Koralina (cizgi filmi, 2009)

Vikipediya, açıq ensiklopediya
Jump to navigation Jump to search
Koralina kabuslar ölkəsində
ing. Coraline
Koralina (cizgi filmi, 2009).jpg
Koralina filminin rəsmi posteri
Janr animasiya
Növü Fentezi,
Macəra
Ailəvi film
Dram filmi
Rejissor Henri Selik
Prodüser Henri Selik
Nil Qeyman
Ssenari müəllifi Ted Elliot
Rolları səsləndirənlər Dakota Fanninq
Teri Hatçer
Cennifer Saunders
Doun Frenç
Kit Devid
Con Hocman
Robert Beyli
İen Makşeyn
Bəstəkar Bruno Kule
Animatorlar Pet Kozaçik
Dil İngilis dili
Ölkə Flag of the United States.svg ABŞ
Studiya Laika
Pandemonium, Focus Features
Distribüsiya Focus Features
Universal Pictures (DVD)
United International Pictures
Davametmə müddəti 100 dəqiqə[1]
İl 6 fevral 2009
Büdcə 60 milyon $[2]
Gəlir $484,409,218 milyon
ID 0327597
Xarici keçidlər
Rəsmi sayt

Koralina (ing. Coraline) — ailəvi cizgi film, Nil Geymanın eyniadlı əsərinin 2009-cu ildə "Laika Entertainment" studiyası tərəfindən ekranizasiya olunmuşdu. Uşaqların cizgi filminə tək baxması məsləhət olunmur. Cizgi film Oskar mükafatına namizəd olub[3]. Koralina 3D formatında çəkilən ilk animasiya filmidir[4]. Amerika Kinematoqrafiya İnstitutu 2009-cu ildə "Koralina"ya "İlin ən yaxşı filmi" adını vermişdir.[5]. Dünya üzrə filmin ümumi gəlirləri 124 mln dollar təşkil etmişdi[6].

Süjet[redaktə | əsas redaktə]

Koralina Cons valideynləri ilə Çəhrayı saray adlanan bir köhnə evə köçür. Valideynləri öz işləri ilə çox məşğul olduğundan, Koralina darıxır və özünü hər hansı bir işlə məşğul etmək məqsədilə ev və onun ətrafını tədqiq etməyə başlayır. Beləliklə o cənab Bobinski adlı ekssentrik rus akrobatı və siçovulların baş məşqçisi, məcburi iki təqaüdçü aktrisalar - Miss Spink və Miss Forsibl və ağzıboş oğlan Vaybi ilə tanış olur. Bir gün Koralina evdə gəzişərək pəncərələri və qapıları sayarkən kərpic ilə daxili doldurulmuş, qədim gizli qapı aşkar edir. O gecə Koralina öz yuxusunda siçanların köməyi ilə həmin qapını açaraq paralel dünya, yəni «Digər» dünya adlannan bir yerə düşür. Orada o, onun «Digər» ana və atası olduğunu öyrənir, onların gözlərinin yerinə düymələr var idi. Onun real valideynlərindən əsas fərqi - bu versiyaların həmişə onun üçün vaxt ayırırması, həddindən artıq mehriban və qayğıkeş olmasıdır və bütün bu sevgi və mehribanlığı görən Koralina real dünyaya qayıtmaq istəmir. Coşğulu Koralina hər gecə digər dünyaya səfər edərək, oradakı qonşularla tanış olur və vaxtını çox yaxşı keçirir.

Səfəri zamanı Koralina burada təhlükənin olduğunu xəbərdarlıq edən, danışmaq qabiliyyətinə malik qara pişik görür, lakin Koralina pişiyin sözlərinə çox elə diqqət vermir. Üç gecə sonra, «Digər» ana Koralinaya burada əbədi qalması üçün gözlərinə düymələri tikməyə icazə verməsini təklif edir. Qarışıq bir hiss və bir qədər qorxu ilə Koralina bu təklifdən imtina edir və qayıtmaq istəyir, o tez öz otağına qaçaraq tələsik halda yatmağa çalışır. O düşünür ki, oyandıqda o yenə öz real dünyasına qayıdacaq, lakin bu belə olmur. O ayağa qalxaraq «Digər» ananın yanına gedir və onu öz dünyasına qaytarmağı istəyir. Beldam bundan əsəbləşir və Koralinanın yüksək tonla danışdığına görə üzr istəməyi əmr edir. Koralina «Digər» ananın onu real ana olmadığını deyəndən sonra, Beldam üzdən dəyişilir: üzü və bədəni arıqlayır, dırnaqları uzanır. «Digər» ana onu güzgünün dalında yerləşən otağa ataraq, onun bir müddət orada qalacağını deyir. Güzgünün dalında yerləşən otaqda Karolina 3 kabus-uşaqla tanış olur. Onlar əbədi əyləncə üçün öz gözlərinin çıxarılaraq yerinə düymələrin qoyulmasına razı olduqlarını deyirlər. Lakin Beldam onları aldadır və gözləri ilə birlikdə, onların həyatını da əlindən alır. Kabus uşaqlar Koralinaya xahiş edirlər ki, o onları xilas etsin və Koralina razı olur. Digər Vaybinin köməyi ilə, Koralina öz real dünyasına dönə bilir. Evdə, Koralina valideynlərini tapmır və bu zaman pişik onların «Digər» ana tərəfindən düzəldilmiş kuklalarını aşkar edir. Koralina anlayır ki, Beldam onun valideynlərini oğurlayıb. O yenidən pişiklə birgə paralel dünyaya qayıtmağa qərar verir.

