Günay Mehdizadə

Vikipediya, azad ensiklopediya
Naviqasiyaya keç Axtarışa keç
Günay Zebic (Mehdizadə)
Gunay Mehdizadə
Doğum tarixi (43 yaş)
Doğum yeri Bakı, Azərbaycan SSR, SSRİ
Milliyyəti azərbaycanlı
Vətəndaşlığı SSRİ SSRİ→
Azərbaycan Azərbaycan
Fəaliyyəti rəssam
Vikianbarın loqosu Vikianbarda əlaqəli mediafayllar

Günay Zebic (Mehdizadə) (tam adı: Gunay Mehdizadə; d. 18 iyun 1981, Bakı şəh.) — Azərbaycan Rəssamlar İttifaqının üzvü, Türkiyə və Azərbaycan rəssamı, Bursa Zəki Müren Gözəl Sənətlər Litseyi və Azərbaycan Milli Konservatoriyası tərkibində İncəsənət Gimnaziyasının "Qardaş Məktəb" layihəsinin ideya müəllifi, təşkilatçısı. Ankarada Atatürk Ev Muzeyində sərgilənməkdə və Türkiyə Cumhuriyyəti sərvəti kimi dəyərləndirilməkdə olan "Atatürk Portreti" əsərinin müəllifi.

Haqqında

[redaktə | vikimətni redaktə et]

Günay İsrail qızı Mehdizadə 18 iyun 1981-ci ildə Bakı şəhərində anadan olmuşdur. 2002-ci ildə kompüter proqramlaşdırılması ixtisası üzrə təhsil almışdır.

Rəssamlığa yönəlməsində Azərbaycan yazıçı-publisisti və jurnalisti, "Azərbaycan" jurnalının nəsr şöbəsinin müdiri, bir neçə filmin ssenari müəllifi Sara Oğuz xanım Nəzirovanın mühüm rolu olmuşdur. Günay Mehdizadə Azərbaycanın Əməkdar Rəssamı Bəyimxanım Hacızadə və SSRİ və Azərbaycan Rəssamlar İttifaqının üzvü Əsgər Əsgərov kimi iki böyük sənətkardan 8 ilə yaxın xüsusi təhsil almışdır. Bu istiqamətdə aldığı təhsil və ərsəyə gətirdiyi əsərlər onun peşəkar səviyyəyə çatmasına böyük töhfə vermişdir.[1] Bu gün Günay Mehdizadə rəsmi olaraq Türkiyə və Azərbaycan rəssamı hesab olunmaqdadır. Rəssamın əsərləri Azərbaycan Respublikası Müəllif Haqları tərəfindən qorunmaqdadır. 2011-ci ildən etibarən Azərbaycan Rəssamlar İttifaqının üzvüdür. 2012-ci ildə Günay Mehdizadənin "Milli Qablar" əsəri Dünya Uşaq Ensiklopediyasına qeydə alındı. Rəssamın 2012-ci ildə qələmə aldığı "Novruz" əsəri "Azərbaycan Təsviri Sənətində Tarix və Şəxsiyyət" kitabına salınmışdır.

2013-cü ildə Beynəlxalq yarışmanın qalibi olan Günay Mehdizadə 2014-cü ildə Türkiyədə dördüncü Beynəlxalq Canlı Rəsm Simpoziumunda Azərbaycanı təmsil etdi.

Əsərləri 2013-cü ildə gənc Azərbaycan rəssamlarının Milanda (İtaliya) keçirilən sərgisində böyük tamaşaçı rəğbəti qazanmışdır.[2]

"Qardaş məktəb" layihəsinə görə təltif edilib.

2014-cü ildə simpoziumda yaratdığı "Nar" əsəri Konyanın Modern Muzeyində sərgilənməkdədir.[3]

2015-ci ildən isə "Atatürk Portreti" əsəri Ankarada Atatürk Ev Muzeyində sərgilənməkdə və Türkiyə Cumhuriyyəti sərvəti kimi dəyərləndirilməkdədir.[4][5]

2017-ci ilin May ayında Bakı Yunus Əmrə İnstitunun təşkilatçılığı ilə İzmir Balçova Bələdiyyəsi və Kardeşlik İşbirliyi Dərnəyinin birgə əməkdaşlığı ilə "Rənglərin Qardaşlığı" layihəsinə rəssam-kurator kimi qatılaraq, iki ölkənin mədəniyyətini, sənətini və qardaşlığını təmsil etmişdir.[6]

2016–2017-ci illərdə Günay Mehdizadə xüsusilə tarixi əsərlər üzərində çalışmışdır. Müstəqilliyimizin 25-ci ildönümü zamanı Ulu Öndər Heydər Əliyevin portretini yaratmağa müvəffəq olur. Daha sonra "Atatürk Dönəmi", "Modern Türkiyə", "Xocalı Soyqrımı" əsərlərini yaratmışdır.

