Məmməd Qasımov

Vikipediya, açıq ensiklopediya
Jump to navigation Jump to search
Məmməd Qasımov
Doğum tarixi 1904(1904-Şablondakı doğum və ya ölüm tarixində texniki yanlışlıq var!-00)
Vəfat tarixi 1966(1966)
Vətəndaşlıq Flag of the Soviet Union.svg SSRİFlag of Azerbaijan.svg Azərbaycan
Elm sahəsi Biologiya‎
İş yeri BDU Ali bitkilərin morfologiya və sistematikası ‎
Elmi dərəcəsi Biologiya elmləri doktoru
Elmi adı Professor
Təhsili ADPU-nun Təbiət şöbəsi‎
Mükafatları ‎«Qırmızı Əmək Bayrağı» ordeni, «Əmək fəaliyyətinə görə», «Qafqazın ‎müdafiəsinə görə», «Böyük Vətən müharibəsi illərində əmək fəaliyyətinə görə» ‎medalları

Məmməd Əhməd oğlu Qasımov - Biologiya elmləri doktoru, professor

Həyatı[redaktə | əsas redaktə]

Məmməd Qasımov 1904-cü il aprel ayının 14-də anadan olmuşdur. O, ‎‎1926-cı ildə Azərbaycan Dövlət Pedaqoji Universitetinin Təbiət şöbəsinə daxil ‎olmuşdur. 1930-cu ildə Universiteti bitirdikdən sonra, Azərbaycan Kənd ‎Təsərrüfatı İnstitutunun Botanika kafedrasında assistent, 1937-ci ildə isə ‎Zaqafqaziya Pambıqçılıq İnstitutunda dosent əvəzi kimi fəaliyyətə başlamışdır. ‎Məmməd Qasımov 1937-ci ildə Bakı Dövlət Universitetinin Ali bitkilərin ‎morfologiyası və sistematikası kafedrasına dosent əvəzi vəzifəsinə ‎götürülmüşdür. Məmməd Qasımov elə həmin il elmi xidmətlərinə və elmi ‎əsərlərinə görə müdafiə etmədən ona biologiya elmləri namizədi elmi dərəcəsi və ‎dosent elmi rütbəsi verilmişdir. Məmməd Qasımov 1947-ci ildən Ali bitkilərin ‎morfologiya və sistematikası kafedrasının müdiri olmuş və bu vəzifədə 1966-cı ‎ilədək çalışmışdır. O, 1955-ci ildə Leninqrada SSRİ EA-nın akad. ‎V.A.Komarov adına Botanika İnstitutuna doktoranturaya ezam olunmuş və ‎‎1959-cu ildə həmin institutda doktorluq dissertasiyası müdafiə etmişdir. ‎Məmməd Qasımovun apardığı tədqiqatlar nəticəsində elm üçün yeni olan və ‎İsitməotu (Erysimum L.) cinsinin Azərbaycan ərazisində yayılan növləri tədqiq ‎olunmuş, onların tərkibindən bioloji fəal maddələr alınmış və tibdə tətbiq ‎sahələri öyrənilmişdir. O, botanikaya aid bir sıra dərslik və dərs vəsaitlərinin ‎müəllifidir. Məmməd Qasımov «Qırmızı Əmək Bayrağı» ordeni, «Əmək ‎fəaliyyətinə görə», «Qafqazın müdafiəsinə görə», «Böyük Vətən müharibəsi ‎illərində əmək fəaliyyətinə görə» medalları ilə təltif olunmuşdur.‎[1]

İstinadlar[redaktə | əsas redaktə]

  1. Bakı Dövlət Universitetinin professorları. - Bakı, 2014