Həsən Qasımov

Vikipediya, açıq ensiklopediya
Keçid et: naviqasiya, axtar
Həsən Qasımov
Şəkil yoxdur.jpg
Doğum tarixi: 16 mart 1957(1957-03-16)
Doğum yeri: Yardımlı
Atası: Rəsul Qasımov
Milliyyəti: azərbaycanlı
İxtisası: Filoloq

Qasımov Həsən Rəsul oğlu (d.16 mart, 1957. Yardımlı, Azərbaycan SSR, SSRİ) — Komi Respublikası üzrə "Azərbaycan" cəmiyyətinin sədri.

Həyatı[redaktə | əsas redaktə]

Həsən Qasımov 16 mart 1957-ci ildə Yardımlı rayonun Peştəsər kəndində anadan olmuşdur. 1964-1974-cü illərdə orta məktəbdə təhsil alıb.1974-cü ildə hərbi xidmətə yollanıb.

1976-cı ildə Axundov adına Rus dili ədəbiyyat institutuna daxil olub.

Ali məktəbi bitirdiktən sonra təyinat üzrə Salyan, Şirvan rayonlarında rus dili və ədəbiyyat müəllimi kimi çalışıb.

Əmək fəaliyyəti[redaktə | əsas redaktə]

1996-cı ildə Rusiya Federasiyasının Komi Respublikasının Uxta şəhərinə köçüb.1997-ci ildə Komi Respublikası üzrə "Azərbaycan" cəmiyyətinin əsasını qoyub və həmin təşkilatın indiyə qədər sədri vəzifəsində çalışır.Müsahibələrin birində Həsən Qasımov qeyd etmişdir:

"Əsas məqsədimiz Azərbaycanın dilini, dinini, mədəniyyətini və milli adət-ənənələrini qoruyub saxlamaq və təbliğ etməkdir. Bizim bundan böyük məqsədimiz ola bilməz və hesab edirəm ki, hər bir Azərbaycan vətəndaşı doğma Vətəninin sərhədini keçərkən öz şəxsi maraqlarından əvvəl xalqını, dövlətini düşünməlidir. Biz bütün yığıncaqlarımızda dəfələrlə qeyd edirik ki, harada yaşamağımızdan, işləməyimizdən, tutduğumuz mövqedən asılı olmayaraq biz azərbaycanlıyıq və milli ləyaqətimizi qoruyub saxlamalıyıq"[1]

2015-ci ilin aprel ayında Komi Respublikasının Uxta şəhərində erməni diasporu qondarma “erməni soyqırımı"nın 100 illiyinin respublika səviyyəsində keçirilməsi üçün Şəhər Şurasında məsələ qaldırıb. Amma 15 ildən çoxdur Komidə fəaliyyət göstərən “Azərbaycan” Cəmiyyətinin sədri, Uxta Şəhər Şurasının üzvü Həsən Qasımov və cəmiyyətin digər fəallarının məsələyə müdaxiləsindən sonra ermənilərə rəsmi olaraq rədd cavabı verilib.

Həsən Qasımov bu cür tədbirlərin Komidə yaşayan xalqlar arasında nifaq salmağa xidmət etdiyini bildirib. O, Roma Papasının qondarma "erməni soyqrımı" ilə bağlı mövqeyini pisləyib və belə bir yanaşmanın din xadimi üçün bağışlanılmaz səhv olduğunu bəyan edib. H.Qasımov Avropa Parlamentinin qondarma “erməni soyqırımı” ilə bağlı qəbul etdiyi qətnamənin həqiqəti əks etdirməyən və l Dünya müharibəsinin real tarixi hadisələrini təhrif edən qərar olduğunu da qeyd edib.[1]

Ailəlidir iki oğlu var.

İstinadlar[redaktə | əsas redaktə]