2018-ci il iyul ayında Moskvada Avrasiya Ölkələri Müəllif Hüquqları Konfederasiyasının üç günlük konfransı keçirilmiş və Günay Mehdizadə Azərbaycanı təmsil etmişdir.[7]

2019-cu il 6 mart tarixində "Fairmont Hotel"in təşəbbüsü ilə, Günay Mehdizadənin ikinci tərz sərgisi olmuşdur.[8]

2019-cu il 23 aprel XIV dəfə keçirilən Beynəlxalq Məktəblərarası Teatr festivalında layihənin Azərbaycan üzrə rəhbəri, tərtibatçısı və dekoratoru Günay Mehdizadənin təşkilatçılığı ilə festival baş tutmuşdur.[9]

2020-ci il 11 iyunda Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin dəstəyi, tanınmış rəssam Günay Zebicin koordinatorluğu ilə Bakının Qaradağ rayonundakı "Qobu Park-3" yaşayış kompleksində, "Xarı bülbül" Təlim və İstehsalat Birliyində koronavirus (COVİD-19) pandemiyası ilə mübarizə mövzusuna həsr olunmuş "Biz birlikdə güclüyük! / We Are Stronger Together!" adlı tədbir keçirilib.[10]

2021-ci ildə Bakıda Günay Zebiçin (Mehdizadə) layihə rəhbəri, ssenari müəllifi, dekaratoru, personaj kostyumlarının ideya müəllifi olduğu, Türkiyə və Azərbaycanın iki böyük şairini ictimaiyyətə tanıdan "Nizamidən Yunusa: Birlik ilə Baxmaq" adlı teatr tamaşası səhnələşdirib və 7 may tarixində Beynəlxalq Muğam Mərkəzində tamaşaçısız səhnəyə qoyulub.[11][12]

Son 3 ildəki ən yüksək nailiyyətlərinə görə 2020-ci ildə "Azərbaycan qadın mükafatı" fəxri tituluna layiq görülüb.

2022-ci ildə Draqo Ştambukun müəllifi olduğu "Zefir" əsərində G. Mehdizadəyə ithaf edilən "Qədim bədii ənənəyə yeni münasibət" adlı bölmə yer almışdır. Həmin bölmədə Drago Ştambuk Günay Mehdizadənin yaradıcılığını belə qiymətləndirir:

" Çağdaş bədii proseslərin çox təzadlı bir axara kökləndiyi, yaradıcıların "müasir" görünmək yarışının milli bədii dəyərlərimizə ziyan gətirdiyinin qabarıq göründüyü indiki şəraitdə bəzən bütün bunların əksini özündə yaşadan sənət nümunələrinə də rast gəlmək olur. Vurğuladığımız bu yeni və özünəməxsus bədii tutumu gənc rəssam Günay Mehdizadənin müxtəlif mövzulu və janrlı əsərlərində görmək mümkündür. Əvvəlcə onun müxtəlif sərgilərdə nümayiş olunan rəngkarlıq lövhələri, sonra isə özü ilə şəxsi tanışlığımdan sonra əmin oldum ki, rəssamlıq məkanımıza əski milli dəyərlərimizə özünəməxsus bədii münasibət göstərmək istəyində olan bir gənc yaradıcı gəlib. [13] "

2023-cü ilin dekabrın ilk həftəsində Əskişəhər Böyükşəhər Bələdiyyəsinin təşkilatçılığı ilə "Kent Müzeleri Kompleksi" sərgi salonunda "İstiqlal" adlı solo sərgisi baş tutmuşdur. Sərgi Türkiyə Cümhuriyyətinin yaranışının 100-cü ildönümünə həsr edilmişdir. Sərgidə Türkiyə Cümhuriyyətinin qurucusu və ilk rəhbəri Mustafa Kamal Atatürkün gənclik illəri, əsgərlik həyatı və Cümhuriyyətə rəhbərlik etdiyi dövrü təsvir edən əsərlərlə yanaşı 1993–2003-cü illərdə Azərbaycana rəhbərlik etmiş Heydər Əliyevin anadan olmasının 100-cü ildönümünə ithaf edilən əsərlər də təqdim olunmuşdur.[14]

