Məmməd Tağıyev

Məmməd Tağıyev
Məmməd Tağı oğlu Tağıyev
Doğum tarixi	28 aprel 1921
Vəfat tarixi	1994
Vətəndaşlığı	SSRİ→ Azərbaycan
Elm sahəsi	dilçi
Elmi dərəcəsi	filologiya elmləri doktoru (1966)
Elmi adı	professor
İş yeri	BDU Müasir rus dili kafedrası
Mükafatları	«Qırmızı əmək bayrağı», «Qırmızı ulduz» ordenləri və medallar, Əməkdar elm xadimi

Məmməd Tağı oğlu Tağıyev (28 aprel 1921 – 1994) — Azərbaycan filoloqu, filologiya elmləri doktoru, professor.

Həyatı

Məmməd Tağıyev 28 aprel 1921-ci ildə anadan olmuşdur. O, 1954-cü ildə Moskva şəhərində namizədlik, 1966-cı ildə doktorluq dissertasiyası müdafiə etmişdir. 1968-ci ildə professor elmi adı almışdır.

Məmməd Tağıyev 1963–1970-ci illərdə BDU-da Rus dilçiliyi kafedrasının müdiri, 1970–1972-ci illərdə Bakı Slavyan Universitetinin rektoru, 1972–1994-cü illərdə Müasir rus dili kafedrasının müdiri olmuşdur.

Məmməd Tağıyev "Qırmızı əmək bayrağı", "Qırmızı ulduz" ordenləri və medallarla təltif edilmişdir. O, Respublikada rusistikanın təməlini qoymuş və rus dilçiliyi sahəsində elmlər doktoru adım almış ilk azərbaycanlıdır.

Məmməd Tağıyev rus dilçiliyi problemlərinə dair ümumittifaq elmi konfranslarında, SSRİ Müəllimlərinin III Qurultayında (Moskva, 1978) məruzələr etmişdir. O, rusistikanın leksikologiya, leksikoqrafiya, frazeologiya, frazeoqrafiya, fonologiya, dil tarixi, sintaksis və linqvometodika kimi sahələrində 200-ə yaxın elmi əsərin, milli məktəblərdə rus dilinin tədrisi məsələlərinə dair tədqiqatların, Azərbaycan məktəbləri üçün rus dili dərsliklərinin müəllifidir. Məmməd Tağıyev elmi kadrların hazırlanmasında böyük xidməti olmuşdur. Məmməd Tağıyev 1981-ci ildə Əməkdar elm xadimi adına layiq görülmüşdür.