Hikmət Həsənov

Vikipediya, azad ensiklopediya
Jump to navigation Jump to search
Hikmət Həsənov
Hikmat Hasanov in military unit in Tartar district.jpg
Şəxsi məlumatlar
Ləqəbi Madagiz fatehi
Doğum tarixi (45 yaş)
Doğum yeri Pirəhmədli, Füzuli, Azərbaycan SSR
Vətəndaşlığı Azərbaycan Azərbaycan
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Quru Qoşunları
Hərbi hissə Azerbaijan 1st Army.svg 1-ci Ordu Korpusu
Xidmət illəri 1992—hal-hazırda
Rütbə
Azərbaycan Silahlı Qüvvələrinin Quru Qoşunlarının general-mayoru.png General-mayor
Döyüşlər Aprel döyüşləri
Vətən müharibəsi
 • Madagiz döyüşləri
Təltifləri "Qarabağ" ordeni — 2020 "Vətənə xidmətə görə" 2018-ci dərəcəli ordeni () "Vətən uğrunda" medalı — 2012 "İgidliyə görə" medalı — 2006 "Suqovuşanın azad olunmasına görə" medalı — 2020 "Xocavəndin azad olunmasına görə" medalı — 2020 "Füzulinin azad olunmasına görə" medalı — 2020 "Hərbi xidmətlərə görə" medalı — 2015 "Azərbaycan Respublikası Silahlı Qüvvələri Veteranı" medalı "Qüsursuz xidmətə görə" 1-ci dərəcəli medalı "Qüsursuz xidmətə görə" 2-ci dərəcəli medalı "Qüsursuz xidmətə görə" 3-cü dərəcəli medalı "Azərbaycan Respublikası Silahlı Qüvvələrinin 10 illiyi (1991-2001)" yubiley medalı "Azərbaycan Respublikası Silahlı Qüvvələrinin 90 illiyi (1918-2008)" yubiley medalı "Azərbaycan Respublikası Silahlı Qüvvələrinin 95 illiyi (1918-2013)" yubiley medalı "Azərbaycan Ordusunun 100 illiyi (1918-2018)" yubiley medalı
Hikmat Hasanov signature.png
Commons-logo.svg Vikianbarda əlaqəli mediafayllar

Hikmət Hüseyn oğlu Həsənov (9 oktyabr 1975(1975-10-09), Pirəhmədli, Füzuli rayonu) — Azərbaycan Silahlı Qüvvələrinin general-mayoru[1], Birinci Ordu Korpusunun komandiri.[2] 2016-cı il Aprel döyüşlərində istiqamət komandiri kimi cəbhənin 3 istiqamətində — Ağdam-Tərtər-Goranboy cəbhəsində döyüşləri idarə edib.[3] 2020-ci il oktyabrın 3-də Ağdərə rayonu istiqamətində yerləşən Suqovuşanın işğaldan azad edilməsinə başçılıq etmişdir.[4]

Həyatı və fəaliyyəti[redaktə | əsas redaktə]

Hikmət Həsənov 9 oktyabr 1975-ci ildə Füzuli rayonunun Pirəhmədli kəndində dünyaya gəlib. 1992-ci ildə Bakı Ali Ümumqoşun Komandirləri Məktəbinə daxil olub. Tərtərdə "N" saylı hərbi-hissədə tağım komandiri kimi xidmətə başlayıb. 1994-cü ildə Türkiyədə Tuzla Hərbi Piyada Məktəbində 6 ay kurs keçib, 1995-ci ildə hərbi məktəbi bitirərək, Ağdamda "N" saylı briqadada xidmətə başlayıb. Burada bölük komandiri, tabor komandiri vəzifəsinə qədər yüksəlib. 2002-ci ildə təhsilini davam etdirmək üçün Çin Xalq Azadlıq Ordusunun Nankin Quru qoşunları Ali Hərbi Akademiyasına daxil olub, akademiyanı xüsusi fərqlənmə ilə bitirib, xüsusi döş nişanı ilə təltif olunub.[3]