Hal-hazırda Günay Mehdizadə Bursa Zəki Müren Gözəl Sənətlər Litseyi və AMK tərkibində İncəsənət Gimnaziyasının "Qardaş Məktəb" layihəsinin ideya müəllifi, təşkilatçısı və iki dövlətin mədəni əlaqələrinin inkişafı üçün önəmli hesab edilən layihənin baş kuratoru kimi çıxış etməkdədir.[3]

Evlidir.[15]

Təltif və mükafatları

[redaktə | vikimətni redaktə et]
  • 2017-ci ildə 28 may - 1 iyun tarixlərində İzmirdə təşkil edilmiş "Rənglərin qardaşlığı" layihəsində layihə kuratoru kimi verdiyi töhfəyə görə Bakı Yunus Əmrə İnstitutunun müdiri İbrahim Yıldırım tərəfindən təşəkkürnamə ilə təltif edilmişdir.
  • Mudahya İlçə Milli Təhsil müdiri Suat Topal tərəfindən Türkiyə-Azərbaycan qardaşlıq əlaqələrinin inkişafındakı xidmətlərinə görə təşəkkürnamə ilə təltif edilmişdir.
  • 2018-ci il, 15 fevral tarixində Azərbaycan Milli Konservatoriyası tərkibində İncəsənət gimnaziyası və Türkiyə Bursa Zəki Müren Gözəl Sənətlər Litseyinin "Qardaş məktəb" layihəsinin ideya müəllifi və baş kuratoru olmaqla iki dövlət, bir millət adına dövlətlərarası təhsil və mədəni əlaqələrin inkişafındakı ölkələrimiz arasında Türk adət-ənənələrinin gənc nəslə çatdırılmasında, türk dünyası mədəniyyət və təhsilin təbliğatı adına əvəzedilməz xidmətlərinə görə mükafatlandırılmışdır.
  • 2019-cu il 5 may tarixində beynəlxalq 14-cü liseylər arası teatr festivalında iştirakına görə Kayseri Böyükşehir bələdiyyə rəhbəri Memduh Büyükkılıç tərəfindən təşəkkürnamə ilə təltif edilmişdir.
  • Son 3 ildəki ən yüksək nailiyyətlərinə görə 2020-ci ildə "Azərbaycan qadın mükafatı" fəxri tituluna layiq görülüb.
  • 2021-ci ildə keçirilmiş Yunus Əmrə və Nizami Gəncəviyə həsr edilən "Nizami"dən Yunusa Birlik ilə Baxmaq" teatr tamaşasında ssenarist və rejissor olaraq töhfə verdiyinə görə Bakı Yunus Əmrə İnstitutunun müdiri Selçuk Karakılıç tərəfindən ona təşəkkür elan edilmişdir.
  • 2022-ci il fevral ayının 25-də "Names (adlar)" adlı fərdi sərginin rəssam kuratorluğuna və ictimai fəallığına görə Azərbaycan Rəssamlar İttifaqı və Xətai sənət Mərkəzi tərəfindən diplomla təltif edilib.
  • 2022-ci ilin iyun ayında Hindistanın Azərbaycandakı səfiri B.Vanlalvavna tərəfindən sənəti ilə Hindistanla Azərbaycan arasındakı dostluğun möhkəmləndirilməsindəki töhfəsinə görə təşəkkürnamə ilə təltif edilib.

Günay Zebicin fəaliyyəti fotolarda

[redaktə | vikimətni redaktə et]
  • Günay Zebic çəkdiyi rəsm əsəri fonunda
  • Günay Zebic çəkdiyi rəsm əsəri fonunda
  • Günay Zebic çəkdiyi rəsm əsəri fonunda

