Məhəmməd Həsənov

Vikipediya, azad ensiklopediya
Jump to navigation Jump to search
MƏHƏMMƏD HƏSƏNOV
Məhəmməd Həsənov.jpg
Doğum tarixi 9 avqust 1959 (1959-08-09) (60 yaş).
Doğum yeri Goranboy rayonu, Azərbaycan Respublikası
Fəaliyyəti hərbi qulluqçu
Mükafatları Azərbaycanın Milli Qəhrəmanı

Məhəmməd HəsənovAzərbaycanın Milli Qəhrəmanı; Qarabağ müharibəsi zamanı xüsusi fəallıq göstərmişdir.[1]

Həyatı[redaktə | əsas redaktə]

9 avqust 1959-cu ildə Goranboy rayonunun Qarasüleymanlı kəndində doğulmuşdur. 1966-1976-cı illərdə buradakı 3 saylı məktəbdə təhsil almışdır. 1977-1979-cu illərdə hərbi xidmətdə olmuşdur. Sonra isə Kiyev şəhərinə gedir. 1980-ci ildə Kiyev Radioelektronika Texnikumuna daxil olur. 1984-cü ildə buradakı "Kommunist" zavoduna işə qəbul edilir. 1987-ci ildə Vətənə qayıdır və təhsil aldığı 3 saylı məktəbdə hərbidən dərs deyir.[2]

Döyüşlərdə iştirakı[redaktə | əsas redaktə]

Ermənilər torpaqlarımıza hücum edəndə o, könüllülərdən ibarət dəstəyə komandir təyin olunur. Məhəmmədin döyüş yolu Mənəşli, Erkəç, Qaraçinar, Talış kəndlərindən keçir. Ermənilər ağır itkilər verərək geri çəkildilər. Məhəmməd xeyli erməni quldurunu şəxsən özü məhv etdi. 1992-ci il könüllü batalyonlar ləğv edildikdən sonra "N" saylı hərbi hissədə xidmətini davam etdirir. 1993-cü ildə Baki Ali Komandirlər Məktəbini bitirir. O, polkovnik-leytenant rütbəsinəcən yüksəlmişdi. 2002-ci ildən Goranboy rayonunun Veyisli kənd orta məktəbində işləmiş və hal-hazırda təhsil aldığı 3 saylı tam orta məktəbdə direktor vəzifəsində çalışır.[2]

Ailəsi[redaktə | əsas redaktə]

Ailəlidir, dörd övladı var.[2]

Milli Qəhrəman[redaktə | əsas redaktə]

Azərbaycan Respublikası prezidentinin 23 iyun 1992-ci il tarixli 6 saylı fərmanı ilə Həsənov Məhəmməd Ələsgər oğlu "Azərbaycanın Milli Qəhrəmanı" adına layiq görülmüşdür.[3]

Həmçinin bax[redaktə | əsas redaktə]

İstinadlar[redaktə | əsas redaktə]

  1. "National Heroes". Azerbaijans.com. İstifadə tarixi: 7 December 2018.
  2. 1 2 3 "HƏSƏNOV Məhəmməd Ələsgər oğlu". avciya.az. İstifadə tarixi: 7 December 2018.
  3. "Azərbaycan Respublikası Silahlı Qüvvələrinin hərbi qulluqçularına "Azərbaycanın Milli Qəhrəmanı" adı verilməsi haqqında Azərbaycan Respublikası Prezidenti Əbülfəz Elçibəyin 23 iyun 1992-ci il tarixli 6 nömrəli fərmanı" (azərb.). www.e-qanun.az. 1992-06-23. İstifadə tarixi: 2018-12-31.

Mənbə[redaktə | əsas redaktə]