Iteca Caspian LLC
| Iteca Caspian | |
|---|---|
| Iteca Caspian LLC | |
 | |
| Ümumi məlumatlar | |
| Tipi | sərgi və konfrans təşkilatçısı |
| Təsis tarixi | 2000-ci il |
| Baş qərargahın yeri | 8 noyabr prospekti 15, Azure Biznes Mərkəzi, 7-ci mərtəbə, Bakı. |
| Struktur | |
| İşçi sayı | 40+ |
| Rəhbərlik | |
| Təsisçi | Fərid Məmmədov |
| iteca.az | |
Iteca Caspian LLC — Xəzər regionunun ən böyük sərgi və konfrans təşkilatçılarından biridir. 2000-ci ildə yaradılmış şirkət beynəlxalq standartlara uyğun tədbirlər təşkil edir. Iteca Caspian və beynəlxalq tərəfdaşları olan ICA Eurasia və CEM FZ MMC şirkətlərin təşkilatçılığı ilə keçirilən tədbirlər arasında: Bakı Enerji Həftəsi (Xəzər Neft və Qaz, Caspian Power, Bakı Enerji Forumu), Aquatherm Baku, BakuBuild sərgiləri yer alır[1][2][3].
Bakı Enerji Həftəsi[redaktə | mənbəni redaktə et]
Iteca Caspian, Xəzər regionunun neft-qaz və enerji sektorunda nüfuzlu tədbir hesab olunan Bakı Enerji Həftəsi 27-ci Beynəlxalq "Xəzər Neft və Qaz" Sərgisinin, 10-cu Yubiley Xəzər Beynəlxalq "Energetika və Bərpa Olunan Enerji" Sərgisinin, eləcə də "Xəzər Neft və Qaz" konfransının davamçısı olan Bakı Enerji Forumun təşkilatçısıdır[4][5]. Forum ənənəvi "Xəzər Neft və Qaz" ("Caspian Oil & Gas") konfransının missiyasını daha geniş spektrdə davam etdirəcək. 2022-ci ildə Bakı Enerji Həftəsində 30 ölkədən 249 şirkət iştirak etdi[6].
BakuBuild[redaktə | mənbəni redaktə et]
Iteca Caspian İnşaat sahəsində Azərbaycanın və Qafqaz bölgəsinin böyük, ixtisaslaşmış Azərbaycan Beynəlxalq İnşaat Sərgisinin təşkilatçısıdır. BakuBuild Azərbaycanda və Qafqaz regionunda tikinti və bəzək materiallarını bir araya toplayan beynəlxalq sərgidir. Hər il 400-dən çox şirkətin iştirak etdiyi sərgi 10000-dən çox ziyarətçi qəbul edir. BakuBuild hədəf auditoriyasını cəlb etmək, bütün Azərbaycan və Qafqaz regionunda satışları genişləndirmək və artırmaq üçün effektiv biznes platformasıdır.[7]
AquaTherm Baku[redaktə | mənbəni redaktə et]
HVAC sahəsində Azərbaycanın və Qafqaz regionunun ən böyük ixtisaslaşmış sərgisidir. Aquatherm Baku — istilik, havalandırma, hovuzlar, sauna, Spa, kondisioner (HVAC), avadanlıqlar sahəsində bölgənin aparıcı peşəkar sərgisi mövqeyini qoruyur. Sərginin əsas bölmələri bunlardır: İsitmə sistemləri və avadanlıqları, su və kanalizasiya texnologiyaları, havalandırma sistemləri və avadanlıqları, hava kondisionerləri, soyuducu qurğular, üzgüçülük hovuzları və avadanlıqları, nasoslar, fitinqlər, borular.
İstinadlar[redaktə | mənbəni redaktə et]
- ↑ "Bakıda "Iteca Caspian" və onun tərəfdaşı "ITE Group Plc" şirkətlərinin təşkilatçılığı ilə tibb sərgiləri açılıb". apa.az. İstifadə tarixi: 1 iyul 2022.
- ↑ "Gələn ay növbəti sərgilər mövsümü start götürəcək". 1news.az. 2022-06-30 tarixində arxivləşdirilib. İstifadə tarixi: 1 iyul 2022.
- ↑ "Iteca Caspian, Caspian Event Organizers to host 24 exhibitions in 2019". azertag.az. 2019-09-06 tarixində arxivləşdirilib. İstifadə tarixi: 6 iyul 2022.
- ↑ "İlham Əliyev Bakı Enerji Həftəsi çərçivəsində 27-ci Beynəlxalq Xəzər Neft və Qaz Sərgisinin rəsmi açılış mərasimində iştirak edib". president.az. 2022-06-30 tarixində arxivləşdirilib. İstifadə tarixi: 30 iyun 2022.
- ↑ ""Iteca Caspian" bu il 23 layihə reallaşdırmağı nəzərdə tutur". AzerTac. İstifadə tarixi: 30 iyun 2022.
- ↑ "Azərbaycanda Bakı Enerji Həftəsi başlayıb". AzerTac. İstifadə tarixi: 30 iyun 2022.
- ↑ ""BakuBuild 2019" sərgisi başlayıb". Real TV. İstifadə tarixi: 30 iyun 2022.[ölü keçid]