Hikmət Xudiyev

Vikipediya, açıq ensiklopediya
Keçid et: naviqasiya, axtar
Hikmət Xudiyev
Xudiyev Hikmət Cəmil oğlu
Doğum tarixi 1959(1959-Şablondakı doğum və ya ölüm tarixində texniki yanlışlıq var!-00)
Doğum yeri Xankəndi
Vətəndaşlıq Flag of Azerbaijan.svg Azərbaycan
Milliyyəti Azərbaycanlı
Fəaliyyəti yazıçı-publisist
Mükafatları «Əməkdar jurnalist» (2011)

Xudiyev Hikmət Cəmil oğlu – «Əməkdar jurnalist» (2011)

Həyatı[redaktə | əsas redaktə]

1959-cu ildə Xankəndində müəllim ailəsində anadan olub.

1966-1976-cı illərdə Xankəndindəki Nizami Gəncəvi adına 4 saylı məktəbdə orta təhsil alıb.

Orta məktəbi bitirdikdən sonra Bakı şəhərində 12 saylı Texniki Məktədi əla qiymətlərlə bitirərək kinomexanik və fotoqraf peşələrinə yiyələnmişdir.

1981-ci ildə Xankəndi Pedaqoji İnstitutununun tarix fakültəsini bitirdikdən sonra Xankəndindəki Nizami Gəncəvi adına 4 saylı orta və Kərkicahan qəsəbəsindəki 6 saylı səkkizillik məktəbdə tarix müəllimi işləyib. SSRİ Silahlı Qüvvələrində hərbi xidmətdə olub.

1984-cü ildə Xankəndi şəhər Daxili İşlər Şöbəsində milis (polis) orqanlarında xidmətə başlayıb.

1984-2005-ci illərdə Xankəndi, Şəki və Bakı şəhərlərində daxili işlər orqanlarında müxtəlif vəzifələrdə, o cümlədən Daxili İşlər Nazirliyində Şəxsi Heyətin Sosial Müdafiəsi və Mətbuatla İş İdarəsi rəisinin müavini, Mətbuat Xmdmətinin rəisi, «Mübariz keşikdə» qəzetinin redaktoru, DİN Baş Dövlət Yanğın Təhlükəsizliyi İdarəsində şöbə rəisi vəzifələrində xidmət edib.

1997-ci ildə DİN-nin Polis Akademiyasını bitirərək ikinci ali təhsil almış və hüquqşünas ixtisasına yiyələnmişdir. ABŞ-da Mançester Universitetində ixtisasartırma kursunda olub.

1999-cu ildə polkovnik rütbəsi alıb.

2006-cı ildən Fövqəladə Hallar Nazirliyi sistemində çalışır. Hazırda FHN-nin Dövlət Yanğın Nəzarəti Xidmətinin Yanğına qarşı təbliğat şöbəsinin rəisidir. Əhalinin yanğın təhlükəsizliyi bilgiləri ilə maarifləndiriləməsi işinə rəhbərlik edir. Yanğına qarşı təbliğat xarakterli kitabçaların tərtibçisidir.

1984-2012-ci illər ərzində xidmət dövründə dəfələrlə mükafatlandırılmış, heç bir cəzası olmamışdır.

«XIX əsrin sonu – XX əsrdə Azərbaycanın yeraltı və yerüstü sərvətlərinin qorunub-saxlan¬ılmasın¬da yanğından mühafizə idarəsinin rolu» adlı namizədlik dissertasiyasını 26 sentyabr 2007-ci il tarixdə Azərbaycan Milli Elmlər Akademiyasının A.A.Bakıxanov adına Tarix İnstitutunun Dissertasiya Şurasında müvəffəqiyyətlə müdafiə etmişdir.

Yaradıcılığına «Şuşa» qəzetindən başlayan Hikmət Xudiyev Hikmət Cəmilzadə imzası ilə «Gənclik» jurnalında, «Azərbaycan gəncləri», «Azərbaycan müəllimi», «Azərbaycan pioneri», «Səhər», «Sovet kəndi», «Sovet Qarabağı» və s. qəzetlərdə hekaye və publisistik yazılarla çıxış etmişdir.

Azərbaycan Jurnalistlər Birliyinin üzvü olan Hikmət Xudiyev Qarabağ, vətənpərvərlik, yanğın təhlükəsizliyi mövzusunda silsilə plakatların tərtibçisidir.

«Azərbaycanın ilk Mili Qəhrəmanları», «Azərbaycan polisinin Milli Qəhrəmanları», «Döyüşən şəfa ocağı», «Sakit okeandan odlu Laçına», «Qədir bizdə qalan Qarabağdır», «Dağlıq Qarabağ: şəxsiyyət ömründən səhifələr», «Heydər Əliyev və Azərbaycanın yanğın təhlükəsizliyi», «Azərbaycanın yanğın təhlükəsizliyi», «Odlu tarix», «Bizi geri qaytaracaqlar» və s. kitabların müəllifidir.

1993-cü ildə «Qızıl qələm» mükafatı almış Hikmət Xudiyev mətbuatda səmərəli fəaliyyətinə görə Azərbaycan Respublikası Prezidentinin 14 dekabr 2011-ci il tarixli sərəncamı ilə «Əməkdar jurnalist» fəxri adına layiq görülmüşdür.

Ailəlidir, 4 övladı var.