Kömür (film, 2019)

Vikipediya, azad ensiklopediya
Jump to navigation Jump to search
Kömür
Kömür
Janr dram
Rejissor İsmayıl Münsif
Prodüser Etien de Rikaud
Ssenari müəllifi İsmayıl Münsif
Rəng rəngli
Vaxt 86 dəqiqə
Ölkə Fransa Fransa
Dil Azərbaycan Türkcəsi
İl 2019

Kömür — ssenari müəllifi və rejissoru azərbaycanlı İsmayıl Münsif, prodüseri isə fransalı Etien de Rikaud olan film. Filmin Azərbaycan türkcəsində çəkilməsi bəzi qadağalara səbəb olub. Film Fəcr kinofestivalında heç bir mükafata layiq görülməyib.[1] Rejissor buna filmin Azərbaycan türkcəsində çəkilməsinin səbəb olduğunu bildirib. Daha sonra Ərdəbil şəhərində filmin nümayişi pantürkizmin təbliğatı bəhanəsi ilə qadağan edilib.[2] Halbuki filmin ssenarisində türkçülüyü təbliğ edən bir şey yoxdur. Ərdəbil vilayətinin İrşad və Mədəniyyət İdarəsinin tapşırığı ilə filmin nümayişinə qoyulan qadağadan bir gün sonra etirazlar qarşısında türkdilli "Kömür" filminin Ərdəbildə ekranlara çıxmasına icazə verilib.[3]

Haqqında[redaktə | əsas redaktə]

Fransa ilə ortaq məhsul olan Kömür filmi Azərbaycan türkcəsində çəkilib. Astara şəhərində çəkilmiş filminin ssenari müəllifi və rejissoru İsmayıl Münsif və prodüseri isə fransalı Etien de Rikaudur. Filmin premyerası oktyabrın 9-da Təbrizin Setare-Baran kinoteatrında baş tutub.[4] Lakin film İranın "Fəcr" adlı kinofestivalında diqqətləri cəlb etsə də, heç bir mükafat qazanmağa müvəffəq olmayıb.[5] Filmin rejissoru İsmayıl Münsif öz instagram səhifəsində filmin heç bir mükafata layiq görülməməsinin belə izah edib:[6]

" Şübhəm yoxdur ki, əgər film fars dilində və tanınmış bir prodüserlə istehsal olunsaydı, bu gün onun taleyi tam fərqli olardı. Lakin mən deməliyəm ki, hər zaman türk dilində film çəkəcəm. O qövmün dilində ki, onun İran kinoteatrından payı yalnız bir sıra gülünc elementlərdən ibarətdir, hansı ki, hər bir izləyici ona gülür və İrşad İdarəsi tərəfindən heç vaxt senzura tətbiq olunmur. Bu, müxtəlif qövmlərin təhqir olunması deməkdir. "

Film Tehran[7]Təbrizdə nümayiş edilsə də Ərdəbildə nümayiş edilməsinə qadağa qoyulub. Filmin nümayişini pantürkizmin təbliğatı bəhanəsi ilə qadağan ediblər.[2] Halbuki filmin ssenarisində türkçülüyü təbliğ edən bir şey yoxdur. Fransada da filmin nümayiş ediləcəyi gözlənilir. [8]

Süjet[redaktə | əsas redaktə]

Qeyrət adlı xarakter Azərbaycanın sərhəd kəndlərindən birində kömür istehsalı işi ilə məşğuldur. Qızıl oğurladığına görə həbsxanada olan oğlu Yaşar bacısının toyu üçün məzuniyyətə çıxır. Ancaq Yaşarın qəfil yoxa çıxması ilə Qeyrət yeni bir problemlə üzləşir.[9]

Həmçinin bax[redaktə | əsas redaktə]

İstinadlar[redaktə | əsas redaktə]

  1. "İran Azərbaycanında türkdilli "Kömür" filmi böyük ekranlara çıxıb". amerikaninsesi.org. 10 oktyabr 2019. 24 oktyabr 2019 tarixində orijinalından arxivləşdirilib. İstifadə tarixi: 24 oktyabr 2019.
  2. 1 2 "Rasist fars rejimi tərəfindən "Kömür" filmi Ərdəbildə qadağan edilib / توقیف فیلم "کومور" در اردبیل توسط عوامل رژیم نژادپرست فارس" (fars. ). gadtb.com. 24 oktyabr 2019. 24 oktyabr 2019 tarixində orijinalından arxivləşdirilib. İstifadə tarixi: 24 oktyabr 2019.
  3. Hamid Məlikoğlu (24 oktyabr 2019). "Etirazlardan sonra İran Azərbaycanında türkdilli filmin nümayişinə icazə verildi". amerikaninsesi.org. 24 oktyabr 2019 tarixində orijinalından arxivləşdirilib. İstifadə tarixi: 24 oktyabr 2019.
  4. ""Kömür" filmi Azərbaycanda böyük maraqla qarşılandı". aznews.tv. 24 oktyabr 2019 tarixində orijinalından arxivləşdirilib. İstifadə tarixi: 24 oktyabr 2019.
  5. "Güney Azərbaycanda türkdilli "Kömür" filmi böyük ekranlara çıxıb". basta2.com. 11 oktyabr 2019. 24 oktyabr 2019 tarixində orijinalından arxivləşdirilib. İstifadə tarixi: 24 oktyabr 2019.
  6. ""Kömür" filmi bu gündən Təbriz, Ərdəbil və Tehran kinotreatrlarında yayımlanacaq". gunaz.tv. 7 oktyabr 2019. 24 oktyabr 2019 tarixində orijinalından arxivləşdirilib. İstifadə tarixi: 24 oktyabr 2019.
  7. "Iran-French co-production "Kömür" goes on screen in Tehran" (ing. ). tehrantimes.com. 7 oktyabr 2019. 24 oktyabr 2019 tarixində orijinalından arxivləşdirilib. İstifadə tarixi: 24 oktyabr 2019.
  8. ""Kömür" filmi tezliklə Fransada nümayiş olunacaq / Le film iranien «Charbon» sera projeté bientôt en France" (fr. ). irna.ir. 23 oktyabr 2019. 24 oktyabr 2019 tarixində orijinalından arxivləşdirilib. İstifadə tarixi: 24 oktyabr 2019.
  9. "Kömür (2019)" (ing. ). imdb.com. 17 aprel 2019. 24 oktyabr 2019 tarixində orijinalından arxivləşdirilib. İstifadə tarixi: 24 oktyabr 2019.

Xarici keçidlər[redaktə | əsas redaktə]