Rəssamın fəaliyyətinin mətbuatda əksi

[redaktə | vikimətni redaktə et]
  1. Əliyev Z. Müasir bədii baxış milli ənənələrə söykənəndə. Ulduz qəzeti, 2014, sentyabr, s.67–70.
  2. Rəsm əsərimin Ankarada Atatürkün ev muzeyində sərgilənməsi qürurverici duyğudur. Müsahibəni apardı: F. Hüseynzadə. Palitra, 2016, 18 iyun, s.7. Arxivləşdirilib 2019-09-15 at the Wayback Machine
  3. Əliyev Z. Rəssam Günay Mehdizadənin qədim ənənəyə müasir münasibəti. "Kaspi" qəz., 2017, 25–27 noyabr, s.24. Arxivləşdirilib 2019-09-13 at the Wayback Machine
  4. Miniatürün gəncliyi: Rəssam Günay Mehdizadənin qədim ənənəyə müasir münasibəti haqqında. Kaspi qəzeti, 2017, 25–27 noyabr, s. 24 Arxivləşdirilib 2019-09-13 at the Wayback Machine
  5. Əliyev Z. Azərbaycanlı rəssamın əsəri "Atatürk evi"ni bəzəyir. Mədəniyyət qəzeti, 2015, 24 iyun, s.13 Arxivləşdirilib 2020-01-21 at the Wayback Machine
  6. Əliyev Z. Gənc rəssamın uğurlu axtarışları. 525-ci qəzet, 2014, 23 avqust, s. 18. Arxivləşdirilib 2023-06-01 at the Wayback Machine
  7. Günay Mehdizadə: "Canlı rəsm simpoziumları multikultural mədəni dəyərlərin vəhdəti üçün olduqca uğurludur" Müsahibəni apardı: F. Hüseynzadə. Palitra, 2016, 18 iyun, s.7. Arxivləşdirilib 2019-09-15 at the Wayback Machine
  8. Əsəri Türkiyə Cümhuriyyətinin sərvəti olan rəssam. Müsahibəni apardı: X. Rəis. Kaspi, 2018, 22 fevral, s.14 Arxivləşdirilib 2020-02-15 at the Wayback Machine
  9. Əliyev Z. Günay Mehdizadənin Konya uğuru. Palitra qəzeti, 2014, 10 iyun, s.13. Arxivləşdirilib 2015-04-27 at the Wayback Machine
  10. Renklerin Kardeşliği" sergisi açıldı. Hurriyet qazetesi, 2017, 2 haziran Arxivləşdirilib 2015-04-27 at the Wayback Machine
  11. Baku hosts exhibition on women | Report.az

Həmçinin bax

[redaktə | vikimətni redaktə et]

İstinadlar

[redaktə | vikimətni redaktə et]
  1. ↑ Günay Mehdizade Zebic. "İstiklal" resim sergisi. 1–17 aralık 2023. Ken Müzeleri Kompleksi Sergi Salonu. Odunpazarı / Eskişehir. — Buklet
  2. ↑ Əliyev, Ziyadxan. Müasir bədii baxış milli ənənələrə söykənəndə. //Ulduz .-2014.- sentyabr.- S.67–70.
  3. ↑ 1 2 "Əsəri Türkiyə Cümhuriyyətinin sərvəti olan rəssam. Müsahibəni apardı: X.Rəis. Kaspi, 2018, 22 fevral, s.14". 2020-02-15 tarixində arxivləşdirilib. İstifadə tarixi: 2018-03-26.
  4. ↑ "Əsəri Türkiyə Cümhuriyyətinin sərvəti olan rəssam". 2020-01-30 tarixində arxivləşdirilib. İstifadə tarixi: 2018-03-24.
  5. ↑ "Əsəri Türkiyənin sərvəti olan azərbaycanlı kimdir?". 2018-11-07 tarixində arxivləşdirilib. İstifadə tarixi: 2018-03-24.
  6. ↑ "Rənglərin Qardaşlığı". 2020-06-26 tarixində arxivləşdirilib. İstifadə tarixi: 2018-03-24.
  7. ↑ Tanınmış rəssam ölkəmizi beynəlxalq qurumda təmsil edib
  8. ↑ "525-ci qəzet - Rəssam Günay Mehdizadənin yeni sərgisi - Fotolar". 2024-01-17 tarixində arxivləşdirilib. İstifadə tarixi: 2024-01-17.
  9. ↑ Kayseridə "Aləmin nəfəsi: Nəsimi" tamaşası
  10. ↑ "Səfirlərin ailə üzvləri köçkünlər qəsəbəsində - XƏBƏRLƏR-www.idp.gov.az". 2022-08-04 tarixində arxivləşdirilib. İstifadə tarixi: 2024-06-29.
  11. ↑ ""Nizamidən Yunusa: Birlik İlə Baxmaq"". 2024-06-29 tarixində arxivləşdirilib. İstifadə tarixi: 2024-06-29.
  12. ↑ "Nizamidən Yunusa: Birlik ilə baxmaq" tamaşası nümayiş olunacaq — Sputnik.az
  13. ↑ Mehdizadə, Günay. Qədim bədii ənənəyə yeni münasibət // Draqo Ştambuk. Zefir. Bakı: Şərq-Qərb, 2022, s. 400-414
  14. ↑ ‘İSTİKLAL’ SANATSEVERLERLE BULUŞTU (esyenigun.com) Arxivləşdirilib 2024-03-24 at the Wayback Machine
  15. ↑ Azərbaycandakı diplomatların ailə üzvləri məcburi köçkünlərə baş çəkib Arxivləşdirilib 2021-09-23 at the Wayback Machine — Report informsiya agentliyi (istifadə tarixi: 27.10.2020)

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Günay_Mehdizadə&oldid=7776109"