Pişiyin məsləhətindən sonra, Koralina «Digər» anaya oyun oynamağa təklif eləyir. O, digər ana ilə pari imzalayır: əgər Koralina öz valideynlərini və kabus uşaqları bu oyunda tapa bilməsə, o əbədi olaraq digər dünyada qalacağını və öz gözlərinin yerinə düymələri tikməyə icazə verəcəyinə söz verir. Bu oyunda Koralina qalib gəlir - o 3 kabus-uşaqların gözlərini tapır. Koralina onun valideynlərin şüşə qabda həbs olunduğunu öyrənir. Pişik, digər ananın üstünə atlanaraq onun düymə gözlərini çıxarır. Koralina isə bu məqamı istifadə edərək, şüşə qabı götürür və real dünyaya qayıda bilir. Gecə Koralinanın yuxusuna 3 kabus-uşaq qəlir. Onlar onun təhlükədə olduğunu xəbərdarlıq edirlər. Axı paralel dünyanın qapısı hələ bağlanmayıb və «Digər» ana bu yolla real dünyaya daxil ola bilər. Çox çətin mübarizədə, dostu Vaybinin köməyi ilə Koralina açarı quyuya ataraq həmişəlik olaraq «Digər» dünyanın qapısını bağlaya bilir.

Aktyorlar və xarakterlər[redaktə | əsas redaktə]

Baş qəhrəmanlar[redaktə | əsas redaktə]

  • Dakota FanninqKoralina Cons - Cəsarətli, ağıllı və hər bir şeylə maraqlanan qız - baş qəhrəman. Koralina hər yeni bir şeyi tədqiq etməyi, xüsusən də yaşadıqları evin ətrafındaki bağçanı bəzəməyi çox sevir. Valideynlərin onunla az maraqlandığını düşünən Koralina buna görə daim kədərli olur; Koralina əsəbləşir ki, ətrafdakılar onun adını düz demirlər - Koralina yerinə Karolina deyə çağırırlar. Nil Qeyman öz kitabında onu "çox cəsarətli və enerji ilə coşub daşan bir qız" kimi təsvir edir. Koralina və oğlan Vaybi arasında «sevgi/nifrət» hissləri yaşanır.
  • Teri HatçerMel Cons — Bütün günü çalışan Koralinanın anası və daha diqətli və daha çox qıza sevgi ayıran "Digər" ana. Onun real anası bağlar üzrə kataloqun müəllifidir. Mel öz qızını çox sevir, lakin onun başqalarına diqqət ayırmağa elə də vaxtı olmadığından Koralina buna görə daim kədərli olur. «Digər» ana — filmin əsas antaqonistidir və Digər dünya və onun sakinlərinin yaradıcısıdır. Koralina onu əvvəlcə «mükəmməl ana» hesab edir, çünki o özünü yüksək səviyyədə diqqətli və qayğıkeş bir kimi göstərir (və həmçinin real anadan fərqli olaraq, o çox gözəl yeməklər bişirir). Koralinanın digər dünyada rast gəldiyi 3 kabus-uşaq «Digər» ananı arxaikləşmiş söz olan «Beldam» deyərək çağırırlar. Bu söz tərcümədə «cadugər» mənasını verir. Sonradan digər ana çox arıq, uzun dırnaqları və gözündə qara rəngdə düymələri olan qadına və sonda yenidən dəyişərək insan kəlləli və mərmər üzlü nəhəng həşərata çevrilir.
  • Con HocmanÇarli Cons — Koralinanın real və «Digər» atası. Con Hocman bu personajı «banan qabığına ayağını basmasa da, lakin elə onun düz yanındakı kanalizasiya lükuna düşən bir oğlan» kimi xarakterizə edir. Müəllif Nil Geyman Çarlini "uşaqların utandığı hərəkətləri özünün yaxşı hesab etdiyi" bir insan kimi təsvir edir. «Digər» ata - müğənni-pianist və bağbandır. Sonradan o dəyişərək melanxolik və pafosla dolu üzü balqabağa bənzəyən və «Digər» anaya xidmət edən məxluqa çevrilir. Ancaq filmin gedişi ilə «Digər» atanın əslində Koralinaya heç bir pisliyi olmadığı da məlum olur. O sadəcə digər anadan qorxduğu üçün onun tələblərini yerinə yetirməyə məcburdur.
  • Kit DevidPişik — Koralinanın dünyasından olan qara pişik. O Çeşir pişiyi kimi istədiyi vaxt itib yenidən başqa bir yerdə peyda ola bilir. Digər dünyada o danışmaq qabiliyyətinə malikdir; digər personajlardan fərqli olaraq onun gözlərində düymələr yoxdur və o Koralinaya hər zaman kömək edir. Tez-tez Vaybinin yanında olduğundan Koralina əvvəllər ona "ev pişiyi" deyərək lağa qoyurdu.
  • Robert Beyli kiçikVayborn «Vaybi» Lovat — Yaşlı ev yiyəsinin nəvəsi. Tez-tez 3 obyektivi və əllə düzəldilmiş periskopu olan və üzərində kəllə rəsmi ilə boyanan maska taxır. Ətrafdakı meşəni patrul etmək məqsədilə onun həmçinin motorlaşdırılmış velosipedi də var. Vaybi öz nənəsini sevir lakin ondan çox qorxur, elə ona görə də nənəsi onu uzaqdan çağıran kimi tez velosipedinə minərək onun yanına gedir. «Digər» dünyada Vaybi çox sakitdir, o danışmaq qabiliyyətinə malik deyil. Sonralar o gülmədiyinə görə Beldam tərəfindən cəzalandırılmışdı. «Digər» ana onun ağzını tikərək onu daimi, lakin dəhşətli gülüşə çevirmişdi. Lakin sonda Vaybi Koralinaya Beldamdan xilas olmağa, ondan qaçmağa və öz real dünyasına qayıtmağa kömək edir. Buna görə «Digər» ana onu məhv edərək onun parçalarını bayraq şəklində mister Bobinskinin evi üzərində asır. Orjinal kitabda bu personaj yox idi.

