Məcid ağa Şəkibəyov

Vikipediya, azad ensiklopediya
Jump to navigation Jump to search
Məcid ağa Şəkibəyov
Yaqublu Məcidağa Məhəmməd ağa oğlu
Məcid ağa Şəkibəyov.jpg
Doğum tarixi 1880(1880-Şablondakı doğum və ya ölüm tarixində texniki yanlışlıq var!-00)
Doğum yeri Şah talası, Gədəbəy
Rusiya İmperiyası Rusiya İmperiyası
Vəfat tarixi 1930(1930-03-00)
Vəfat yeri Çətindərə yaylağı, Gədəbəy rayonu
Azərbaycan Azərbaycan SSR
Milliyyəti Azərbaycanlı

Məcid ağa Şəkibəyov — Azərbaycan el qəhrəmanı.

Həyatı[redaktə | əsas redaktə]

Məcid ağa Şəkibəyov XIX əsrin sonlarında (1880) indiki Gədəbəy rayonunda anadan olmuşdur. Tiflisdə Qori Seminariyasında təhsil almışdır. Ömrünün sonlarınacan Gədəbəy rayonunun Novoivanovka kəndində çar naçalniki vəzifəsində işləmişdir. Öz ana dilindən başqa rus, gürcü və erməni dillərini mükəmməl öyrənmişdir[1].

Fəaliyyəti və ölümü[redaktə | əsas redaktə]

1918-ci ildə azğın erməni daşnaklarına qarşı amansız mübarizə aparan silahlı dəstənin öncüllərindən olmuş, Göyçə mahalının "Pənbək" adlanan ərazisində, "Burcalı" dağının ətəklərində və Tovuz Rayonunun məşhur "Xınna" dərəsində erməni paşası Andronikin qoşunlarının bir hissəsini - üç yüz nəfərlik silahlını məhv etmişdir. Şura hökumətinin Azərbaycanda bərqərar olmasından sonra, bütün varlı-hallı ağalar, bəylər kimi Məcid ağaya və mənsub olduğu Yaqublu nəslinin bütün insanlarına qarşı da ciddi təzyiqlərə başlanmışdır. Könüllü olaraq, hökumətə təslim olmaq istəməyən ağa, möhkəm silahlanmış öz kiçik dəstəsilə dağlara çəkilmiş, etibarlı yerdə gizlənərək, Şura hökumətinin silahlı qoşunuyla qeyri-bərabər olmayan savaşa başlamışdır. Bu mübarizədə də çoxlu sayda bolşevik əsgərlərini məhv etmişdir. 1929-cu ilin dekabrında başlayan bu amansız mübarizə, 1930-cu ilin mart ayının əvvəllərinəcən davam etmişdir. Sonda silah-sursatının tükəndiyini görən ağa ölümü təslimçilikdən uca tutaraq, tüfənginin qundağına "Məcidi Məcid vurdu" sözlərini yazıb, son iki gülləsini özünə vuraraq, intihar etmişdir.

Ailəsi[redaktə | əsas redaktə]

Məcid ağanın böyük oğlu Cəmşid ağa Bayıl türməsində güllələnmə ilə öldürülmüşdür. Ağanın kiçik oğlunun adı Ənvər olub. o, Azərbaycan Tibb Universitetində təhsil alıb[2].

İstinadlar[redaktə | əsas redaktə]

  1. Əziz Əlibəyli (02.10.2012 16:38). "Məcid ağa Şəkibəyov" (azərb.). ganca.org. İstifadə tarixi: 2014-07-07.
  2. Əziz Əlibəyli (22 Yanvar 2014 - 13:35). "Mircəfər Bağırov düşməni Məcid ağanın oğlunu necə qarşılayıb?" (azərb.). publika.az. İstifadə tarixi: 2014-07-07.

Xarici keçidlər[redaktə | əsas redaktə]