2003-cü ildə vətənə qayıdaraq Qazaxda "N" saylı hərbi hissədə briqada komandirinin MTT üzrə müavini təyin edilib, bir neçə ay sonra Tovuzda "N" saylı briqadanın qərargah rəisi kimi xidmətinə davam edib. 2005–2008-ci illərdə xidmətini Gəncədə "N" saylı briqadanın komandiri kimi davam etdirib. 2008-ci ildə Silahlı Qüvvələrin Hərbi Akademiyasına daxil olub, 2010-cu ildə akademiyanı fərqlənmə ilə bitirib. Elə həmin il PirəküşkülMüdafiə Nazirliyi tərəfindən yaradılan NATO taborunun yerləşdiyi briqadaya komandir təyin edilib, NATO təlimlərində qarşıya qoyulan tapşırığı ingiliscə məruzə edən ilk azərbaycanlı hərbçi olub. 2013-cü ildə təhsilini artırmaq üçün Almaniyaya gedib, NATO əməliyyat planlaşdırması kursunu keçib, NATO əməliyyat qərargahında qərargah zabiti kimi praktika keçib. 2014-cü il iyunun 26-da Silahlı Qüvvələrin yaranmasının 96-cı ilində Ali baş komandanın sərəncamı ilə general-mayor rütbəsi alıb.[5] 2014-cü ildə Prezident, Ali Baş Komandan İlham Əliyevin sərəncamı ilə yeni yaranan, strukturu yenidən qurulan Naxçıvan Əlahiddə Ümumqoşun Ordusunun qərargah rəisi təyin edilib. 2014-cü il dekabrın 28-də Ali baş komandanın sərəncamı ilə Silahlı Qüvvələrin ən təhlükəli, strateji postu olan "N" saylı birləşmənin komandiri təyin edilib.[3] 2018-ci ildə Prezidentin sərəncamı ilə 3-cü dərəcəli "Vətənə xidmətə görə" ordeni ilə təltif edilib.[6]

İngilis, rus, türk, fars, erməni dillərini mükəmməl bilir.[3]

Döyüş yolu[redaktə | əsas redaktə]

2004-cü ildə Tovuz istiqamətində əsgəri Dilqəmlə erməni postunu ələ keçirdiyinə görə komandanlıq tərəfindən briqada komandiri vəzifəsinə yüksəldilib. Həmin döyüşdə əsgəri Dilqəm şəhid olduğu üçün, hazırda da həmin post Şəhid Dilqəmin adını daşıyır.[7]

Komandirliyi dövründə 2015–2017-ci illərdə Ağdam-Tərtər-Goranboy istiqamətində düşmən tərəfi ciddi itkilər verib. 2016-cı ildə aprel döyüşlərində cəbhənin 3 istiqamətində: Ağdam-Tərtər-Goranboy cəbhəsindəki döyüşləri idarə edib. Apreldə rəhbərlik etdiyi döyüşdə ordumuz ilə 2 saat ərzində düşmənin 24 illik "Ohanyan müdafiə xətti"ni yararaq Talış yüksəkliklərinə qalxıb, düşmənin 21 postunu dağıdaraq 7 strateji yüksəkliyi düşməndən təmizləyib.[7]

2020-ci il oktyabrın 3-də Ağdərə rayonu istiqamətində yerləşən Suqovuşanın işğaldan azad edilməsinə başçılıq etmişdir.[8]

Hərbi xidməti[redaktə | əsas redaktə]

1990—2010-cu illər: Xidmətinin birinci illəri[redaktə | əsas redaktə]

Hikmət Həsənov 1993-cü ildə Azərbaycan Silahlı Qüvvələrinin Tərtər rayonu ərazisində yerləşən "N" saylı hərbi hissəsində Tağım Komandiri vəzifəsində xidmət edib. Daha sonra xidmətini Ağdam rayonu ərazisində yerləşən "N" saylı hərbi hissədə Briqada Komandiri vəzifəsində davam edib. Ardınca isə Bölüyün Komandiri və Taborun Komandiri vəzifələrində xidmət edib.

