II Pepi

Vikipediya, açıq ensiklopediya
Jump to navigation Jump to search
II Pepi
AnkhnesmeryreII-and-Son-PepiII-SideView BrooklynMuseum.png
Qədim Misir fironu
tx. e.ə 2279 — tx. e.ə 2219
Sələfi I Merenra
Xələfi II Merenra
Şəxsi məlumatlar
Doğum tarixi e.ə. 2284
Vəfat tarixi e.ə. XXII əsr
Dəfn yeri
Atası I Pepi və ya I Merenra
Anası II Anxesenpepi (Anxesenmerira)
Həyat yoldaşları IV Anxesenpepi, III Anxesenpepi, II Iput, Udyebten, Neis
Uşaqları Merenra, Nitokris və daha 2 adı naməlum uşaq
Commons-logo.svg Vikianbarda əlaqəli mediafayllar

II Pepi — Qədim Misirin VI sülalədən olan fironu. Təxminən e.ə 2279-2219 aralığında hakimiyyətdə olmuşdur.

Həyatı və hakimiyyət illəri[redaktə | əsas redaktə]

II Pepi I Pepi və II Anxesenpepinin ən kiçik oğlu, II Merenranın qardaşı, firon Tetinin nəvəsi, ilk qadın vəzir Nebetin nəticəsi. Bəzi qaynaqlarda II Pepinin atasının ölümündən sonra 6 yaşında taxta çıxdığını və 94 il hakimiyyətdə qalaraq 100 yaşında vəfat etdiyi göstərirlər. Lakin müasir dövrdə qəbul edilmişdir ki, bu məlumatlar doğruluğu əks etdirmir və tarixi artefaktların yanlış təhlili nəticəsində yaranmışdır. Güman edilir ki, II Pepi az yaşında firon olsada, yalnız 60-70 il arası hökm sürmüşdür.

Cənubi Sakkar daşlarında II Pepi I Pepinin yox I Merenranın oğlu kimi verilib. Beləki bu yazılara əsasən I Pepinin ölümündən sonra I Merenra onun həyat yoldaşı II Anxesenpepi ilə evlənmiş və izdivacdan II Pepi doğulmuşdur. Belə olan halda I Pepi II Pepinin babası olur. Hal-hazırda bir çox misiroloqlar məhz bu versiyanın doğruluğunu müdafiə edirlər.

II Pepi hakimiyyətə gələndə cəmi 6 yaşı olduğundan ölkə o yetkinliyə çatana qədər anası və çati tərəfindən idarə edilirdi.

Onun dövründə mərkəzi hakimiyyət zəifləyir. Güclənən nomarxlar (Qədim Misir inzibati bölgələri idarə edənlər) mərkəzi hakimiyətə tabe olmayaraq bir-biri və qonşu ölkələrlə mübarizəyə başladılar.

II Pepinin hakimiyyəti zamanı ənənəyə çevrilən Nubiya, Liviyaya yürüşlərlə yanaşı, misir ordusu daha uzaq ərazilərə də hücumlar edirdilər. Məsələn nomarx Harxufun Ekvatorial Afrikaya yürüşü uğurlu alınmış, böyük qənimət ələ keçirilmişdir. Harxuf İam torpaqlarından II Pepi üçün gətirdiyi balaca boy piqmey ( Nilin aşağı axarında yaşayan qəbilə) azyaşlı firon üçün çox böyük hədiyyə idi. Bu cür qullar hökmdarın təlxəyi olurdular.

Nubiyada baş verən üsyanı yatırmaq üçün II Pepi Nomarx Pepinaxt Heqaibi ora göndərir. Bu yürüşün uğurlu bitməsi Pepinaxtın nüfuzunu artırır. Pepinaxtın Nubiyaya yeni hücumu nəticəsində çox böyük qənimət əldə edilir.

II Pepinin piramidası[redaktə | əsas redaktə]

II Pepinin məbəd kompleksi Sakkarda yerləşir. Kompleks əsas piramida, həyat yoldaşları üçün tikilmiş 3 və ayinlər üçün ucaldılmış 4 piramidadan ibarətdir. İlk vaxtlar əsas piramidanın hündürlüyü 78,5 metr olsada,sonradan zaman keçdikcə hündürlük azalmışdır və hal-hazırda 52 metr təşkil edir.

II Pepinin piramidalar kompleksinin müasir vəziyəti