LazerJet
![](http://upload.wikimedia.org/wikipedia/commons/thumb/6/61/LaserJetPlus_Montage.jpg/300px-LaserJetPlus_Montage.jpg)
LazerJet (en. LaserJet) — HP (Hewlett-Packard) şirkətinin buraxdığı lazer printerlərinin seriyasıdır. Bu seriyadan olan ilk printer 1984-cü ildə təqdim olunub. Həmin model 300 dpi çözümlülüyü təmin edirdi, dəqiqədə 8 səhifə çap edirdi, qiyməti isə 3495 dollar idi. LaserJet seriyasından olan ilk rəngli lazer printeri 1994-cü ildə meydana çıxdı. 1998-ci ildə isə 4 funksiyanı (printer-üzçıxaran-skaner-faks) özündə cəmləşdirən НР LaserJet 3100 printeri kütləvi bazara buraxıldı. İstifadəçilərin rahatlığı üçün modellərin adlarında qurğunun funksiyalarını əks etdirən hərflərdən istifadə olunur:
• D – avtomatik ikiüzlü (dupleks) çap
• T – kağız üçün əlavə tabaq
• W – simsiz şəbəkə kartı
• N – 10/100Base-TX şəbəkə portu
• P – fərdi istifadə/kiçik işçi qruplar üçün printerlər
• M – Mac ilə uyumlu (PostScript modulunun olması)
• X – ikiüzlü çap və əlavə tabağı olan şəbəkə printeri (sonradan DTN ilə əvəz olunub).
![](http://upload.wikimedia.org/wikipedia/commons/thumb/9/91/Working_of_Laserprinter.jpg/220px-Working_of_Laserprinter.jpg)
Ədəbiyyat
[redaktə | mənbəni redaktə et]- İsmayıl Calallı (Sadıqov), “İnformatika terminlərinin izahlı lüğəti”, 2017, “Bakı” nəşriyyatı, 996 s.