Kseniya Sobçak

Vikipediya, azad ensiklopediya
Naviqasiyaya keçin Axtarışa keçin
Kseniya Sobçak
rus. Ксения Собчак
Doğum tarixi (42 yaş)
Doğum yeri Leninqrad, RSFSR, SSRİ SSRİ
Vətəndaşlığı
Partnyorları
Fəaliyyəti aktrisa, siyasətçi, sosial fiqur[d], model[d], televiziya aparıcısı, radioaparıcı[d], jurnalist, ictimai xadim, yazıçı
Təhsili
Boyu 173 sm
Çəkisi 53 kq
Mükafatları YouTube Qızıl play düyməsi YouTube Gümüş play düyməsi
IMDb ID2446117
İmzanın şəkli
ksenia-sobchak.com
Vikianbarın loqosu Vikianbarda əlaqəli mediafayllar

Kseniya Anatolyevna Sobçak (rus. Ксения Анатольевна Собчак), d. 5 noyabr 1981) — Rusiyalı teleaparıcı, jurnalist, siyasətçi.

Həyatı[redaktə | mənbəni redaktə et]

Teleaparıcı və aktrisa Kseniya Sobçak 5 noyabr 1981-ci ildə anadan olub. Sankt-Peterburq meri Anatoli Sobçakın və Federasiya Şurasının keçmiş üzvü Lüdmila Narusovanın qızıdır. Atası vəkil olan Anatoli Aleksandroviç Sobçak 1991-ci ildən 1996-cı ilə qədər Sankt-Peterburqun meri olub. 1998-ci ildə Sankt-Peterburq Universitetinin Beynəlxalq münasibətlər fakültəsinə qəbul olan Sobçak daha sonra Moskva Dövlət Universitetinə köçürmə alıb. "Forbes" jurnalının araşdırmasına görə, onun təkcə 2008-2009-cu illər ərzində gəliri 1.2 milyon dollar olub. Gənc xanımın şəxsi həyatı da hər zaman qalmaqallı olub.

Doğrudur, heç zaman rəsmi nikahda olmayıb. Amma həyatında daim yaraşıqlı, xüsusən də maddi imkanlı insanlar olub. Son olaraq 2012-ci ilin iyununda onun biznesmen İlya Yaşinlə yaxın münasibətlərinin yaranması barədə xəbər yayıldı. Elə həmin vaxt bunu təkzib edən Sobçak öz bloqunda heç vaxt ailə qurmayacağını bildirib:

“Ailə həyatı mənlik deyil, balaca uşaqları isə heç sevmirəm. Əgər sənin normal həyatın varsa, təhsil, pul və bütün imkanları da əldə edirsən. O halda sən öz həyatını uşaq əskilərinə, borşa və ev qayğılarına sərf etməməlisən”.

Rusiyanın Paris Hiltonu adlandırılan Sobçakın karyerası da uğursuz sayılmaz. Son olaraq SNS jurnalının redaktoru olaraq işləyib. 2004-2012-ci illərdə “Ev 2" telelayihəsinin aparıcısı olub.

Ali məktəbi bitirəndən sonra Kseniyaya diplomatlıq təklif edilsə də, o, bundan imtina edib. Deyib ki, hansısa ölkədə diplomat, ya da xarici işlər nazirliyində məmur olmaq onun üçün maraqlı deyil. Bundan başqa, o, bir neçə filmdə çəkilib, kitab çıxarıb. 2006-cı ilin mayında isə “Hamı azadlıqdadır” adlı gənclər təşkilatı yaradılıb.

Kseniyanın insani keyfiyyətləri ilə bağlı birmənalı fikir yoxdur. Bir çoxları onun haqqında eqoist, başqaları isə zəhmətkeş deyir. Özü isə deyir ki, sutkada 16 saat işləyir. “İzvestiya” qəzetinə müsahibəsində deyib ki, ona da Hitler qədər nifrət edirlər: “Əgər insan ambisiyalı, ağıllı və uğurludursa, kiminsə ondan nifrət etməsi qaçılmazdır”.

Xarici keçidlər[redaktə | mənbəni redaktə et]

  1. 1,0 1,1 Haaretz: Ксения Собчак получила израильское гражданство (rus.). Росбалт, 2022.