Hit Me Hard and Soft
| Hit Me Hard and Soft | ||||
|---|---|---|---|---|
 | ||||
| Yayımlanma tarixi | 17 may 2024 | |||
| Müddət | 43:45 | |||
| Dil | ingilis dili | |||
| Leybl |
|
|||
| Prodüser | ||||
| Billi Ayliş albomlarının xronologiyası | ||||
|
||||
Hit Me Hard and Soft — amerikalı müğənni Billi Aylişin üçüncü studiya albomu. 17 may 2024-cü ildə Darkroom və Interscope Records tərəfindən buraxılacaq. Albomun prodüseri Finneas O'Konnelldir. Albom 8 aprel 2024-cü ildə, Şimali Amerikada günəş tutulmasının baş verdiyi tarixdə elan edilib.
Billi Ayliş aprelin əvvəlində sosial şəbəkə hesablarındakı profil şəkillərini mavi rəngə dəyişib. O, üstəlik yeni mahnılarından sözləri və "blohsh" simvolunu əks etdirən reklam lövhələri də asdırıb. Ayliş həmçinin, Instagram-da stori paylaşıb və marketinq strategiyası kimi onu izləyən istifadəçiləri "yaxın dostlar" siyahısına əlavə edib. Ayliş bu addımla internetdə böyük maraq yaradıb və cəmi bir gündə beş milyondan çox izləyici toplamağa nail olub.
Fon[redaktə | mənbəni redaktə et]
Müğənni Billi Ayliş 2021-ci ildə “Happier Than Ever” buraxıldıqdan sonra üçüncü studiya albomu üzərində işləməyə başladığını bildirmişdi. Ayliş 2022-ci ildə qardaşı Finneas ilə birlikdə Pixar cizgi filmi “Turning Red” üçün üç mahnı yazmışdır.[1] Bu mahnılar “Nobody Like U”, “U Know What's Up” və “1 True Love” adlanırdı. Mahnıların hər biri filmdəki uydurma oğlan qrupu “4*Town”-un ifasında səslənirdi.
Billi Ayliş 2022-ci ilin 21 iyul tarixində iki trekdən ibarət olan “Guitar Songs” adlı mini-albomunu sürpriz şəkildə, əvvəlcədən elan etmədən təqdim etmişdir. Zane Lowe-a danışan Ayliş qeyd etdi ki, “TV” və “The 30th” trekləri onun üçüncü studiya albomuna daxil edilməyəcək.[2]
2022-ci ilin noyabrında Ayliş, yeni mahnılar yazdığını Instagram hekayəsi vasitəsi ilə izləyiciləri ilə bölüşmüşdür. Billi Ayliş 2023-cü ildə “Barbi” filmi üçün “What Was I Made For?” mahnısını yazmışdır.[3] Bu mahnı 2023-cü ildə Aylişə bir "Oskar" və iki "Qremmi" mükafatı qazandırmışdır.[4]
Billi Ayliş 2023-cü ilin martında Donald Qloverin çəkdiyi “Sürü” serialında rol almışdır. Bu serialda Ayliş qadınlardan ibarət təriqətə liderlik edirdi.[5]
2023-cü ilin oktyabrında 102.7 KIIS FM-ə müsahibə verən Ayliş, yeni albomunun 80% hazır olduğunu ifadə etdi.[6] 2024-cü ilin əvvəllərində Ayliş albomunun artıq tamamən hazır olduğunu və buraxılmaq üzrə olduğunu açıqlayıb.[7] Ayliş fevralda "Qremmi" mükafatlarındakı söhbəti zamanı bildirib ki, öz yeni albom dövrünə Ariana Qrandenin yeddinci albomu buraxıldıqdan sonra başlayacaq. Ariananın albomu “Eternal Sunshine” 8 mart 2024-cü il tarixində işıq üzü görüb.
Trek siyahısı[redaktə | mənbəni redaktə et]
- 01. Skinny
- 02. Lunch
- 03. Chihiro
- 04. Birds of a Feather
- 05. Wildflower
- 06. The Greatest
- 07. L'Amour De Ma Vie
- 08. The Diner
- 09. Bittersuite
- 10. Blue
İstinadlar[redaktə | mənbəni redaktə et]
- ↑ Shutler, Ali. "Listen to three Billie Eilish and Finneas penned tracks from Disney's 'Turning Red'". NME (ingilis). 2022-03-12. 2024-03-15 tarixində arxivləşdirilib. İstifadə tarixi: 2024-03-15.
- ↑ Dazed. "Listen to Billie Eilish's surprise Guitar Songs EP". Dazed (ingilis). 2022-07-22. 2024-03-15 tarixində arxivləşdirilib. İstifadə tarixi: 2024-03-15.
- ↑ "BILLIE EILISH RELEASES "WHAT WAS I MADE FOR?" AHEAD OF "BARBIE" FILM | THE UNTITLED MAGAZINE" (ingilis). 2023-07-17. 2024-03-15 tarixində arxivləşdirilib. İstifadə tarixi: 2024-03-15.
- ↑ Stevens, Matt. "'What Was I Made For?' Wins Billie Eilish (and 'Barbie') an Oscar". The New York Times (ingilis). 2024-03-11. ISSN 0362-4331. 2024-03-14 tarixində arxivləşdirilib. İstifadə tarixi: 2024-03-15.
- ↑ Hailu, Selome. "Billie Eilish Breaks Down 'F—ed Up' 'Swarm' Character, Resonating With Storyline: Passionate Fans Are 'Beautiful' Yet 'Really Scary'". Variety (ingilis). 2023-06-15. 2024-03-15 tarixində arxivləşdirilib. İstifadə tarixi: 2024-03-15.
- ↑ "Finneas Says Billie Eilish's Next Album Is '85 Percent Done' | Billboard Canada". www.billboard.com (ingilis). 2024-03-15 tarixində arxivləşdirilib. İstifadə tarixi: 2024-03-15.
- ↑ "Billie Eilish Reveals Her Upcoming Album Is 'Mastered'". Peoplemag (ingilis). 2024-03-15 tarixində arxivləşdirilib. İstifadə tarixi: 2024-03-15.