Keniya Həmkarlar İttifaqları Mərkəzi
| Keniya Həmkarlar İttifaqları Mərkəzi | |
|---|---|
| Yaranma tarixi | 1965 |
| cotu-kenya.org | |
Keniya Həmkarlar İttifaqları Mərkəzi və ya qısaca KHİM (ing. Central Organization of Trade Unions - COTU) — Keniyanın ən irimiqyaslı və aparıcı həmkarlar ittifaqı təşkilatı. Mərkəzin baş qərargahı Nayrobida yerləşir.
Tarixi[redaktə | mənbəni redaktə et]
Mərkəz 1965-ci ildə Keniya Əmək Federasiyası və Afrika Əməkçilərinin Konqresinin birləşməsi nəticəsində yaranmışdır.
Tərkibi[redaktə | mənbəni redaktə et]
Hazırda təşkilatın tabeçiliyində 39 həmkarlar ittifaqı təşkilatı fəaliyyət göstərir. Mərkəz 1 milyon 500 min işçini özündə cəmləşdirir.
Fəaliyyəti[redaktə | mənbəni redaktə et]
Mərkəz yerlərdə işçiləri tam müdafiə etmək üçün fəal siyasət aparır. KHİM-də bir sıra komitələr yaradılıb. Bu komitələr ildə bir neçə dəfə iş yerlərində araşdırmalar aparır. Yəni yerlərdə iş şəraitinin mövcud durumu, müəssisələrin aylıq gəlirlərinə nisbətən işçilərin aldıqları maaş, əməkdaşlara ödənilən maddi yardım və müavinətlər, ailə vəziyyəti ilə bağlı qadın işçilər üçün müvafiq şəraitin yaradılması və sair kimi məsələlərə riayət olunması yoxlanılır. Bununla yanaşı, əməkçilərin təhlükəsizliyi hər zaman təşkilatın diqqət mərkəzindədir.
Qadın məsələləri[redaktə | mənbəni redaktə et]
Qurumda qadın məsələləri ilə məşğul olan komitə də yaradılıb. Bura təşkilata üzv olan qadınlar istər iş yerlərində, istərsə də ailədə qarşılaşdıqları qanun pozuntusu hallarında müraciət edirlər. Bundan əlavə, komitədə qadınları həmkarlar ittifaqı hərəkatında fəal iştirakı və təşkilata asan motivasiya etmələri üçün xüsusi olaraq hazırlaşdırırlar. Sözügedən komitə kənd yerlərində yaşayan qadınların problemlərinin həll olunmasında və onların ictimaiyyətdə özlərini müdafiə etmək üçün maarifləndirilməsi istiqamətində çoxsaylı işlər görür.
Rəhbərləri[redaktə | mənbəni redaktə et]
Hazırda təşkilata Rajabu Vondi rəhbərlik edir.
Beynəlxalq münasibətlər[redaktə | mənbəni redaktə et]
Təşkilat Beynəlxalq Həmkarlar İttifaqları Konfederasiyasının üzvüdür.
Həmçinin bax[redaktə | mənbəni redaktə et]
Mənbə[redaktə | mənbəni redaktə et]
- Afaq HÜSEYNOVA. Keniya Həmkarlar İttifaqları Mərkəzi Arxivləşdirilib 2016-03-05 at the Wayback Machine. "Ülfət" qəzeti, 06.07.2013. (az.)
Xarici keçidlər[redaktə | mənbəni redaktə et]
- cotu-kenya.org — Keniya Həmkarlar İttifaqları Mərkəzinin rəsmi saytı