Hökumət Cihazlarında TikTokun Olmaması Aktı

Vikipediya, azad ensiklopediya
Naviqasiyaya keç Axtarışa keç

Hökumət Cihazlarında TikTokun Olmaması Aktı (ing. No TikTok on Government Devices Act) — "TikTok"un bütün federal hökumət cihazlarında istifadəsini qadağan edən ABŞ federal qanunu.[1] İlk növbədə 2020-ci ildə müstəqil qanun layihəsi kimi təqdim edilmiş, 29 dekabr 2022-ci ildə ABŞ Prezidenti Co Bayden tərəfindən 2023-cü il Konsolidə Edilmiş Təxsisat Aktının bir hissəsi olaraq qanuna imza atılmışdır.[2]

Tarixi[redaktə | mənbəni redaktə et]

Hökumət Cihazlarında TikTokun Olmaması Aktı (S. 3455) ilk olaraq 2020-ci ildə senator Coş Houli (R-MO) tərəfindən təqdim edilmiş və 6 avqust 2020-ci ildə yekdil razılıqla Birləşmiş Ştatların Senatında qəbul edilmişdir.[3] Qanun layihəsi (S. 1143) 15 aprel 2021-ci ildə senator Houli tərəfindən yenidən təqdim edilmiş və 14 dekabr 2022-ci ildə yekdil razılıqla yenidən Senatdan keçmişdir.[4]

Qanun daha sonra 22 dekabr 2022-ci ildə 68–29 səslə Senatda və 23 dekabr 2022-ci ildə 225–201–1 səslə ABŞ Nümayəndələr Palatasında qəbul edilmiş 2023-cü il Konsolidə Edilmiş Təxsisatlar Aktının R Bölməsi kimi il sonu omnibus xərcləri qanun layihəsinə daxil edilmişdir. Qanun layihəsi ABŞ Prezidenti Co Bayden tərəfindən 29 dekabr 2022-ci ildə imzalanmışdır.[5]

Müddəalar[redaktə | mənbəni redaktə et]

Qanun "TikTok"un istənilən federal hökumət və hökumət korporasiya cihazlarına yüklənməsini və ya istifadəsini qadağan edir, "TikTok"un sözügedən cihazlardan çıxarılmasını tələb edir. Qanun İdarəetmə və Büdcə Ofisinin direktoru, Ümumi Xidmətlər administratoru, Kibertəhlükəsizlik və İnfrastruktur Təhlükəsizliyi Agentliyinin direktoru, Milli Kəşfiyyat direktoru və Müdafiə naziri tərəfindən birgə formada həyata keçirilir. İstisnalar yalnız hüquq-mühafizə orqanları, milli təhlükəsizlik və ya təhlükəsizlik tədqiqatı məqsədləri üçün icazə verildiyi təqdirdə edilə bilər.[6]

İstinadlar[redaktə | mənbəni redaktə et]

  1. ↑ Nava, Victor. "Senate passes bill banning TikTok on government devices". New York Post. 2022-12-15. 2022-12-31 tarixində arxivləşdirilib. İstifadə tarixi: 2022-12-31.
  2. ↑ "TikTok will be banned on most US federal government devices". Engadget. 2022-12-29. 2022-12-31 tarixində arxivləşdirilib. İstifadə tarixi: 2022-12-31.
  3. ↑ Nandita Bose. "U.S. Senate votes to ban TikTok app on government devices". Reuters. 7 August 2020. 2 January 2023 tarixində arxivləşdirilib. İstifadə tarixi: 2 January 2023.
  4. ↑ Brian Fung. "Senate passes legislation to ban TikTok from US government devices". CNN. 15 December 2022. 1 January 2023 tarixində arxivləşdirilib. İstifadə tarixi: 2 January 2023.
  5. ↑ David Ingram. "Biden signs TikTok ban for government devices, setting up a chaotic 2023 for the app". NBC News. 31 December 2022. 1 January 2023 tarixində arxivləşdirilib. İstifadə tarixi: 2 January 2023.
  6. ↑ "S. 1143 – No TikTok on Government Devices Act, 117th Congress (2021-2022)". Congress.gov. December 15, 2022. March 6, 2023 tarixində arxivləşdirilib. İstifadə tarixi: January 11, 2024.

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Hökumət_Cihazlarında_TikTokun_Olmaması_Aktı&oldid=7466914"