London pivə seli

Vikipediya, azad ensiklopediya
Jump to navigation Jump to search
London pivə seli
The manor house of Toten Hall - 1813.gif
Tarix 17 oktyabr 1814[1]
Yeri Sent-Eqidi, London, Böyük Britaniya
Koordinatlar 51°31′00″ şm. e. 00°07′49″ q. u.
Səbəbi pivə sisterninin partlaması
Nəticəsi Dağıntılar
Ölənlərin sayı 8[1]
Zədəlilər naməlum

London pivə seli (ing. London Beer Flood) — 17 oktyabr 1814-cü ildə[2] İngiltərənin London şəhərinin Sent-Eqidi prixodunda baş vermiş tragikomik faciə. Totenhem-Kort-Roadda[1][3] yerləşən "Meux and Company"[1] pivə zavodunda bir pivə sisternin partlaması nəticəsində 610 m³ pivə ətrafa yayılmış və digər pivə sisternlərinə də domino effekti ilə təsir göstərərək, partlamasına səbəb olmuşdu. Nəticədə isə 1470 m³-dan çox pivə küçələrə dağılmış və ağlasığmaz dağıntılar meydana gətirmişdi. Pivə dalğası iki evi dağıtmışdır. "Tavistock Arms" barının divarını çökməsi nəticəsində Elanor Kuper adlı gənc işçi dağıntılar altında qalmışdır.[4][5]

Bir neçə dəqiqə ərzində Corc Strit və Nyu-Striti alkaqol basmış, nəticədə bu zaman çay içən ana və qızı ölmüşdürlər.

Tarixi[redaktə | mənbəni redaktə et]

Pivə zavodu Sent-Eqidinin kasıblar yaşayan məhəlləsinin mənzillərinin arasında yerləşirdi. Burada ailələrin hamısı zirzəmi evlərdə yaşayırdılar. Faciə nəticəsində azı səkkiz kişi boğulmuş və ya aldığı yaralardan ölmüşdür.

Pivə zavodu əvvəlcə məhkəməyə verilsə də, sonda hadisənin məsuliyyəti heç kimin üzərinə qoyulmamışdır.[6] Bütün çətinliklərə baxmayaraq, pivə zavodu fəaliyyətinə davam etmişdir.[7]

Pivə zavodu 1922-ci ildə bağlanmış və hazırda onun yerində Dominion teatrı yerləşir. 2012-ci ildə "Holborn Whippet" adlı yerli meyxana bu hadisəni qeyd etməyə başlamışdır.

Pivədə boğulanların siyahısı[redaktə | mənbəni redaktə et]

Ad[8] Yaş
Enn Sevill 60
Elanor Kuper 14
Anna Bamfild 4
Katerina Batler 65
Elizabet Smit 27
Meri Malvi 30
Tomas Mörri 3
Sara Beyts 3

İstinadlar[redaktə | mənbəni redaktə et]

  1. 1 2 3 4 Greenberg, Michael I. Disaster!: A Compendium of Terrorist, Natural, and Man-made Catastrophes. Jones & Bartlett Publishers. 156. ISBN 0-7637-3989-8.
  2. The Oxford Companion to Beer. səh. 48.
  3. Rennison, Nicholas. The Book of Lists: London. Canongate Books Ltd. 2 November 2006. ISBN 978-1-84195-676-3.
  4. London Beer Flood at Expages.com (archived version)
  5. The London Beer Flood of 1814
  6. Rennison, Nick. Book of Lists London. Canongate Books. 2010. səh. 149. ISBN 978-1-84767-666-5. İstifadə tarixi: 6 iyun 2016.
  7. Industries: Brewing (British History Online) accessed 6 iyun 2016
  8. [1] The Times (London), 19 October 1814

Həmçinin bax[redaktə | mənbəni redaktə et]

Xarici keçidlər[redaktə | mənbəni redaktə et]