Məhsim Məhsimov

Vikipediya, azad ensiklopediya
Naviqasiyaya keçin Axtarışa keçin
Məhsim Məhsimov
Məhsim Sədulla oğlu Məhsimov
Doğum tarixi (47 yaş)
Doğum yeri Xaçmaz, Azərbaycan SSR
Atası Sədulla Məhsimov
Milliyyəti azərbaycanlı
Fəaliyyəti jurnalist
Mükafatları "Tərəqqi" medalı

Məhsim Məhsimov — televizya jurnalisti ARB Şimal televeviziyasının direktorudur.

Həyatı[redaktə | mənbəni redaktə et]

Məhsim Sədulla oğlu Məhsimov 1976-cı il iyul ayının 21-də Xaçmaz rayonunun Qırağlı kəndində anadan olub. 1993-cü ildə orta məktəbi bitirib. Azərbaycan Dövlət Mədəniyyət və İncəsənət Universitetinin məzunudur.1999-2000-ci illərdə Azərbaycan Milli Ordusunda xidmətdə olub.

Ailəlidir, 4 övladı var.

İctimai fəaliyyəti[redaktə | mənbəni redaktə et]

Televiziya fəaliyyətinə 1997-ci ildə Quba rayonunda fəaliyyət göstərən "Qütb" teleradiao şirkətində aparıcı-müxbir kimi başlayıb. 2001-ci ildən isə "Lider" televiziyasının xəbərlər xidmətində çalışıb.

2007-ci ildən Xaçmaz şəhərindən yayımlanmağa başlayan "ARB Şimal" (2016-cı ilin sentyabrın 19-na kimi RTV adlandırılıb) televeviziyasının direktorudur.

Bir sıra sənədli filmlərin müəllifi, bir neçə televiziya layihəsinin rəhbəridir. Müəllifi olduğu "İşıqlı zülmət" filmi H.Əliyev fondunun, BMT-nin Əhali fondunun, Ailə, Qadın və Uşaq Problemləri üzrə Dövlət Komitəsinin birgə təşkil etdiyi 36 yerli və 10 xarici filmin qatıldığı "Azərbaycan Ailəsi 2011" film festivalında ən yaxşı film nominasiyasında qalib olub.

"Regional Medianın İnkişafına Yardım” İctimai Birliyinin həmtəsisçisi və sədridir.

Mükafatları[redaktə | mənbəni redaktə et]

2015-ci ildə Azərbaycan milli mətbuatının yaranmasının 140-ci ildönümü münasibətilə kütləvi informasiya vasitələrinin inkişafındakı xidmətlərinə görə "Tərəqqi" medalı ilə təltif olunub.

Regionda televiziyanın inkişafına verdiyi dəstəyə görə "Həsən bəy Zərdabi" mükafatını alıb.