2002-ci ildə Çin Xalq Azadlıq Ordusunun Nanjinq Quru Qoşunları Ali Hərbi Ahademiyasın daxil olub və 2003-cü ildə təhsilini xüsusi fərqlənmə ilə bitirib.

2003-cü ildə Qazax rayonu ərazisində yerləşən "N" saylı hərbi hissədə Briqada Komandirinin MTT üzrə müavini vəzifəsinə təyin olunub, bir müddət sonra isə xidmətini Tovuz rayonu ərazisində yerləşən "N" saylı hərbi hissədə Briqadanın Qərargah rəisi olaraq davam edib.

2004-cü ildə Tovuz rayonu istiqamətində hal-hazırda adı "Dilqəm postu" olan mövqeyi erməni işğalından azad elədiyi üçün Briqada Komandiri vəzifəsinə təyin olub. 2005-2008-ci illərdə Gəncə şəhərində yerləşən N saylı hərbi hissədə Briqada Komandiri vəzifəsində xidmət edib.

Daha sonra o, 2008-ci ildə Silahlı Qüvvələrin Hərbi Ahademiyasına daxil olub və 2010-cu ildə təhsilini fərqlənmə ilə başa vurub. 2010-cu ildə Abşeron rayonunda NATO-Azərbaycan tərəfdaşlıq müqaviləsinə əsasən Müdafiə Nazirliyi tərəfindən yaradılan NATO Taborunda Briqada Komandiri vəzifəsinə təyin olunub.

2010—2020-ci illər: Ordu Korpusunun Komandiri[redaktə | əsas redaktə]

2013-cü ildə təhsili daha da artırmaq üçün Almaniyada NATO-nun "Əməliyyat planlaşdırılması" Kursunda olub.

2014-cü ildə Azərbaycan Prezidenti İlham Əliyevin Sərəncamına əsasən Naxçıvan Əlahiddə Ümumqoşun Ordusunun Qərargah rəisi vəzifəsinə təyin olunub.

2014-cü il iyunun 26-da Azərbaycan Prezidenti İlham Əliyevin Sərəncamına əsasən "general-mayor" hərbi rütbəsi verilib.

2014-cü il dekabrın 28-də Azərbaycan Prezidenti İlham Əliyevin Sərəncamına əsasən Silahlı Qüvvələrin ən strateji 1-ci Ordu Korpusunun Komandiri vəzifəsinə təyin olunub.

Aprel döyüşləri (2016)[redaktə | əsas redaktə]

Gnome-searchtool.svg Əsas məqalə: Aprel döyüşləri

2016-cı il aprelin 1-dən 2-nə ötən gecədən başlayaraq AzərbaycanErmənistan Silahlı Qüvvələrinin bölmələri arasında cəbhənin TərtərCəbrayıl-Füzuli istiqamətlərində şiddətli döyüşlər başladı. Tarixə Aprel döyüşləri olaraq yazılan hərbi əməliyyatlar zamanı 1-ci Ordu Korpusunun Komandiri olan Hikmət Həsənov cəbhənin Tərtər rayonu istiqamətində gedən döyüşlərdə savaşmışdır. Gecə döyüşləri zamanı Tərtər rayonunun Talış istiqamətində olan əlverişli mövqelər, strateji nöqtələr, o cümlədən Talış zirvəsi Azərbaycan Ordusu tərəfindən işğaldan azad olunmuşdur. Həmin döyüşlərdə Ermənistanın müdafiə naziri Seyran Ohanyan tərəfindən qurulan və Ermənistan Ordusunun "yenilməz Ohanyan səddi" olaraq tanınan müdafiə xətti 40 dəqiqə ərzində darmadağın edilmişdir. Onun rəhbərliyi altında 2 saat ərzində Ermənistan Ordusunun 21 postu darmadağın edilmişdir və 7 strateji nöqtə işğaldan azad edilmişdir.