İkincidərəcəli qəhrəmanlar[redaktə | əsas redaktə]

  • Cennifer SaundersDoun Frençmiss Spinkmiss Forsibl, EyprilMiriam — beletajda yaşayan yaşlı aktrisalar. Onların 3 skotç teryerləri var, evlərin fəxri yerini isə əvvəllər yaşamış sonralar isə qocalıb ölmüş teryerlərin müqəvvaları bəzəyir. Miss Spink və Miss Forsibl özlərinin aktrisa həyatını xatırlamağı çox sevirlər. Onlar okkultizmdən və kofedə baxıcılıq etməkdən məftundurlar. «Digər» Spink və Forsibl əvvəlcə real prototipləri kimi görünürlər, lakin sonra onlar cavan, gözəl və Şekspirdən sitatlar gətirən akrobatlara çevrilirlər. «Digər» dünyada onların itləri özlərini insanlar kimi aparır, sonra isə yarasalara çevrilirlər.
  • İen Makşeynmister Bobinski (tam adı — Semyon Ostapoviç (dublyajda — Sergey Aleksandroviç) Bobinskiy, dostları onu Q.B. deyərək çağırırlar) — Koralinanın qonşusu, milliyətcə rusdur. Cavanlıqda gimnastika ilə məşğul olarkən öz fiziki formasını qorumaq üçün çuğundur dietasında oturduğundan, dərisi mavi rəngdədir. Bobinski Çernobıl faciəsini likvidasiyasında iştirakına görə aldığı medalı həmişə üstündə gəzdirir, onun evinin üstündə üzərində Rusiya gerbi əks olunmuş böyük bayraq asılıb. O muşkaları (atlanan siçanları) təlim edir, baxmayaraq ki, heç kim bu siçanları görməyib. «Digər» Bobinski bu muşkalardan (əslində isə içi qumla doldurulmuş və gözlərində düymələr olan siçovullardan) ibarət böyük bir sirkin rəhbəridir. Məhz bu siçanlara görə də Koralina «Digər» dünyaya daxil olur.
  • Kerolin Kroufordxanım Lovat — Vaybinin nənəsi və Koralina və qonşuların qaldığı evin sahibəsi. O əvvəllər öz əkiz bacısı ilə bu malikanədə yaşayırdı. Onun bacısı bir gün bu evdə sirli şəkildə itkin düşür (əslində isə «Digər» ananın qurbanlarından birinə çevrilir). Ev onun bacısını oğurladığını hesab edən xanım Lovat, oranı 4 hissəyə bölərək kirayə verməyə razı olur, özü isə yaxınlıqda yerləşən kiçik bir evə köçür. Lakin malikanənin «yenə uşaqları oğurlayacağından» qorxan Lovat, uşaqlı ailələrə evi kirayə verməyə razı olmur. Məhz buna görə də öz nəvəsi Vaybiyə də Çəhrayı saraya getməyə qadağan edir.

