Loki (teleserial)

Loki
ing. Loki
Loki serialının posteri
Janr	superqəhrəman filmləri, elmi fantastika filmi, cinayət filmi, fentezi
Əsaslanır	Marvel Comics
Rejissor	Keyt Herron
Prodüser	Kevin Feaige
Yaradıcısı	Maykl Uoldron
Rollarda	Tom Hiddlston Ququ Mbata-Rou Ouen Vilson Sofiya Di Martino Cek Vil
Bəstəkar	Natali Holt
İstehsalçı ölkə	ABŞ
İl	2021
Studiya	Marvel Studios
Dil	İngiliscə
İlk çıxış tarixi	9 iyun 2021
Rəng	rəngli
Mövsüm sayı	1
Seriya sayı	6
Seriya vaxtı	42-54 dəqiqə
Davametmə müddəti	48 ± 6 dəq.
IMDb	ID9140554
Rəsmi saytı
Vikianbarda əlaqəli mediafayllar

"Loki" (ing. Loki) – Maykl Uoldronun Disney+ striminq xidməti üçün yaratdığı və Marvel Comics-in eyniadlı personajına əsaslanan Amerika serialıdır.. O , "Marvel Kinematoqrafiya Kainatı" (MKK) media franşizasında qurulub və birbaşa franşizadakı filmlərlə əlaqəlidir. Serialın hadisələri Loki-nin alternativ versiyasının yeni bir zaman xətti yaratdığı "Qisasçılar: Final" (2019) filmində başlayır. Loki Marvel Studios tərəfindən istehsal edilmişdir. Serialın baş ssenaristi Maykl Uoldron, birinci mövsümün rejissoru isə Keyt Herron olub.

Tom Hiddlston film seriyasındakı Loki rolunu yenidən canlandırır. Həmçinin əsas rollardan birini Ouen Vilson ifa edir. 2018-ci ilin sentyabr ayına qədər Marvel Studios Disney+ üçün Loki seriyası da daxil olmaqla MKK filmlərinin ikincidərəcəli personajlarına diqqət yetirən bir neçə mini-serial hazırlayırdı. Bu mini-serial 2019-cu ilin noyabrında, həmçinin Hiddlstonun iştirakı ilə təsdiqləndi. 2019-cu ilin fevral ayında Uoldron işə götürüldü və Herron həmin ilin avqustunda qoşulub. Çəkilişlər 2020-ci ilin yanvarında Atlanta, Corciya şəhərində başladı, lakin COVID-19 pandemiyası səbəbindən 2020-ci ilin martında dayandırıldı. İstehsal 2020-ci ilin sentyabrında bərpa olunub və dekabrda başa çatdırılıb.

"Loki" nin premyerası 9 iyun 2021-ci ildə keçirilib və ilk mövsüm altı epizoddan ibarətdir. Bu, MKK-nin dördüncü mərhələsinin bir hissəsidir. Birinci mövsüm aktyor oyununu və vizual həlləri tərifləyən tənqidçilər tərəfindən yüksək qiymətləndirilmişdir. İkinci mövsüm inkişaf mərhələsindədir.

Məzmun

"Qisasçılar: Final" (2019) filmində Tesseract oğurlandıqdan dərhal sonra Loki-nin alternativ versiyası məkan və zamandan kənarda mövcud olan bürokratik təşkilat olan "Vaxt Dəyişkənlik İdarəsi" nə (VDİ) daxil olur. Hiylə tanrısı zamana qarşı törətdiyi cinayətlərə görə cavab verməli olacaq və o, seçim qarşısındadır: reallıqdan silinmək və ya onun alternativ variantı ilə mübarizədə MKK-yə kömək etmək.