Klod Mone

Klod Mone
	fr. Claude Monet
	Nadarın 1899-cu ildə çəkdiyi fotosu
Doğum tarixi	14 noyabr 1840
Doğum yeri	Paris, Fransa
Vəfat tarixi	5 dekabr 1926 (86 yaşında)
Vəfat yeri	Jiverni, Fransa
Vətəndaşlığı	Fransa;
Fəaliyyəti	rəssam
Təhsili	École nationale supérieure des Beaux-Arts[d];
İstiqamət	impressionizm
Üslub	peyzaj, natürmort və portret
Tanınmış işləri	Impression, Sunrise[d], Garden at Sainte-Adresse[d], Houses of Parliament series[d], La Corniche near Monaco[d] və Suzanbağıları
Tələbəsi	Espérance Léon Broquet[d], Paul-Émile Pissarro[d], Robert Antoine Pinchon[d] və Louis Cario[d]
Vikianbarda əlaqəli mediafayllar

Oskar Klod Mone (fr. Oscar-Claude Monet, 1840—1926) — fransız rəssamı, impressionizm cərəyanının yaradıcılarından biri.

Həyatı[redaktə | əsas redaktə]

Klod Mone 1840-cı ildə Parisdə dünyaya gəlib. O, 5 yaşındaykən ailəsi Normandiyaya köçür. Notre-Dame-de-Lorette kilsəsində təhsil aldığı illərdə onun adı Oskar Klod Mone kimi yazıldı. Ata-baba sənəti olan baqqallığı davam etdirməsi üçün atası çox cəhd göstərsə də, o, musiqiçi anasının sənətinə maraq göstərirdi. 1851-ci ildə La Havre-də orta məktəb təhsilinə başlayan Mone qara karandaşla çəkdiyi cizgilərlə çevrəsində tanınırdı. Onun incəsənətə olan marağı məhz bu cizgilərdə təzahür edirdi. Fransis Oçarddan ilk dərslərini alan Klod bu ərəfədə gələcək karyerasında əvəzsiz rolu olacaq Boudinlə də tanış oldu.

28 yanvar 1857-ci ildə anası öldüyündə onun 16 yaşı vardı. O, Luvru ziyarət etmək üçün Parisə getdiyində məsləkdaşlarının bir çoxu ilə dostluq əlaqələri qurdu.

1861-ci ildə 7 illik müqaviləylə orduya getsə də, iki il sonra xalasının köməyiylə təxris olundu.

Bir il sonra isə artıq incəsənət universitetinin tələbəsiydi. Lakin burda Sisley, Renuar və Bazille ilə tanışlığı onda sənətə ayrı bir baxış yaratdı. Artıq o, həyatı fırça səsində, ya da rənglərin qarışığında axtarırdı.

Onun məşhurluğunun ilk addımı isə 1866-cı ildə çəkdiyi "Yaşıl paltarlı qadın" əsəri oldu. Burada o, gələcək həyat yoldaşını çəkib. Sonra isə Camille adlı həmin qadından onun iki uşağı dünyaya gəldi.

Fransa-Prussiya müharibəsi zamanı o, İngiltərəyə sığındı. 1871-ci ildə Fransaya dönən rəssamın ən gözəl əsərləri Parisdə yaradıb. 1879-cu ildə Mone həyat yoldaşını itirdi. 1883-1908-ci illər ərzində Ağdəniz sahillərinə səyahət edən rəssamın təbiət mövzulu əsərlərinin çoxu məhz burada kətana köçürülüb.

Rəssam 5 dekabr 1926-cı ildə dünyasını dəyişib.