İstehsal[redaktə | əsas redaktə]

Özünün maksimal yüklənmə müddətində, film 450 insanın[7], o cümlədən 30-35 animatorun və «Rəqəmsal Dizayn Qrupunun» dizaynerlərin, həmçinin 250-dən çox texniki personalın və layihəçilərin gücünü özündə birləşdirirdi. Təkcə kukla qəhrəmanların qeyimlərin tikilməsi, onların sviterlərinin insan saçı qalınlığında toxuculuq iynələri ilə əllə toxunması üçün ayrıca bir komanda üzvləri yığılmışdı[8].

Çəkilişlər 13 min m2 ərazidə düzənlənmişdi[7],[9]. Çəkiliş pavilyonu 50 epizodik hissəyə bölünmüşdü, onların hər biri isə 150-dən çox yığma kompozisiyanı özündə birləşdirirdi. Kompozisiyalar içərisində 3 viktorian malikanəsi, 12 metrəlik alma bağı və Eşlend şəhərinin (Oreqon ştatı) modeli var idi.[7]

Filmdə çox minimal kompyuter qrafikası istifadə olunmuşdu, o da qəhrəmanların üzündəki tikişləri yığışdırmaq və kuklaların kadrda saxlanılması üçün istifadə olunmuşdu[10]. Filmdə duman səhnəsi əsl ağ dumanın video çəkilişidir. Kompyuter qrafikası ilə həmçinin paralel dünyanın pikselləşməsi, onun dağılıb yenidən yaranması səhnəsində də istifadə olunmuşdu.

Kukla qəhrəmanların üz cizgilərini və mimikalarını daha da realistik göstərmək üçün kukla fraqmentlərin bir-birini izləmə texnikası istifadə olunmuşdu. Ümumilikdə isə filmdə 15 mindən artıq fərqli mimikadan istifadə olunmuşdu[4].

Film xətaları[redaktə | əsas redaktə]

Koralina kompyuter qarşısında oturub işləyən atasının yanına gələndə, o özünün kuklasını qutunun kənarına tullayır, belə ki kuklanın qolu bir az sallanır. Lakin ardınca kuklanın öz yerini dəyişdiyini görmək olar[11].

Koralina öz «Digər» valideynləri ilə şam yeməyi yeyərkən əvvəlcə boşqabın yanında nektar üçün boş stəkan, su üçün isə dolu badə görmək olar. Amma daha sonra su ilə dolu badə yarıyacan boşalır (Koralina su içməmişdi, çünki bu vaxt oyuncaq qatarın ona sous gətirməyinə baxırdı). Daha sonra isə kartof püresindən bir qaşıq yedikdən və «Digər» anaya kompliment etdikdən sonra, onun yanındaki su qədəhinin ümumilikdə harasa itdiyini görmək olar[12].

Bir çox amerikalının fikrincə, mister Bobinskinin evi üzərində asılan bayraq Monteneqronundur. Lakin bu doğru deyil. Monteneqronun bayrağı qırmızı rəngdə olmaqla, onun mərkəzində Monteneqronun gerbi əks olunub. Monteneqronun gerbində ikibaşlı qartalın mərkəzində şir var, Rusiya gerbində isə əşdahanı oxla yaralıyaraq onu məğlub edən gümüşü atlı təsvir olunmuşdu[13]. Həmçinin mister Bobinskinin qapısının yanında, üstündə "Сыр" (yəni pendir) yazısı olan qutular vardır, məhz elə bu onun rus olduğunu sübut edir[12].

Film musiqisi[redaktə | əsas redaktə]

"Coraline"
Albomun üz qabığı
Albom haqqında
Çıxış tarixi 2009
Tərz film musiqisi, OST
Vaxt 60 dəqiqə
Ölkə Flag of the United States.svg ABŞ
Prodüser Bruno Kule
Sinqllar 0

Koralina kabuslar ölkəsində cizgi filmindən olan musiqi, rəqəmsal formatda 3 fevral 2009-cu ildə «E1 Music» studiyasında yazdırılmış və 24 fevral 2009-cu ildə satışa buraxılmışdı. Mahnılar fransız bəstəkarı Bruno Kule tərəfindən tərtib edilmişdi[14].

