Həsən Hümbətov

Vikipediya, azad ensiklopediya
Jump to navigation Jump to search
Həsən Hümbətov
Hümbətov Həsən Həşim oğlu
Doğum tarixi 1937(1937)
Doğum yeri Naxçıvan, Aşağı Uzunoba kəndi ,Azərbaycan
Vəfat tarixi 2003(2003)
Atası Həşim
Anası Durna
Elmi dərəcəsi texnika elmləri doktoru
Mükafatları Azərbaycan Respublikasının "Şöhrət" ordeni

Hümbətov Həsən Həşim oğlu - texnika elmləri doktoru, professor

Həyatı[redaktə | əsas redaktə]

Hümbətov Həsən Həşim oğlu Azərbaycan Respublikası Naxçıvan MR Naxçıvan şəhərində anadan olmuşdur. 1959-cu ildə "Neft yataqlarının işlənilməsi və istismarı" ixtisası üzrə AzSİ-nun neft-mədən fakültəsini bitirmişdir. Əmək fəaliyyətinə "Neft Daşları" NQÇİ-də operator kimi başlayaraq, usta köməkçisi, neft hasilatı ustası kimi müxtəlif vəzifələrdə işləmişdir. 1968-1992-ci illərdə Hümbətov H.H. "Nərimanovneft" NQÇİ-də rəis vəzifəsində işləmişdir ki, burada onun rəhbərliyi altında kompleks elmi-tədqiqat işləri aparılaraq, əldə edilmiş nəticələr müvəffəqiyyətlə istehsalata tətbiq edilmişdir. 1971-ci ildə namizədlik, 1996-cı ildə isə "Azərbaycanın dəniz neft yataqlarının mürəkkəb şəraitlərində neftin yığılması, nəqli və hazırlanması proseslərinin səmərəliliyinin artırılması" mövzusunda doktorluq dissertasiyaları müdafiə etmişdir. 1992-1994-cü illərdə "Azneft" İB-nin neft-qaz hasilatı üzrə Baş İdarəsinin neftin hazırlanması və nəqli istehsalat şöbəsinə rəhbərlik etmiş, dənizdə neft hasilatı üzrə İB-də baş mühəndis, daha sonra isə DETLİ-də direktor müavini olmuşdur. Hümbətov H.H. yüksək ixtisaslı alim və mütəxəssis kimi kompleks elmi-tədqiqat işləri aparmışdır və onun neft və qaz hasilatının artırılması üçün əldə etdiyi nəticələr müvəffəqiyyətlə istehsala tətbiq edilirdi.

Elmi fəaliyyəti[redaktə | əsas redaktə]

Hümbətov H.H. neft və qazın saxlanması və nəqli sahəsində tanınmış alimdir. Hümbətov H.H. 100-dən artıq elmi məqalənin və 23 monoqrafiyanın müəllifidir. 1999-cu ildə Hümbətov H.H. Beynəlxalq Mühəndislər Akademiyasının həqiqi üzvü seçilmiş və Avropa Beynəlxalq Biblioqrafik Mərkəzinin baş direktoru təyin edilmişdir. O Azərbaycan Respublikasının "Şöhrət" ordeni ilə təltif olunmuşdur.