Gojira

Vikipediya, azad ensiklopediya
Jump to navigation Jump to search
Gojira
Metal band Gojira live at Tuska (Finland) 2006.jpg
Gojira Tuska festivalında (2006)
Əsas məlumatlar
Üslub det metal
qruv metal
proqressiv metal
Fəaliyyət illəri 1996—h.h.
Ölkə Fransa Fransa
Şəhər Bayonna
Leybl Roadrunner, Prosthetic, Listenable
Heyət Co Dyuplante
Mario Dyuplante
Kristian Andreu
Jan Mişel Labadi
www.gojira-music.com
Commons-logo.svg Vikianbarda əlaqəli mediafayllar

Gojira1996-ci ildə yaranmış death metal qrupudur.

Qrup 2001-ci ilə qədər Godzilla adı ilə tanınıb. Qrupun tərkibi: vokalist və gitarist Co Dyuplante, onun qardaşı barabanda Mario Dyuplante, gitarist Kristian Andreu və bas gitarist Jan Mİşel Labadi'dən ibarətdir. İlk yarandığından bəri qrupun heyətində heç bir dəyişiklik olmamışdır. Və bu heyət ilə qrup, 5 studiya albomu, iki konsert albomu, bir sinql və iki DVD albom yayımlamışdır. Qrup öz mahnı sözlərində ətraf mühitin problemlərini işıqlandırmaqla məşhurdur.

Qrup 1997-ci ildə "Possessed" adlı ilk demo albomunu çıxardır. 1999-cu ilin sentyabr ayında Cannibal Corpse, Edge of Sanity, Impaled Nazarene və Immortal qrupları ilə çıxdıqları turdan sonra qrup adını dəyişməyi qərara aldı. Qrup adını Godzilla'nın romaji dilindəki tələffüzü kimi Gojira olaraq dəyişdirdi. 2001-ci ildə çıxan debut albomları "Terra Incognita", artıq yeni ad altında çıxmışdı.

Qrup 2003-cü ildə ikinci studiya albomları olan The Link-i çıxartdı. Albomun yenilənmiş versiyası 2007-ci ildə yeni buklet ilə yenidən işıq üzü gördü. İlk iki albomun uğurundan sonra, qrupu Bordo şəhərindəki canlı performansı DVD şəklində Gabriel Editions'ın produserliyi ilə yayımlandı. 2004-cü il 19 may tarixində qrupun ilk konsert albomu olan "The Link Alive" Fransada satışa çıxarıldı. 2005-ci ildə Gojira, ölkə hüdudlarından kənarda "From Mars to Sirius" albomunun satışını təmin etmək üçün Listenable Records səsyazma şirkəti ilə müqavilə imzalayır.

2006-cı ilin axırlarında Gojira, Children of Bodom'ın ABŞ turunda çıxış etdi. Turun açılış qurupları isə Amon Amarth və Sanctity idi. Daha sonra Gojira, 2007-ci ildə dəstək üçün Trivium'un Avropa turunda çıxış etdi. Turda həmçinin Sanctity və Annihilator da çıxış edirdi. Qrup 2007-ci ildə Lamb of God-ın ABŞ turunda Trivium və Machine Head ilə birlikdə çıxış etdi. 2007-ci ilin sonlarında qrup, Radio Rebellion Tour'da Behemoth, Job for a Cowboy və Beneath the Massacre ilə birlikdə çıxış etdi. 2007-ci ilin oktyabr ayında Listenable Records şirkəti qrupun 1997-ci ildə demo olaraq çıxartdığı "Possessed" albomunu sayılı şəkildə yenilənmiş versiya ilə yenidən çıxartdı.

2008-ci ilin 13 oktyabr tarixində "The Way of All Flesh" albomu Listenable Records'un vasitəsilə Avropada yayımlandı. 14 oktyabr tarixində isə albom, Prosthetic Records'ın vasitəsi ilə Şimali Amerikada yayımlandı. Albomdakı "Adoration for None" mahnısını Co Dyuplante, Lamb of God qrupundan Rendi Blayti ilə birlikdə səsləndirmişdir. Albom yeddi aya hazır oldu. 2009-cu il 17 mart tarixində qrupun ilk dəfə Şimali Amerika turuna çıxacağı açıqlandı. Turun açılış qurupları The Chariot və Car Bomb idi. Tur 1 may tarixində Sprinqfilddə başladı və 28 may tarixində Texasın Dallas şəhərində qurtardı.

2011-ci ilin martında qrup yeni albom üzərində işlədiklərini açıqlayır.

2012-ci il 26 iyun tarixində Roadrunner Records səsyazma şirkətinin vasitəsi ilə qrup "L'Enfant Sauvage" adlı beşinci studiya albomunu çıxardır və albomu tanıtmaq üçün Şimali Amerika turuna çıxır.

Studiya albomları[redaktə | əsas redaktə]

  • Terra Incognita (2001)
  • The Link (2003)
  • From Mars to Sirius (2005)
  • The Way of All Flesh (2008)
  • L'Enfant Sauvage (2012)
  • Magma (2016)

Xarici keçidlər[redaktə | əsas redaktə]