CD trek siyahısı[redaktə | əsas redaktə]

  1. End Credits (Bruno Kule) - 00:01:54
  2. Dreaming (Bruno Kule) - 00:02:19
  3. Installation (Bruno Kule) - 00:02:27
  4. Wybie (Bruno Kule) - 00:02:06
  5. Exploration (Bruno Kule) - 00:02:01
  6. Other Father (Song They Might Be Giants) - 00:00:27
  7. The Supper (Bruno Kule) - 00:01:30
  8. Bobinsky (Bruno Kule) - 00:02:23
  9. Fantastic Garden (Bruno Kule) - 00:01:33
  10. Coraline Fly (Bruno Kule) - 00:00:23
  11. Trap for the Mices (Bruno Kule) - 00:01:34
  12. Mice Circus (Bruno Kule) - 00:01:26
  13. Dreams are Dangerous (Bruno Kule) - 00:01:27
  14. Sirens of the Sea - 00:01:37
  15. In the Bed (Bruno Kule) - 00:01:54
  16. Spink and Forcible (Bruno Kule) - 00:00:33
  17. It was Fantastic (Bruno Kule) - 00:02:09
  18. Ghost Children (Bruno Kule) - 00:01:27
  19. Let`s Go (Bruno Kule) - 00:01:08
  20. Playing Piano (Bruno Kule) - 00:02:48
  21. Wybie that Talks (Bruno Kule) - 00:02:08
  22. Cocobeetles (Bruno Kule) - 00:01:39
  23. Alone (Bruno Kule) - 00:00:52
  24. Dangerous (Bruno Kule) - 00:02:23
  25. Reunion (Bruno Kule) - 00:01:09
  26. Coraline Dispair (Bruno Kule) - 00:01:27
  27. The Theater (Bruno Kule) - 00:01:32
  28. The Famous Mister B (Bruno Kule) - 00:02:22
  29. You Know I Love You (Bruno Kule) - 00:04:26
  30. Mechanical Lullaby (Bruno Kule) - 00:02:24
  31. The Hand (Bruno Kule) - 00:03:14
  32. The Party (Bruno Kule) - 00:02:32

Tənqidçilərin mövqeyi[redaktə | əsas redaktə]

Ümumilikdə "Koralinaya" amerikalı kinotənqidçilər müsbət rəy verdilər. 2012-ci ilin aprel ayında Rotten Tomatoes saytı tərəfindən 89% Təsdiq edilmiş freş səs qazanmışdı. Metacritic isə ümumilikdə müsbət qiymətləndirərək, ona 100 baldan 80-i vermişdi.[15] Devid Edelşteyn filmin "həqiqətən də nağıl" olduğunu, lakin bununla belə filmdə "daha çox tarix, nəinki ekstaz almaq olduğunu" demişdi:[16]

Mükafatlar[redaktə | əsas redaktə]

Mükafat
Mükafat Kateqoriya Resipient Nəticə
Oskar mükafatı Best Animated Feature Henri Selik Nominasiya
American Film Institute Awards Ən yaxşı 10 film Qalib
Annie mükafatı
Best Animated Feature Nominasiya
Tammetrajlı filmin ən yaxşı rejissor işi Henri Selik Nominasiya
Tammetrajlı filmdə ən yaxşı səsləndirilmə Doun Frenç Nominasiya
Animasiya filminin ən yaxşı musiqisi Bruno Kule Qalib
Best Character Animation in a Feature Production Trevis Nayt Nominasiya
Bədii istehsal personajlarının ən yaxşı dizaynı Şeyn Priqmor; Şennon Trindl Qalib
Bədii istehsal personajlarının ən yaxşı dizaynı Kristofer Appelhans; Tadahiro Uesugi Qalib
Bədii istehsal üzrə ən yaxşı hekayə Kris Batler Nominasiya
Broadcast Film Critics Association Awards Ən yaxşı animasiya filmi Nominasiya
BAFTA Mükafatı Ən yaxşı animasiya filmi Nominasiya
BAFTA Children’s Award Ən yaxşı animasiya filmi Qalib
Chicago Film Critics Association Awards Ən yaxşı animasiya filmi Nominasiya
Cinema Audio Society Awards
Həyatı naliyyətlərə görə Henri Selik Qalib
Karyera üzrə müvəffəqiyyət Rendi Tom Qalib
EDA Award
Ən yaxşı animasiya qadın rolu (Koralinanı səsləndirən) Qalib
Ən yaxşı animasiya filmi Nominasiya
Qızıl Qlobus Mükafatı Ən yaxşı animasiya olunmuş film Nominasiya
Motion Picture Sound Editors Golden Reel Awards Ən yaxşı səs rejissoru: bədii filmdə səs effektləri, foli, musiqi, dialoq və ADR animasiya Nominasiya
Online Film Critics Society Awards Ən yaxşı animasiya filmi Nominasiya
People's Choice Awards 2009-cu ilin ən yaxşı 3D formatında film Nominasiya
Producers Guild of America Awards Animasiya filmində ən yaxşı prodüsser Nominasiya
San Francisco Film Critics Circle Awards Ən yaxşı animasiya filmi Qalib
St. Louis Film Critics Awards Ən yaxşı animasiya filmi Nominasiya
Visual Effects Society Mükafatı
Bədii filmdə mükəmməl animasiya effektləri Kler Cenninqs, Henri Selik Nominasiya
Bədii filmdə mükəmməl model və miniatürlər Koralina - Animatorlar Trevis Nayt və Trey Tomas Nominasiya
Bədii filmdə mükəmməl animasiya effektləri Con Allan Armstronq, Riçard Kent Börton, Kreq Dousett Nominasiya
Bədii filmdə mükəmməl model və miniatürlər Debora Kuk, Mettyu DeLeu, Pol Mak, Martin Meunier Nominasiya
Washington D.C. Area Film Critics Association Ən yaxşı animasiya filmi Nominasiya