2020—ci ildən: Vətən müharibəsi[redaktə | əsas redaktə]

2020-ci il sentyabrın 27-də səhər saat 06:00 radələrində Ermənistan Silahlı Qüvvələrinin bölmələri tərəfindən genişmiqyaslı təxribat törədilmişdir və cəbhəboyu zonada yerləşən Azərbaycan Ordusunun mövqeləri və yaşayış məntəqələri iriçaplı silahlar, minaatnalar və müxtəlif çaplı artilleriya qurğularından intensiv atəşə tutulmuşdur, nəticədə ölənlər və yaralananlar olmuşdur.[9] Bu barədə məlumat Azərbaycan Prezidenti İlham Əliyevə bildiriləndən sonra günorta saatlarında Ermənistan Silahlı Qüvvələrinin döyüş fəaliyyətinin qarşısını almaq məqsədilə Azərbaycan Silahlı Qüvvələrinin Komandanlığı tərəfindən cəbhəboyu zonada hücum əməliyyatlarının başlaması barədə qərar verilmişdir.[10]

Azərbaycanın ərazi bütövlüyünün bərpa edilməsində xüsusi xidmətlərinə və işğal olunmuş ərazilərin azad olunması zamanı düşmənin məhv edilməsi üzrə qarşıya qoyulmuş döyüş tapşırığını yerinə yetirən zaman göstərdiyi qəhrəmanlıq nümunəsinə görə, həmçinin hərbi qulluq vəzifəsini yerinə yetirən zamanı igidliyin və mərdliyin nümayiş etdirilməsinə görə Azərbaycan Prezidenti İlham Əliyevin 09.12.2020-ci il tarixli Sərəncamına əsasən Hikmət Həsənov "Qarabağ" ordeni ilə təltif edildi.[11]

Təltifləri[redaktə | əsas redaktə]

Azərbaycan Prezidenti İlham Əliyev Aprel döyüşlərinin ildönümü münasibətilə hərbçiləri qəbul edən zaman
Soldan sağa: Ş. Həmidov, M. Bərxudarov, Z. Həsənov, İ. Əliyev, N. Sadıqov və H. Həsənov

İstinadlar[redaktə | əsas redaktə]

