Kerol (film musiqisi)

Vikipediya, açıq ensiklopediya
Jump to navigation Jump to search
Carol: Original Motion Picture Soundtrack
Albomun üz qabığı Karter Byuruell "Carol: Original Motion Picture Soundtrack" ()
Karter Byuruell
Buraxılış tarixi 20 noyabr 2015
Yazılıb 2014–2015
Studio X, Sietl
The Body, Nyu-York
Janr film musiqisi
Müddəti 73:24
Leybl Varèse Sarabande
Karter Byuruell xronologiyası
Legend: Original Motion Picture Soundtrack
(2015)
Carol: Original Motion Picture Soundtrack
(2015)
Anomaliza
(2015)

“Carol: Original Motion Picture Soundtrack” 2015-ci ildə çıxrılmış eyni adlı filmin musiqi albomudur. Alboma Karter Byuruell tərəfindən yazılmış orijinal film musiqisi, həmçinin “The Clovers”, Billi Holidey, Corciya Gibbs, Les Pol və Meri Ford və Co Stafford tərəfindən ifa edilmiş mahnılar daxildir. Albom “Varèse Sarabande” leyblı tərəfindən 20 noyabr 2015-ci ildə dijital yükləmə və CD formatlarında satışa çıxarılmışdır.[1]

İnkişaf[redaktə | əsas redaktə]

Byuruel filmin ssenarisini əsas çəkilişlərə başlanmamışdan əvvəl əldə etmişdi. Rejissor Todd Heyns bəstəkara Rendi Poster tərəfindən yığılmış 1950-ci illərin mahnılarından ibarət altı CD göndərmişdi.[2] Lakin, Heynsin filmi çəkib tamamlamasına kimi Byurvell musiqi yazmağa başlamır.[3] Əvvəlcə bəstəkar film musiqisi üçün iki solo alətdən istifadə etməyi fikirləşir və bunun iki baş qəhrəmana uyğun olacağını düşünür.[4] Bundan sonra "Opening" adlı ilk musiqini yazır. O, qeyd edir ki, bu cür musiqinin birinci yazılması qəribə seçim idi, çünki əsas qəhrəmanlardan heç biri birinci səhnədə iştirak etmir..[5] Lakin, o, hiss edir ki, yazacağı musiqi filmin əhval ruhiyyəsini və görünməyən əsas qəhrəmanları izləyiciyə çatdırmalıdır. Bunun üçün Byuruvell müxtəlif ideyalarını yazır və Heynsə göndərir.[5]

Byuruel film musiqisini səkkiz – on yeddi musiqiçidən ibarət kiçik ansamblla yazır. Bu ansambla simli alətlər kvarteti, bass, arfa, piano və klarnet daxil idi. Orkestrasiyadan sonra film musiqisi Sietl Simfonik Orkestrı tərəfindən ifa edilmişdir. Otuz səkkiz dəqiqəlik film musiqisinin yazılması, ifası və lentə alınması səkkiz həftə vaxt almışdır.[3] Byuruell Kerol obrazını (Keyt Blanşet canlandırır) “sirli” və “laqeyd, müəmmadan uzaq” adlandırır. Bu obraz üçün o, piano, klarnetvibrafon istifadə etmişdir.

Byuruellə görə film musiqisinə, filmin vizual dili ilə əlaqəli olan üç əsas mövzu daxildir. Açılışdakı şəhər səhnəsində səslənən musiqi Kerol və Terez (Runi Mara tərəfindən canlandırılır) arasındakı “güclü cazibə və ehtiras”ı təsvir edərək, obrazlar görünməzdən əvvəl onları izləyicinin təsəvvüründə canlandırır. Bu musiqi sonradan sevgi mövzusu kimi istifadə edilmişdir.[3] Terezin Kerolun gözəlliyinə məftunluğu yüngül piano notları ilə təsvir edilmişdir. Piano teksturası sağ və sol əllər üçün yazılmış notlarla işləmək üçün “bir qədər studiya magiyası”na ehtiyac yaradır, belə ki, sol əllə ifa edilmiş notlar buludlar arasında itərkən, həmin notlar sağ əl vasitəsiylə ifa edilir və bu ifa melodiyanı daşımağa kifayət edəcək qədər fərqli səslənir. Bu ilk dəfə Kerolun Terezi avtomobillə evinə gətirməsi səhəsində istifadə edilir.[4] Üçüncü mövzu yoxluq və itki haqqındadır. Bu musiqi Terezin Kerol tərəfindən yazılmış və onun Nyu-Yorka qayıtma səbəbinin izah edildiyi məktubu oxuması səhnəsində səslənir. Byuruell əhval-ruhiyyəni gizlətmək üçün dördüncü, beşinci və doqquzuncu kimi açıq intervallardan istifadə etmişdir. Hər iki qadının ürəyi qırılır və musiqi onların içindəki boşluğu əks etdirir.[3]