Gəlirləri[redaktə | əsas redaktə]

«Media by Numbers» kinobiznes analitiki Pol Derqarabetyanın fikrincə, həftə ərzində film 16 milyon dollar ABŞ-da, bütün dünya üzrə isə 192 milyon dollar əldə etmişdi. Filmin çıxışından əvvəl isə, Derqarabetyan hesab edirdi ki, «Laika» kompaniyasının çəkdiyi bu film prokatlarda 10 milyon qazanarsa «doğurdan da çox sevinər».[7]

Maraqlı faktlar[redaktə | əsas redaktə]

Koralinanın azad olmuş kabus-uşaqlarla görüşü zamanı verilən animasiya edilmiş fon, Vinsent Van Qoqun «Ulduzlu gecə» rəsmindəki gecə səmasına çox bənzəyir. Proyektin Baş rəssamı Tadahiro Uesuqi beləliklə rejissorun qeyriadi fikrini reallaşdırmışdı.Henri Selik özü bu haqda intervyuların birində qeyd edir[17]:

Bu səhnə üçün arxa fon lazım idi, buna görə də mən Tadahiroya, bizim baş rəssama xahiş etdim ki, Van Qoqun «Ulduzlu gecə» rəsminin improvizasiya edilmiş variantını əks etdirsin.

Koralina cizgi filmindən olan kadr üçün qələmlə edilmiş rəsmin bir variantı.
Van Qoqun «Ulduzlu gecə» əsəri.
  • «Digər dünyanın» Cons ailəsinin qonaq otağının divarlarında, vaza olan komod üzərində oval şəklində üç portreti görmək olar: bunlar 3 kabus-uşağın portretlərindir.
  • «Digər dünyanın» teatr səhnəsində qoca aktrisalardan biri dekorasiyalar fonunda Veneranı təsvir edir. Fon Sandro Bottiçellinin «Veneranın doğulması» əsərinin qrotesk şəklidir (Rəsmin orjinalı Uffitsi qalereyasındadır və məhz bu əsər Florensiyanın simvoluna çevrilib).
  • Koralinanın real ailəsi gümüşü rəngdə «Volswagen-böcəkdə» gəzir.
  • Koralina - solaxaydır.
  • Mister Bobinskinin evinin üstündə Rusiyanın gerbi olan qırmızı rəngdə bayraq asılıb. O Koralinaya çuğundur yeməyi təklif edir, çünki o çox faydalıdır.
  • Koralina Vaybiyə şpion-kuklanın kimə oxşadığını danışanda, 3 kabus-uşağın əslində kim olduğu da açıqlanır. Üzü dar olan qız - Çəhrayı saraya ilk məskən salan ailənin qızı, oğlan-kabus Gek-Finn, ikinci qız isə - Vaybinin nənəsi, xanım Lovatın bacısı idi.
  • Filmin əvvəlində yük daşıyan oğlan Cons ailəsinin mebelini gətirir. Çıxıb getmək istədikdə o Mel Consdan 1 dollar alır. Dollar əskinasının aversində Prezident Corc Vaşinqtonun yerinə rejissor Henri Selikin portreti durur[18]
  • Ssenariyə əsasən Koralina Eşlandda (Oreqon ştatı) yaşayır. Laika Entertainment studiyası da elə o şəhərdə yerləşir.
  • The Ranft Bros. Moving Company şirkətinin işçiləri (filmdə onlar Koralina ailəsini yeni evə köçməyə kömək edən işçilər idi) - Cerom və Co Ranft qardaşlarının animasiya variantları idi. Real Co Ranft 2005-ci ildə avtomobil qəzası nəticəsində həlak olmuşdu[19][20].
  • They Might Be Giants musiqi qrupu Koralina üçün 10 mahnı bəstələmişdi, lakin animasiya filminin myuzikl deyil, daha çox qotik triller janrında olması səbəbi ilə, yalnız bir mahnının filmdə səslənməsinə razılıq verilmişdi[18].
  • Təkcə Koralinanın kuklasının hazırlanması üçün 3-4 ay sərf olunmuşdu[21].
  • Koralinanın "Detroyt zooparkı" adlanan qar kürəciyi özündə Horeys Rekhemin (Ford Motors kompaniyasının səhmdarı) Memorial fəvvarəsinin, həmçinin digər kürəcikdə Hollandiya şəhərində (Miçiqan ştatı) yerləşən Böyük qırmızı fənərin (Big Red) miniatyur ölçüdə surətini təkrarlayır[22].
Çəhrayı sarayın ətrafında çox vaxt duman olur, mister Bobinski binanın mansardında yaşadığından tez-tez dama çıxaraq orada məşq edir.
Filmdən səhnə. «Digər» ana, «Digər» ata və Koralina ilk görüş günü