  1. "Azərbaycan Respublikası Silahlı Qüvvələrinin hərbi qulluqçularına ali hərbi rütbələrin verilməsi haqqında Azərbaycan Respublikası Prezidentinin Sərəncamı". president.az. 25 iyun 2014. 25 iyul 2014 tarixində arxivləşdirilib. İstifadə tarixi: 8 oktyabr 2020.
  2. "Prezident 1-ci Ordu Korpusunun komandiri Hikmət Həsənovu Madagizin işğaldan azad olunması münasibətilə təbrik edib". aztv.az. 3 oktyabr 2020. 8 oktyabr 2020 tarixində arxivləşdirilib. İstifadə tarixi: 8 oktyabr 2020.
  3. 1 2 3 4 "Dörd gün sonra 45 yaşı olacaq - Suqovuşanı fəth edən general". oxu.az. 5 oktyabr 2020. 8 oktyabr 2020 tarixində arxivləşdirilib. İstifadə tarixi: 8 oktyabr 2020.
  4. "Prezidentin Mətbuat Xidmətinin məlumatı". president.az. 3 oktyabr 2020. 8 oktyabr 2020 tarixində arxivləşdirilib. İstifadə tarixi: 8 oktyabr 2020.
  5. "Azərbaycan Respublikası Silahlı Qüvvələrinin hərbi qulluqçularına ali hərbi rütbələrin verilməsi haqqında Azərbaycan Respublikası Prezidentinin Sərəncamı". e-qanun.az. 24 iyun 2014. İstifadə tarixi: 9 oktyabr 2020.[ölü keçid]
  6. "Azərbaycan Respublikası Müdafiə Nazirliyinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı". president.az. 25 iyun 2018. 8 oktyabr 2020 tarixində arxivləşdirilib. İstifadə tarixi: 8 oktyabr 2020.
  7. 1 2 Anar Kəlbiyev (4 oktyabr 2020). "Madagizi işğaldan azad edən general: Hikmət Həsənov kimdir?". azvision.az. 8 oktyabr 2020 tarixində arxivləşdirilib. İstifadə tarixi: 8 oktyabr 2020.
  8. "Suqovuşanı işğaldan azad edən komandandan ilk açıqlama" (azərb.). PİA.AZ. 3 oktyabr 2020. İstifadə tarixi: 3 oktyabr 2020.
  9. Müdafiə Nazirliyi (27.09.2020). "Ermənistan Silahlı Qüvvələri bütün cəbhə boyu genişmiqyaslı təxribat törədib". www.mod.gov.az (Azərbaycan Müdafiə Nazirliyinin rəsmi saytı) (azərb.). 2020-09-27 tarixində arxivləşdirilib. İstifadə tarixi: 27.09.2020.
  10. Müdafiə Nazirliyi (27.09.2020). "Bütün cəbhə boyu qoşunlarımız hücum əməliyyatına başlayıb". www.mod.gov.az (Azərbaycan Müdafiə Nazirliyinin rəsmi saytı) (azərb.). 2020-09-27 tarixində arxivləşdirilib. İstifadə tarixi: 27.09.2020.
  11. Azərbaycan Prezidentinin saytı (09.12.2020). "Azərbaycan Silahlı Qüvvələrinin hərbi qulluqçularının təltif edilməsi haqqında Azərbaycan Prezidentinin 09.12.2020-ci il tarixli Sərəncamı". www.president.az(azərb.)). 2020-12-09 tarixində arxivləşdirilib. İstifadə tarixi: 09.12.2020.
  12. Normativ hüquqi sənədlərin vahid internet bazası (09.12.2020). "Azərbaycan Silahlı Qüvvələrinin hərbi qulluqçularının təltif edilməsi haqqında Azərbaycan Prezidentinin 09.12.2020-ci il tarixli Sərəncamı". www.e-qanun.az(azərb.)). 2020-12-09 tarixində arxivləşdirilib. İstifadə tarixi: 09.12.2020.
  13. Normativ hüquqi sənədlərin vahid internet bazası (25.12.2020). "Azərbaycan Silahlı Qüvvələrinin hərbi qulluqçularının "Xocavəndin azad olunmasına görə" medalı ilə təltif edilməsi haqqında Azərbaycan Prezidentinin 25.12.2020-ci il tarixli Sərəncamı". www.e-qanun.az(azərb.)). 2020-12-25 tarixində arxivləşdirilib. İstifadə tarixi: 25.12.2020.
  14. Normativ hüquqi sənədlərin vahid internet bazası (25.12.2020). "Azərbaycan Silahlı Qüvvələrinin hərbi qulluqçularının "Füzulinin azad olunmasına görə" medalı ilə təltif edilməsi haqqında Azərbaycan Prezidentinin 25.12.2020-ci il tarixli Sərəncamı". www.e-qanun.az(azərb.)). 2020-12-25 tarixində arxivləşdirilib. İstifadə tarixi: 25.12.2020.
  15. Normativ hüquqi sənədlərin vahid internet bazası (29.12.2020). "Azərbaycan Silahlı Qüvvələrinin hərbi qulluqçularının "Suqovuşanın azad olunmasına görə" medalı ilə təltif edilməsi haqqında Azərbaycan Prezidentinin 29.12.2020-ci il tarixli Sərəncamı". www.e-qanun.az(azərb.)). 2021-12-29 tarixində arxivləşdirilib. İstifadə tarixi: 29.12.2020.