Məzmuna keç

Karlo Ponti

Vikipediya, azad ensiklopediya
Karlo Ponti
Doğum tarixi 11 dekabr 1912(1912-12-11)[1][2][…]
Vəfat tarixi 10 yanvar 2007(2007-01-10)[1][2][…] (94 yaşında)
Vəfat yeri
Həyat yoldaşı
Fəaliyyəti film prodüseri, ssenarist, kinorejissor
Fəaliyyət illəri 1940-cı ildən
Təhsili
Mükafatları "İtaliya qarşısında xidmətlərə görə" ordeninin böyük cəngavər xaçı
Ən yaxşı xarici dildə filmə görə "Oskar" mükafatı
IMDb ID0690638
Vikianbarın loqosu Vikianbarda əlaqəli mediafayllar

Karlo Ponti (it. Carlo Ponto; 11 dekabr 1912[1][2][…] – 10 yanvar 2007[1][2][…], Cenevrə[3]) — İtaliya film prodüseri.

Həyatı

[redaktə | vikimətni redaktə et]

Erkən həyatı

[redaktə | vikimətni redaktə et]

Karlo Ponti 1912-ci ildə Lombardiya vilayətinin babasının mer olduğu Macenta şəhərində anadan olmuşdur. Milan Universitetində hüquq fakültəsini bitirmişdir. O, əmək fəaliyyətinə atasının Milandakı hüquq şirkətində başlamış və kontraktlar bağlamaqla kino biznesinə qoşulmuşdur.

Şəxsi həyatı

[redaktə | vikimətni redaktə et]

1946-cı ildə Ciuliana Fiastri ilə evlənir. Lakin 1957-ci ildə arvadının xəbəri olmadan Meksikada Sofi Loren ilə evlənir. O zamanlar İtaliyada boşanmaq haqqında qanun hələ yox idi. Bu səbəbdən onlar İtaliyaya dönmürlər. İllər sonra İtaliyaya geri dönərkən saxlandıqda evli olduqlarını inkar edirlər. Fransada boşanmaya icazə verildiyindən K. Ponti arvadını onlarla birlikdə Fransaya köçməyə razı sala bilir və onlar üçü Fransaya köçürlər. Burada vətəndaşlığa müraciət edirlər. Ölkə prezidenti Jorj Pompidu 1965-ci ildə onların bu müraciətinə müsbət qərar verir. Fransız vətəndaşlığını qəbul etdikdən sonra Karlo Ponti ilk arvadından ayrılır. 1966-cı ildə isə Karlo Ponti ilə Sofi Loren ailə həyatı qururlar. Onların iki övladı dünyaya gəlir.

Qaçaqmalçılıqda ittiham

[redaktə | vikimətni redaktə et]

1979-cu ildə qiymətli sənət əsərləri oğurladığından ona 22 milyard italyan lirası və 4 il həbs cəzası təyin etdilər. Lakin fransız vətəndaşı olması onun məhkəməyə gəlməməsinə və ekstradisiya olunmamasına imkan verirdi. Ancaq 1990-ci ildə həmin cinayət işi bağlanılır.[4]

Ölümü

[redaktə | vikimətni redaktə et]

Ağ ciyər xəstəliyindən əziyyət çəkən K.Ponti, 9 yanvar 2007-ci ildə 94 yaşında Cenevrə kantonunun xəstəxanasında vəfat etmişdir.[5]

O, Milan yaxınlığındakı doğma şəhəri Macenta qəbiristanlığında, ailə kilsəsində basdırılmışdır.[6]

Karyerası

[redaktə | vikimətni redaktə et]

İlk film prodüseri kimi 1940-cı ildən karyerasına başlamışdır. 140-dan çox filmlərin prodüseri olmuşdur. Ən çox əfsanəvi italyan kino rejissoru Federiko Fellininin filmlərinə prodüserlik etmişdir.

Seçilmiş filmoqrafiya

[redaktə | vikimətni redaktə et]
  1. Kiçik qədim dünya (film, 1940);
  2. Avropa'51 (film, 1952) / (it) Europa'51;
  3. Yol (film, 1954) / (it) La Strada;
  4. Hərb və sülh (film, 1956) / (ing) War and Peace;
  5. İki qadın (film, 1960) / (it) La Ciociara;
  6. Dünən, bu gün, sabah (film, 1963) / (it) Leri, Oggi, Domani;
  7. Səfər (film, 1974) / (it) Il Viaggio;
  8. Qanqsterin oyuncağı (film, 1975).

İstinadlar

[redaktə | vikimətni redaktə et]
  1. ↑ 1 2 3 4 Carlo Ponti // filmportal.de. 2005.
  2. ↑ 1 2 3 4 Bibliothèque nationale de France Carlo Ponti // BnF identifikatoru (fr.): açıq məlumat platforması. 2011.
  3. ↑ 1 2 Deutsche Nationalbibliothek Record #12921518X // Ümumi tənzimləmə nəzarəti (GND) (alm.). 2012—2016.
  4. ↑ Exshaw, John. "Carlo Ponti". The Independent. 2007-12-01. 2007-02-19 tarixində arxivləşdirilib. İstifadə tarixi: 2007-01-12.
  5. ↑ "E'morto il produttore Carlo Ponti, una vita al fianco di Sophia Loren (it)" (#bad_url). La Republica. 2018-04-10 tarixində arxivləşdirilib. İstifadə tarixi: 2025-01-21.
  6. ↑ "Italian producer Carlo Ponti buried (eng)". wistv.com. 2007-13-01.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Karlo_Ponti&oldid=8052706"