Levçay civə yatağı

Vikipediya, azad ensiklopediya
Jump to navigation Jump to search

Levçay civə yatağıTərtərçayın böyük sol qolu olan Levçayın yuxarı hövzəsində yerləşən yataq.

Yataq məkanca Göygöl-Levçay zonasının şimal qərbində geniş bir sahəni əhatə edir.[1]

Levçay yatağı üst senon yaşlı əhəngdaşlarından təşkil olunub. Filizə nəzarət edən qırılma Ağdaş antiklinanlının tağı boyu keçir. Antiklinal qırışıq hər yerdə civə minerallaşması daşıyır. Yataqda civə ilə yanaşı sürmə və mərgümüş filizləşməsidə geniş yayılmışdır. Əsas filiz mineralı kinovardır. Bu mineral səpinti möhtəvi şəklində filiz kütləsinin əsas hissəsini təşkil edir. İkinci dərəcəli minerallara antimonit və realqar aiddir. Filizlərdə mərgümüşün miqdarı 0,02%, nadir hallarda isə 0,1-0,2% təşkil edir. Əsasən narın səpinti halında pirit qeyd olunur. Damar minerallarından kvars, kalsit, bituma rast gəlinir. Yataq ərzisində Yeni Lev, Qərbi lev, Yelizgöl, Qaraqaya və s. filiz təzahürləri aşkar edilmişdir.

İstinadlar[redaktə | mənbəni redaktə et]

  1. Elnur İbiş oğlu Səfərov. Kiçik Qafqazın faydalı-qazınti yataqları. Bakı: 2012.