəli Qanunu  (azərb.)