Gözünə gün düşür (hekayə)

Gözünə gün düşür
Müəllif	Elçin Hüseynbəyli
Janr	Hekayə
Orijinalın dili	Azərbaycan dili
Orijinalın nəşr ili	2010
Nəşriyyat	525-ci qəzet
Nəşr	2010
Elektron versiya

Gözünə gün düşür — E.Hüseynbəyli tərəfindən 2010-cu ildə yazılmış hekayə. İlk dəfə fevralın 27-də «525-ci qəzet» də çap edilib.

Haqqında

Hekayə çıxan kimi onun barəsində ir neçə məqalə yazılıb. Professorlar Nizami Tağısoy və Nusret Hesretlininın məqalələri qəzetin mart-aprel saylarında nəşr olunub. Bir az sonra akademik Tofiq Hacıyev həmin hekayəyə geniş məqalə həsr edib. Hekayə rus dilinə çevrilib və 2010-cu ilin iyununda Moskvada nəşr olunan «Drujba narodov» jurnalında çap olunub və jurnalın saytında yerləşdirilib. Bir çox rusdilli saytlarda və Rusiyanın bəzi kitabxanalarında bu hekayənin süjeti və ideyası barədə də məlumat nəşr olunub. Həmin ilin iyunun 7-də «Azadlıq» radiosunun «Oxu zalı» da hekayəni sayta qoyub. «Literaturnı Azərbayjan» jurnalı hekayəni 2010-cu il avqust sayında yerləşdirib.

Kino

2011-ci ilin fevralında hekayə əsasında Mədəniyyət və Turizm Nazirliyi tərəfindən «Yol» qısametrajlı bədii film çəkilib və həmin ilin martında Almaniyanın «Oberhauzen» festivalına göndərilib və proqramdankənar nümayiş olunub.

2012-ci ildə Ermənistanın «Əgər hamı...» adlı filmi işıq üzü görüb və nüfuzlu "Oskar" mükafatına təqdim edilib. Bu barədə məlumatı oxuyarkən Hüseynbəyli bildirib ki, filmin süjeti və ideyası onun «Gözünə gün düşür» hekayəsindən götürülüb. Belə ki, həm hekayədə, həm də ki, «Əgər hamı...» filmində hər iki qəhrəman sərhədi keçərək ağac əkir.

Ədəbiyyat

• Nizami TAĞISOY. ELÇİN HÜSEYNBƏYLİNİN “GÖZÜNƏ GÜN DÜŞÜR” HEKAYƏSİNƏ YIĞCAM BAXIŞ. 525-ci qəzet.- 2010.- 10 aprel.- S.28.