Göyümtül yukka

Göyümtül yukka
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Birləpəlilər Dəstə: Qulançarçiçəklilər Fəsilə: Qulançarkimilər Yarımfəsilə: Agavoideae Cins: Yukka ???: Göyümtül yukka
Beynəlxalq elmi adı
Yucca glauca Nutt., 1813
Şəkil axtarışı ITIS   43142 NCBI   207936 EOL   1083619

Göyümtül yukka (lat. Yucca glauca) — qulançarkimilər fəsiləsinin yukka cinsinə aid bitki növü.

Təbii yayılması

Şimali Amerikanın şərq rayonlarında yayılmışdır.

Botaniki təsviri

Bitki gövdəsizdir. Yarpaqların uzunluğu 70 sm-dək, göyümtül-yaşıl, ağ haşiyəli və kənarlarında seyrək, nazik buruq saplıdır. Çiçək süpürgəsi ensiz, az budaqlıdır. Çiçəkləri yaşılımtıl-ağ və ya sarımtıl rəngli, uzunluğu 7 sm-dək, sallaq, müxtəlif formalı, çox vaxt zəngvaridir. Çiçək saplağının uzunluğu 300 sm-dir. Toxum və kök pöhrələri ilə çoxaldılır.

Ekologiyası

Günəşli, isti yerlərdə bitir. Yaxşı drenajlı torpaqlarda və yamaclarda əkilir.

Azərbaycanda yayılması

Mərdəkan dendrarisində 1998-ci ildə introduksiya edilmişdir. Azərbaycanda bir çox rayonlarda yaşıllaşdırmada rast gəlinir.

İstifadəsi

Park və bağlarda tək əkinlərdə müxtəlif kompozisiyaların qurulmasında, alpinarilərdə qrup əkinlərində istifadə olunur.

Məlumat mənbəsi

• Tofiq Məmmədov, "Azərbaycan dendroflorası II cild", Bakı:-"Səda"-2015. Arxivləşdirilib 2019-11-17 at the Wayback Machine