Tənqidçilərin mövqeyi[redaktə | əsas redaktə]

Empire” jurnalından Nev Pirs Byuruellin film musiqisini “dəbdəbəli” adlandırır.[6] “The Scene Magazine”dən Stefan Ellison yazır: “Karter Byuruellin film musiqisi Kerol və Terezin sevgisini çox gözəl çatdırmaqla filmin ümumi aurasından ayrılmayaraq onun bir hissəsinə çevrilir.”[7] “Ham & High”dan Maykl Coys qeyd edir ki, “Onun musiqisi o zamanın qaydalarına görə sevdiyi şəxsin adının açıqlanmasına imkan verməyən bir sevgini çox yaxşı vurğulayır.”[8] “San Francisco Chronicle” üçün yazdığı şərhdə Mik LaSalle qeyd edir ki, “interyer səhnələrinin göstərilməsi zamanı borulu orqan musiqisinə keçilməsi bir qədər qəribədir.”[9] “Combustible Celluloid”-dən Cefferi M. Anderson qeyd edir ki, musiqi film üçün “mükəmməl”dir.[10]

“The Arts Desk” üçün yazdığı şərhdə Demetrios Mateo qeyd edir ki, Byuruellin musiqisi “Filipp Qlassın emosional piano musiqilərini xatırladır” və filmdə əhval-ruhiyyə yaradır.[11] “New Statesman” jurnalından Rayan Gilbi qeyd edir: “Karter Byuruellin musiqisi ilan oynadanın musiqisi kimi yoldan çıxarır, yüksəlir və insanı özündən asılı hala salır.”[12]Salon”dan Endryu O'Hehir qeyd edir: “Karter Byuyuellin unudulmaz film musiqisi sanki Şubert, Dyuk Ellinqton və Filipp Qlass arasında əlaqə yaradaraq əhval-ruhiyyə formalaşdırır.”[13] “Little White Lies” jurnalı üçün yazdığı şərhdə Sofi Kaufman Byuruelin film musiqisini “həsrətli” adlandırır.[14] “Sky Movies”dən Lyuis Beyzli qeyd edir ki, “Karter Byuruellin film musiqisi sakitləşdirir və uçurur.”[15]

Kompozisiyaların siyahısı[redaktə | əsas redaktə]

Başlıq Müddət
1. Adsız 2:13
2. Adsız 1:43
3. Adsız 1:39
4. Adsız 2:26
5. Adsız 0:52
6. Adsız 2:19
7. Adsız 3:02
8. Adsız 2:30
9. Adsız 1:10
10. Drive into Night 0:52
11. Adsız 2:25
12. Adsız 0:40
13. Adsız 2:40
14. Adsız 3:06
15. Adsız 2:56
16. Adsız 1:12
17. Adsız 1:29
18. Adsız 1:01
19. Adsız 3:25
20. Adsız 2:57
21. Adsız 2:16
22. Adsız 1:30
23. Adsız 1:30
24. Adsız 2:53
25. The End 3:53
  • Cins Cordano və Naytavks Orkestrının "Willow Weep for Me" mahnısı, “The Four Aces” qrupunun "A Garden in the Rain" mahnısı,Vudi Hermanın “Perdido” mahnısı, Eddi Fişerin "That's the Chance You Take" mahnısı, Pi Vi Kinqin "Slow Poke" mahnısı və Patti Peycin "Why Don't You Believe Me" mahnısı filmdə istifadə olunsa da, alboma daxil edilməmişdir.[16]

Personal[redaktə | əsas redaktə]

  • Film musiqisinin bəstəkarı, prodüsseri, orkestrasiya müəllifi və drijoru Karter Byuruelldir.

