Liviya Hava yolları reys 1103

Vikipediya, azad ensiklopediya
Jump to navigation Jump to search
Liviya Hava yolları reys 1103
Libyan Arab Airlines Boeing 727-200 Fitzgerald-1.jpg

Liviya Hava yollarına məxsus Boeing 727 tipli təyyarə.

Xülasə
Tarix: 1992, 22 dekabr
Qəza növü  MiQ-23 qırıcısı ilə havada toqquşma
Bölgə Tripoli, Liviya
Uçuş Benqazi
Eniş Tripoli
Sərnişinlərin sayı 147
Komanda 10
Ölənlərin sayı 157
Təyyarə
Təyyarə modeli Boeing 727-200
Havayolu firması Liviya Hava Yolları
Uçuş nömrəsi 1103

Liviya Hava yolları reys 1103 (ing. Libyan Arab Airlines Flight 1103) - Liviya Hava yollarına məxsus Boeing 727-200 modelli təyyarə ilə gercəkləşdirilən Benqazi-Tripoli daxili xətt reysinin həyata keçirilməsi zamanı baş vermiş təyyarə qəzası. Qəzanın səbəbi kimi təyyarənin havada olduğu zaman Liviya Hava Qüvvələrinə məxsus MiQ-23 döyüş təyyarəsi ilə toqquşması göstərilir. MiQ-23-də olan iki pilot xilas olmağı bacarmışdır.

Arxa plan[redaktə | əsas redaktə]

Liviya Hava yollarına məxsus Boeing 727-200 modelli təyyarə ilə ölkənin ən böyük iki şəhəri arasında müntəzəm uçuşlar gercəkləşdirilməkdə idi. 1992-ci ilin 22 dekabr tarixində baş tutan Benqazi-Tripoli səfəri də bu uçuşlardan biri idi. Benqazi şəhərinin mərkəzi hava limanından havalanan təyyarə, uçuşun böyük bir qismini arxada qoyaraq Tripoli mərkəzi hava limanına doğru enişə keçməyə hazırlaşarkən 3.500 fit (1.067 m) hündürlükdə Liviya Hava Qüvvələrinə məxsus MiQ-23 qırısıcısı ilə toqquşmuşdur.

Qəza nətcisədinə MiQ-23-də olan iki pilot xilas olmağı bacarmış, Boeing 727-200 təyyarəsində olan 147 sərnişin və 10 heyət üzvünün hamısı həlak olmuşdur. Liviya Hava yolları reys 1103 ölkə daxilində baş vermiş ən faciəvi təyyarə qəzası hesab olunur. Dövlət rəsmilərinin verdiyi açıqlamalarda qəzanın günahkarı kimi MiQ-23-ün pilotları göstərilmiş və hər iki pilot həbs edilmişdir.

20 il sonra[redaktə | əsas redaktə]

Qəzadan 20 il sonra hadisə barədə bəzi yeni detallar ortaya çıxmağa başladı. Qəzanın təsadüfi olmadığı, keçmiş ölkə başçısı Muəmmər Qəddafinin nəzarəti altında gercəkləşdirildiyi fikiri ortaya atıldı. Təyyarə ilə toqquşduğu bildirilən MiQ-23 qırıcısının pilotu Abdel Məcid Təyyari hadisə günü Boeing 727-200 ilə aralarındakı məsafəni qoruduğunu və təyyarənin gözləri qarşısında partladıldığını bildirimişdir.

Muəmmər Qəddafi dövrünün diplomatlarından olan Əli Aujali Lokkerbi faciəsidən sonra ölkə üzərində yaranmış beynəlxalq təziqin azaldılması üçün sözügedən təyyarənin qəsdən partladıldığı bildirmişdir. London-Nyu-York reysi üzrə hərəkət edən təyyarənin partladılmasından sonra Muəmmər Qəddafiyə yaxınlığını ilə bilinən şəxslər əsas şübhəli kimi təqdim olunmuşdu.[1]

İstinadlar[redaktə | əsas redaktə]

  1. Olgiati, Christopher (2 February 2014). "Libya: Muammar Gaddafi's secrets finally revealed". BBC News. İstifadə tarixi: 2 February 2014.