Hamza Tzortzis

Vikipediya, azad ensiklopediya
Jump to navigation Jump to search
Hamza Tzortzis
Doğum tarixi 21 sentyabr 1980(1980-09-21) (41 yaş)
Fəaliyyəti müəllif, tədqiqatçı, mühazirəçi
Saytı hamzatzortzis.com

Hamza Andreas Tzortzis (ing. Hamza Tzortis; 21 sentyabr 1980) — 1980-ci ildə İngiltərənin London şəhərində, yunan əsilli ortodoks bir ailədə dünyaya gəlmişdir. Gənclik illərində ateizmə yönələn Andreas, daha sonralar fəlsəfə ilə dərindən maraqlanmış və 22 yaşında İslamı qəbul etmişdir. Fəlsəfə sahəsində  fəaliyyətini davam etdirərək London Universitetində bu sahə üzrə magistr təhsili almışdır. Fəlsəfə üzrə PgCert və MA sertifikatlarına sahibdir və bu sahədə akademik fəaliyyətini davam etdirməkdədir.  

Fəaliyyəti[redaktə | mənbəni redaktə et]

Bir çox ölkələrdə konfranslar verən Tzortzis, insanlara İslamın mərhəmət, sevgi və qardaşlıq mühitinə dəvət edən çıxışlar etmişdir. Həmçinin prof. Lawrence Krauss, prof. Peter Simons, prof. Dan Barker və prof. Simon Blackburn kimi məşhur şəxslərlə bir sıra açıq debatlarda iştirak etmiş, BBC kanalında yayımlanan The Big Questions[1] and Newsnight verilişlərinə münazirəçi tərəf kimi qatılmışdır. Hal-hazırda İngiltərədə yaşayan Hamza Andreas Tzortzis İERA araşdırmalar mərkəzinin təsisçisi və idarə heyətinin sədri olaraq fəaliyyət göstərir. Bir çox məqalə və essenin müəllifidir.

Kitabları[redaktə | mənbəni redaktə et]

2016-cı ildə çap etdirdiyi "The Divine Reality" kitabı Amazon kitab satışı səhifəsində bestsellerə çevrilmiş, İngiltərə və Kanadada "Ateizm" mövzusunda yazılmış kitablar arasında trendə düşərək 1-ci yerə yüksəlmişdir.

Müasir ateizmin akademik və populyar etirazlarının ələ alındığı kitabda həyatın ən vacib fəlsəfi suallarına münasibət bildirilmişdir. İlahi bir ümid mənbəyi olmadan xoşbəxtlik və insani dəyərlərin varlığı nə qədər məntiqlidir? Yekun bir məqsədimiz varmı? Tanrı olmadan şüura və rasional əqlə sahib ola bilərikmi? Kainat yoxdan yaranıbmı? Şər və iztirabın mövcudluğu ilahi mərhəməti inkar edirmi? Elmi inkişaf Tanrını inkar etməyə səbəb olurmu? Vəhy və peyğəmbərlik bir mifdən ibarətdirmi? - kimi bənzər mövzular kitabda ələ alınmışdır.

İstinadlar[redaktə | mənbəni redaktə et]

  1. "BBC One - The Big Questions, Series 8, Episode 2 - Credits". BBC. Retrieved 28 December 2016.