Çəhrayı saray[redaktə | əsas redaktə]

Filmdə əsas mövqe tutan və süjetlərin əsas cərəyan etdiyi yer əlbəttə ki Çəhrayı Saraydır. Çəhrayı saray viktorian üslubunda inşa etdirilmiş böyük malikanədir və Eşland yaxınlıqda (Oreqon ştatı), çox zaman dumanlı və çiskin yağışlı yerdə yerləşir[23]. Bu bina bir ailə üçün inşa etdirilmişdi, lakin sonralar 3 hissəyə bölünərək (binanın mansardı, beletaj və binanın 2-ci və 3-cü mərtəbələri) satılmışdı. Koralinanın atasının dediyinə görə, malikanənin 100-ə yaxın yaşı var. Vaybinin nənəsi Çəhrayı sarayın sahibidir. Lakin o yaxınlıqda yerləşən digər evdə məskən salıb, bu da evdə baş verən mənfi hadisələrlə əlaqədardı. Vaybi nənəsinin uşaqlı ailələrə evi kirayə vermədiyini və Cons ailəsində Koralina olduğunu bilən nənə necə bu evi onlara kirayə verməyə razı olduğunu da anlamadığını deyir.

İnternet səhifəsi[redaktə | əsas redaktə]

Koralina kabuslar ölkəsində animasiya filminin veb-saytı özündə tədqiqedici interaktiv oyunu birləşdirir. Oyunçu bu sayta Koralinanın dünyası ilə yaxından tanış ola bilir. Sayt 2009-cu ildə «Ən yaxşı Qrafik simvolların istifadəsi» kateqoriyası üzrə «Şəbəkə Mükafatı» almışdı[24].

Video oyun[redaktə | əsas redaktə]

16 iyun 2008-ci ildə «D3Publisher America» şirkəti Koralina animasiya filminə əsaslanan yeni video oyunun yaradılmasına start verildiyini açıqlayır. «Wii»«PlayStation 2» üçün oyunun yaradılması və təkmilləşdirilməsi «Papaya Studio» studiyasına, «Nintendo DS» üçün isə «Art Co.» studiyasında gerçəklənmişdi. Video oyunlar 27 yanvar 2009-cu ildə cizgi filmin ekranlara çıxmasından bir müddət sonra satışa buraxılmışdı[25].

Ev üçün buraxılış[redaktə | əsas redaktə]

Film ABŞ-da həm DVD-də, həm də Blu-ray-də iyulun 21-də Universal Studios Home Entertainment şirkəti tərəfindən satışa çıxarılmışdır. Filmin 3D versiyası 4 dənə yaşıl anaqlif görüntüyə həssas 3D eynəkləri komplektində satılırdı. Coraline Böyük Britaniyada DVD və Blu-ray versiyada 12 oktyabr 2009-cu ildə buraxılmışdı.

İlk uik-enddə film 1,036,845 dənə satılmış, ümumi gəliri 45 milyon $ [26] təşkil etmişdi. Film prokatlarda satış miqdarına görə №1 film elan edilmişdi.

Davamı[redaktə | əsas redaktə]

Filmin rejissoru Henri Selikin MTV kanalına verdiyi intervyuda o «Koralinanın davamı üçün hər zaman variant olduğunu və Nil Geymanın əsərlərindən yenə nəsə çəkmək arzusunda olduğunu» açıqlamışdı.

İstinadlar[redaktə | əsas redaktə]

