Kənd turizmi

Vikipediya, açıq ensiklopediya
Jump to navigation Jump to search

Kənd turizmi - kənd mühitində yataq yerləri ilə təmin etməyə istiqamətləndirilmiş kompleks turist xidmət fəaliyyəti nəzərdə tutulur.

Həmin ərazidə yaşayan yerli əhali üçün bu fəaliyyət, ənənəvi kənd təsərrüfatı əldə olunan gəlirdən əlavə olaraq qazanılan gəlir mənbəyi kimi təqdim olunur. Bu növ turizm kənd təsərrüfatı sahəsində, onun əsas peşəsinə təsir göstərmədən, yeni iqtisadi alternativ fəaliyyət kimi özünü göstərir. Kənd turizm biznesinin fəaliyyəti nəticəsində bir sıra imkanlar yarana bilər. Kənd təsərrüfatı məhsullarının dəyərinin digər məhsullarla bərabərləşdirilməsi və ənənəvi kənd təsərrüfatından gələn gəlirin azalması, məhsulun müxtəlifliyi ilə nəticələnmişdir. Məsələn əvvəllər, kənd təsərrüfatı sahəsinin əkinçilik və heyvandarlıq kimi ikicə növü var idi. Lakin kənd turizmi torpaqdan və mövcud şəraitdən istifadə etməklə başqa müxtəlifliklər də yaratmışdır.

Ənənəvi kənd təsərrüfatından fərqli olaraq, turizm xidməti və ya ərzaq məhsullarına təlabat ölkədəki xidmət şəraitinin yüksəlişinə, əməyə olan tələbatın yardilmasina və münasibətin yaxşılaşmasına səbəb olmuşdur. Kənd turizmi həmin regionun adət-ənənəsinin, mətbəx və digər mədəni-məişət sahələrinin təbliğində də ən mühüm vasitə kimi özünü göstərir. Yerli adamlar turistin həmin regionun mədəniyyəti ilə maraqlandığını gördükdə , Onlar bu sahəyə xüsusi diqqıt yetirirlər və qısa vaxt ərzində bu münasibət icmaların digər üzvləri arasında da yayılır. Adət və ənənələrə turistlər tərəfindən marağın artması, yerli adamları bu sahədə daha çox məlumat toplamağa və turistlərin tələbinə uyğun biliklərini artırmağa sövq edir. Kənd əhalisi ətraf mühitin qorunmasina adətən az əhəmiyyət verirlər.

Kənd turizmi biznesində isə müştəri təbiət mənzərələrinə xüsusi yer və vaxt ayıraraq, ətraf mühitin qaygısına qalırlar. Bütün bunlara diqqət yetirərək bu sahədə kənd əhalisi də təbiətə əvvəlki münasibətlərini dəyişirlər. İstehsalçı öz ənənəvi fəaliyyətindən fərqli olaraq, yeni məqsədlərə nail olmaq üçün istifadə etməyə əlverişli ərazilər və mənzərəlki yerlər tapmaq məcburiyyətindəqalir. O kənd təsərrəfatı məhsullari yetişdirməkdən və iri buynuzlu mal-qara saxlamaqdan əlavə, turizm fəaliəti haqqında düşünməyə başlayır. Bu baximdan təklif olunan ekoturizm fəaliyyəti meşə siyasətinin bir növ təbliği deməkdir. Kənd turizminin inkişafi nəticəsinde kənd ərazilərində yaşayan əhalinin statusu gücləndirilir. Demək olar ki, kənd mühitində turizm aspektinin ən vacib tərəfi mədəni əlaqələrin perspektivliyindən, yerli əhalinin maliyyə və iqtisadi səviyyəsindən asilidir bu baximdan yerli əhalinin tarixi , həyat tərzi illər boyu yarattıqları ailə ənənələri turistlərdə büyuk maraq doğurur. Kənd turizminin inkişafı yerli inkişafın dəstəklənməsi deməkdir. Kənd muhitində bu sayaq yeni biznes sahəsi həmdə başqa sahələr arasında nəqliyyat, səhiyyə xidməti, kommunikasiya, habelə yolların bərpası və düzəldilməsi işlərinə dəstəyin verilməsi tələbini qoyub.

Həmçinin bax[redaktə | əsas redaktə]

Mənbə[redaktə | əsas redaktə]