Texniki heyət[redaktə | əsas redaktə]

  • İcraçı prodüsser – Robert Tounson
  • Musiqi not mikseri – Maykl Farrou
  • Podratçı – Devid Sabi
  • Surətçıxaran – Robert Puff
  • Musiqi montajçısı – Todd Kasou
  • Bəstəkarın köməkçisi – Din Parker
  • İcraçı musiqi prodüsseri – Mark Lo
  • Musiqi rəhbəri – Rendall Poster
  • Musiqi işi və hüquqi icra – Nora Mullalli
  • Musiqi məsləhətçisi – Mett Biffa
  • Musiqi xidmətləri – Kattinq Eyc
  • Mənimsəmə – Patrisiya Sullivan


Musiqiçiləri[redaktə | əsas redaktə]

Simli alətlər kvarteti[redaktə | əsas redaktə]

  • Skripkalar – Simon Ceyms və Gennadi Filimonov
  • Viola – Mara German
  • Violonçel – Vendi Sutter
  • Bass – Conatan Burnşteyn

Digər musiqi alətləri[redaktə | əsas redaktə]

  • Skripkalar – Brittani Boldinq və Mişa Şmidt
  • Viola – Cozef Gottesman
  • Violonçel – Erik Han
  • Piano – Kristina Valdes
  • Arfa – Con Karrinqton
  • Emallı piano – Karter Byuruell
  • Fleyta – Erin Ceyms
  • Klarnetlər – Frenk Kovalski, Cennifer Nelson və Şon Osborn
  • Qoboy – Çengven Vinni Lay
  • Bassoon – Evan Kulmann
  • Şeypur – Mark Robbins

Hit-paradlarda[redaktə | əsas redaktə]

Hit-parad(2016) Yüksəldiyi
yer
Belgian Albums (Ultratop Flanders)[17] 157
Italian Compilation Albums (FIMI)[18] 19

İstinadlar[redaktə | əsas redaktə]

  1. "Todd Haynes 'Carol' Soundtrack Details". FilmMusicReporter.com (October 21, 2015).
  2. "Interview: Carter Burwell on Composing "Carol" and "Hail, Caesar!"". The Film Experience (20 mart 2016).
  3. 3,0 3,1 3,2 3,3 "Carol - Carter's Notes". carterburwell.com (December 12, 2015).
  4. 4,0 4,1 Ehrlich, David "Composer Carter Burwell on 'Carol' and the Coen Brothers". Rolling Stone (November 21, 2015).
  5. 5,0 5,1 "Listen to Carter Burwell’s Complete, Magnificent Score For Todd Haynes’ ‘Carol’". The Film Stage.
  6. Pierce, Nev "Carol Review". Empire (November 20, 2015).
  7. "Carol - Movie Review". The Scene Magazine (December 10, 2015).
  8. "Carol review: 'An Oscar Pleader that has become a real film'". Ham & High (November 29, 2014).
  9. LaSalle, Mick ""Carol" — Exquisite performances as 2 women connect". San Francisco Chronicle (December 10, 2015).
  10. "Carol". Combustible Celluloid.
  11. Matheou, Demetrios "Carol". The Arts Desk (November 26, 2015).
  12. Gilbey, Ryan "Matches made in heaven: Carol and Bridge of Spies". New Statesman.
  13. "“Carol” isn’t just a “lesbian movie”: Cate Blanchett and Rooney Mara’s ’50s love story is a classic American screen romance". Salon (November 25, 2015).
  14. Kaufman, Sophie "Carol - Little White Lies". Little White Lies (November 25, 2015).
  15. Bazley, Lewis "Carol". Sky Movies. Sky plc (2015).
  16. Jagernauth, Kevin "All The Songs In Todd Haynes' 'Carol' Including Billie Holiday, Gerry Mulligan, The Clovers, Jo Stafford, & More". Indiewire (May 13, 2015).
  17. "Soundtrack / Carter Burwell – Carol" (In Dutch). Ultratop.be. Hung Medien. Retrieved 20 mart 2016.
  18. "Compilation - Classifica settimanale WK 3 (dal 2016-01-15 al 2016-01-21)" (Italian). Federazione Industria Musicale Italiana.

Həmçinin bax[redaktə | əsas redaktə]

Xarici keçidlər[redaktə | əsas redaktə]