Karla Qucino

Vikipediya, azad ensiklopediya
Naviqasiyaya keçin Axtarışa keçin
Karla Qucino
ing. Carla Gugino
Karla Qucino (2013)px
Doğum tarixi (52 yaş)
Doğum yeri Sarasota, Florida, ABŞ
Vətəndaşlığı
Fəaliyyəti aktrisa
Fəaliyyət illəri 1988-indiyədək
Boyu 165 sm
IMDb ID0001303
Vikianbarın loqosu Vikianbarda əlaqəli mediafayllar

Karla Qucino (ing. Carla Gugino, 29 avqust 1971, Florida, ABŞ) — amerikalı aktrisa. Əsasən "Günahlar şəhəri" filmindəki Lusill roluna görə tanınır.

Həyatı[redaktə | mənbəni redaktə et]

Karla Qucino 29 avqust 1971-ci ildə ABŞ-nin Florida ştatında dünyaya gəlib. İtalyan mənşəli amerikalıların ailəsində dünyaya göz açan aktrisa davamlı olaraq anası ilə birlikdə Kaliforniyanın şəhərlərində yaşamalı olub. 15 yaşı olanda onlar San-Diyeqoda yaşayırdılar. Bu zaman model karyerasına başlamaq istəyən Karla Nyu-Yorka getməyi qərara alır. Ancaq boyu hündür olmadığı üçün bu iş perspektiv vəd etmədi və o, Los-Ancelesə köçdü. Xalasının məsləhəti ilə Karla aktyorluq məharəti kurslarına getməyə başladı. Anası isə onu Los-Ancelesə altı aylıq oxumağa göndərmişdi və artıq San-Diyeqoya qayıtmasında israr edirdi.

Karyerası[redaktə | mənbəni redaktə et]

San-Diyeqoya qayıdana kimi Karla özünün ilk filmi sayılan "Beverli-Hillsdən olan dəstə" komediyasına çəkilməyə vaxt tapdı. Sonra isə bir neçə kiçik rollar oldu və 1993-cü ildə o, "Bu oğlanın həyatı" dramında əməlli-başlı bir rola çəkildi. Karla Qucino, Maykl Cey Foksla birlikdə "Spin City" sitkomunda da oynadı. Aktrisa "Dəniz quldurları" adlı Britaniya serialında və bir neçə telefilmdə də rol aldı. 1998-ci ildə o, Brayan De Palmanın "İlanın gözləri" trillerində oynadı. Sonra çəkildiyi "Uşaq casuslar" və "Yeganə" filmləri Karlaya məşhur aktrisa statusunu qazandırdı. 2004-cü ildə o, Brodveydə teatr debütü edib və Artur Millerin "Süqutdan sonra" pyesində Meggi rolunu canlandırıb. Karla Qucino, Bon Covinin "Always" mahnısına çəkilmiş klipə və "L`oreal"ın saç boyası reklamına da çəkilib. Aktrisa tünd şokolad və çərəzi çox sevir, amma kökəlməyə meyilli olduğu üçün bu ərzaqlardan az yeyir. Onun sevimli hobbisi yoqa, səyahətlər və köhnə dostların əhatəsində keçirdiyi axşamlardır. Aktrisanın sol topuğunda kəpənəkşəkilli kiçik bir tatuaj var.

Seçilmiş filmoqrafiya[redaktə | mənbəni redaktə et]

  1. Tək (film, 2001)

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]