Jakman ağəsməsi

Jakman ağəsməsi
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptophyta Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Dəstə: Qaymaqçiçəklilər Fəsilə: Qaymaqçiçəyikimilər Yarımfəsilə: Ranunculoideae Triba: Anemoneae Cins: Ağəsmə Növ: Jakman ağəsməsi
Beynəlxalq elmi adı
Clematis jackmanii
Şəkil axtarışı ITIS   18700 EOL   596376

Jakman ağəsməsi (lat. Clematis jackmanii) — bitkilər aləminin qaymaqçiçəklilər dəstəsinin qaymaqçiçəyikimilər fəsiləsinin ağəsmə cinsinə aid bitki növü.

Təbii yayılması

Avropada və Şimali Amerikada mədəni şəraitdə geniş yayılmışdır.

Botaniki təsviri

Uzunluğu 3 m-dək olan oduncaqlı lianadır. Yarpaqları cüt olmayan-lələkvari, 3–5 yarpaqcıqlı, gövdənin yuxarı hissəsində çox vaxt sadədir; yarpaqcıqları yumurtavaridən enli-yumurtavariyədək, alt tərəfi əsasən zəif tükcüklüdür. Çiçək saplaqları nazik, mərkəzində 2 yarpaqvari çiçək altlıqlıdır. Çiçəklərin diametri 10–14 sm, əsasən 3 ədəd, enli açılmış, tünd bənövşəyi və ya təxminən çəhrayıdır. Kasayarpaqları əsasən 4 ədəd, əks-enliyumurtavari; erkəkcik saplaqları çox vaxt qısa və ya qeyri-bərabər uzunluqda, bəzən alt tərəfdə tükcüklüdür. Mayda — sentyabrda çiçəkləyir. Meyvələri uzun burunludur.

Ekologiyası

İstiyə davamlıdır. Torpağa tələbkar deyil.

Azərbaycanda yayılması

Respublikamızın bir çox rayonlarında həyətyanı sahələrdə mədəni şəraitdə becərilir.

İstifadəsi

Sarmaşan bitki kimi canlı çəpərlərin salınmasında istifadə olunur. Tibbdə və yaşıllaşdırmada istifadəsi tövsiyə olunur.