LinkedIn

Vikipediya, açıq ensiklopediya
(Linkedin səhifəsindən istiqamətləndirilmişdir)
Keçid et: naviqasiya, axtar
LinkedIn
LinkedIn Logo.svg
URL: linkedin.com
Saytın tipi: Sosial şəbəkə
Qeydiyyat: Məcbur
Dil(lər)i: Çoxdilli
Serverin yeri: Flag of the United States.svg ABŞ Omaha
Sahibi: LinkedIn Koorporasiyası
Fəaliyyətə başlayıb: 2003
Hazırkı statusu: Fəaliyyətdədir
Xalis gəlir: $1.52 milyon (2013)

LinkedIn — işgüzar əlaqələrin qurulması üçün sosial şəbəkə

Linkedin korparasiyası professional peşələrin insanları üçün sosial şəbəkə saytıdır. 2002-ci ilin dekabrında qurulub və 2003-cü ilin martın 3-də fəaliyyətə başlayıb. Əsasən professional şəbəkə kimi istifadə edilir. 2013-cü ilin yanvarı üçün LinkedIn dünyanın 200-dən artıq ölkə və bölgələrindən 200 milyondan çox istifadəçinin qeydiyyatdan keçdiyini bəyan edir.

Tarixi[redaktə | əsas redaktə]

"LinkedIn" sosial şəbəkəsinin əsasını 2002-ci ilin dekabrında Rid Hofman qoyub, 2003-cü ilin mayında istifadəyə verib.

"LinkedIn" qeydiyyatdan keçən istifadəçilərə işgüzar əlaqələrin siyahısını yaratmağa və dəstəkləməyə imkan verir. "LinkedIn" istifadəçiləri müxtəlif hədəflər üçün əlaqələr siyahısından istifadə edə bilərlər: mövcud əlaqələr vasitəsilə təqdim edilmiş olmaq və əlaqələri genişləndirmək, şirkətlər, insanlar, maraqlar üzrə qrupların axtarışını həyata keçirmək, peşəkar xülasə dərc etmək və iş axtarışını həyata keçirmək, məsləhət görmək və məsləhət görülmüş olmaq, vakansiyaları dərc etmək, maraqlar üzrə qrupları yaratmaq. LinkedIn həmçinin işgüzar səfərlər, konfranslar və oxunmuş kitablar haqqında informasiyanı dərc etməyə imkan verir.

Sayt dünyanın 20-dən artıq dilində (ingilis, fransız, rus, alman, italyan, portuqal, ispan, rumın, türk və s.) əlçatandır. Şirkətin qərargahı Kaliforniyanın Mauntin-Vyu şəhərində yerləşir. LinkedIn həmçinin Çikaqo, Nyu-York və Londonda ofislərə malikdir. Bundan əlavə, sosial şəbəkə ABŞ-dan kənarda Yaponiya, Hindistan və Braziliyada 3 ofis açıb.

Şirkətin fəaliyyətinin maliyyələşdirilməsi Greylock, Sequoia Capital, Bain Capital, Bessemer kimi investisiya fondları tərəfindən həyata keçirilir.

300 milyonun “LinkedIn”i[redaktə | əsas redaktə]

Artıq “LinkedIn” sosial şəbəkəsində qeydiyyatdan keçən istifadəçilərin sayı 300 milyon nəfər təşkil edir. Ümumilikdə son on beş ayda saytda 100 milyon və ya ayda təxminən 6,7 milyon nəfər qeydiyyatdan keçib.

“LinkedIn” auditoriyasının əksər hissəsini beynəlxalq istifadəçilər təşkil edir. Saytın istifadəçi bazasının yalnız üçdə bir hissəsi (100 milyon) ABŞ-ın payına düşür ki, onlar da iş axtaranlar, insan resursları mütəxəssisləri və müxtəlif sahələrin digər peşəkarlarından ibarətdir.

Hər gün smartfon və planşetlərdən 15 milyon profil və 1,45 milyon vakansiyaya baxılır, 200-dən çox ölkədə 44 min iş elanı dərc edilir. “LinkedIn”ıninfoqrafikasına əsasən, sayt istifadəçilərinin təxminən 56 faizi kişilər, 44 faizi qadınlardır. Saytda aktivliyinə görə ABŞ-dan sonra ikinci yeri Hindistan tutur. Üçüncü yerdə Braziliya, dördüncüdə Böyük Britaniya, beşincidə Kanada qərarlaşıb. “LinkedIn” sosial şəbəkəsi istifadəçi hesablarının təhlükəsizliyinin təmini üçün əlavə xidmətlər reallaşdırmağa çalışan internet şirkətlərinin cərgəsinə qoşulub.

Artıq sözügedən sosial şəbəkənin istifadəçiləri ikipilləli identifikasiya sistemindən istifadə edə bilirlər. İstifadəçi yeni identifikasiya sistemindən istifadə edib-etməyəcəyini özü təyin edir. İkipilləli identifikasiya texnologiyasının aktivləşdirilməsi zamanı əvvəlcədən göstərilmiş mobil telefon nömrəsinə rəqəmli kodu göndərilir və o, parola əlavə olaraq daxil edilir.

Bu cür yanaşma istifadəçi hesablarının təhlükəsizlik sistemini xeyli dərəcədə gücləndirməlidir.

Mənbə[redaktə | əsas redaktə]