  1. "Coraline rated PG by the BBFC". BBFC. January 29, 2009. http://www.bbfc.co.uk/website/Classified.nsf/c2fb077ba3f9b33980256b4f002da32c/7af591781e6867a4802575460031e934?OpenDocument. İstifadə tarixi: 2009-04-05. "Run Time 100m 19s"
  2. "Coraline". Box Office Mojo. http://www.boxofficemojo.com/movies/?page=main&id=coraline.htm. İstifadə tarixi: 2009-08-11.
  3. "Neil Gaiman’s Journal: Playing a small imaginary me". Arxivləşdirilib: [1] saytından 2012-03-27 tarixində. http://www.webcitation.org/66TUdmRFK. İstifadə tarixi: 06.10.10.
  4. 4,0 4,1 "CGSociety feature — Coraline". Arxivləşdirilib: [2] saytından 2012-03-27 tarixində. http://www.webcitation.org/66TUbWDFb. İstifadə tarixi: 06.10.10.
  5. "В США названы лучшие фильмы года". AmericaRU. http://www.americaru.com/news/42912. İstifadə tarixi: 06.10.10.
  6. "Coraline". Box Office Mojo. Arxivləşdirilib: [3] saytından 2012-03-27 tarixində. http://www.webcitation.org/66TUawty6. İstifadə tarixi: 06-10-10.
  7. 7,0 7,1 7,2 7,3 Mesh, Aaron (February 4, 2009). "Suspended Animation". Willamette Week. http://wweek.com/editorial/3513/12165/. İstifadə tarixi: 2009-02-10.
  8. "MEMBRANA". 20.02.2009. Arxivləşdirilib: [4] saytından 2012-03-27 tarixində. http://www.webcitation.org/66TUegr7d. İstifadə tarixi: 06.10.10.
  9. "Backstage view (19th of 21 backlot production photos)". David Strick's Hollywood Backlot (en:Los Angeles Times). August 7, 2008. http://photos.latimes.com/backlot/gallery/coraline/2008/9/15/Coraline_facility. İstifadə tarixi: 2009-02-15. "Backstage view of the facility in which Coraline's stop-motion animation is filmed in Portland, Oregon. The Coraline stage is divided into approximately 50 units separated by black curtains. Each unit contains a different set that is in the process of being dressed, lit, rigged or shot."
  10. Object Technologies (2009-02-05). Objet Geometries’ 3D Printers Play Starring Role in New Animated Film Coraline. Press-reliz. Yoxlanılıb 2009-07-23.
  11. "КОРАЛИНА В СТРАНЕ КОШМАРОВ - ЛЯПЫ В МУЛЬТФИЛЬМЕ". http://www.liveinternet.ru/community/1019203/post150118912/. İstifadə tarixi: 2011-02-3.
  12. 12,0 12,1 "Coraline - 13 mistakes". http://www.moviemistakes.com/film7822. İstifadə tarixi: 2011-02-3.
  13. Федеральный конституционный закон «О государственном гербе Российской Федерации» от 25 декабря 2000 года
  14. "Capone Talks with CORALINE Director and Wizard Master Henry Selick!!!". 2009. http://www.aintitcool.com/node/39977. İstifadə tarixi: 2010-02-09.
  15. "Coraline (2009): Reviews". Metacritic. February 5, 2009. http://www.metacritic.com/movie/coraline. İstifadə tarixi: 2009-02-10.
  16. Edelstein, David (February 1, 2009). "What You See Is What You Get". New York Magazine. http://nymag.com/movies/reviews/53785/. İstifadə tarixi: 2009-02-16.
  17. "Exclusive: Henry Selick on Making Coraline". Arxivləşdirilib: [5] saytından 2012-03-27 tarixində. http://www.webcitation.org/66TUgXmcC. İstifadə tarixi: 03.04.2011.
  18. 18,0 18,1 Julliettochka (2005-08-19). "КОРАЛИНА В СТРАНЕ КОШМАРОВ. ЗНАЕТЕ ЛИ ВЫ, ЧТО...". Live Internet. http://www.liveinternet.ru/community/1019203/post167268397/. İstifadə tarixi: 2011-05-21.
  19. Scott Weinberg (2005-08-19). "Pixar's Joe Ranft Falls to a Tragic Death". Rotten Tomatoes. http://uk.rottentomatoes.com/m/who_framed_roger_rabbit/news/1645631/pixars_joe_ranft_falls_to_a_tragic_death. İstifadə tarixi: 2008-06-26.
  20. Sheigh Crabtree (2005-08-18). "Pixar Animation's Joe Ranft, 45". The Hollywood Reporter. Arxivləşdirilib: [6] saytından 2007-07-02 tarixində. http://web.archive.org/web/20070702163520/http://www.hollywoodreporter.com/hr/search/article_display.jsp?vnu_content_id=1001017139.
  21. Coraline official web (2009-08-19). "it comes doün to Rigging". Coraline. http://coraline.com/#/?page=well&subPage=0. İstifadə tarixi: 2009.
  22. Vortexer (2012-06-1). "Some Things You Probably Didn't Know". digi titles. http://www.digititles.com/animation/coraline-2009/gossip. İstifadə tarixi: 2012-06-1.
  23. "Pink Palace Apartments - Coraline Wiki". Pink Palace Apartments. wikia,. http://coraline.wikia.com/wiki/Pink_Palace_Apartments. İstifadə tarixi: 18 August 2011.
  24. "Webby Awards". http://www.webbyawards.com/webbys/current.php?season=13. İstifadə tarixi: 2009-06-13.
  25. Remo, Chris (June 16, 2008). "D3 Announces Coraline And Shaun The Sheep Adaptations". en:Gamasutra. http://www.gamasutra.com/php-bin/news_index.php?story=18932. İstifadə tarixi: 2008-06-16.
  26. "Movie Coraline - DVD Sales". The Numbers. Nash Information Services,. http://www.the-numbers.com/movies/2009/CORLN-DVD.php. İstifadə tarixi: 18 August 2011.

Xarici keçidlər[redaktə | əsas redaktə]