Mənim bir arzum var

Vikipediya, açıq ensiklopediya
Keçid et: naviqasiya, axtar

Mənim bir arzum var (ing. I have a dream) — amerikalı hüquq müdafiəçisi, 1964-cü il Nobel Sülh Mükafatı laureatı Martin Lüter Kinqin 1963-cü il 28 avqust tarixində Vaşinqtona yürüş zamanı Linkoln memorialının qarşısında 200-300 min nümayişçinin önündə etdiyi məşhur çıxışı. Bu çıxışında o, gələcəkdə ağların və qaradərililərin bərabər hüquqlara malik olduğu bir Amerika görmək istədiyini ifadə etmişdir.

Bu çıxış natiqlik sənətinin incilərindən hesab edilir. Öz üslubuna görə zənci baptist moizəsinə bənzəyir və İncilə, ABŞ İstiqlal Bəyannaməsinə, Qulların azad edilməsi haqda manifestə və ABŞ Konstitusiyasına allüziyalarla zəngindir.

Çıxış[redaktə | əsas redaktə]

"Bu gün sizə deyirəm ki, dostlarım, bu anın gətirdiyi çətinliklərə, maneyələrə baxmayaraq, mənim bir arzum var. Amerikan xəyalına dərindən kök salmış bir xəyaldır bu.

Mənim bir arzum var... Gün gələcək bu millət,ayağa qalxıb öz inancını əsl mənada yaşayacaq. Bunu bir həqiqət olaraq qəbul edirik ki, bütün insanlar bərabər yaradılmışdır.

Bir arzum var... Gün gələcək,keçmiş qulların övladları ilə keçmiş sahiblərin övladları Corciyada eyni qardaşlıq süfrəsində oturacaqlar.

Bir arzum var... Gün gələcək,Missisipi ştatı belə,ədalətsizliyin və təzyiqlərdən bezib çölləşmiş olan o ştat belə, azadlıq və ədalət vahəsinə çevriləcək.

Bir arzum var...Gün gələcək,Alabama ştatı, valisinin ağzından daim müdaxilə etmək və icazə verməmə sözləri tökülən o əyalət,balaca zənci öğlanlarla,balaca zənci qızların və balaca ağ oğlanlarla,balaca ağ qızların əl-ələ tutub qardaşca birlikdə yeridiyi bir yerə çevriləcək.

Bir arzum var mənim...

Bir arzum var... Gün gələcək,bütün dərələr yüksəlib bütün təpələr və dağlar alçalacaq,dərəli-təpəli yerlər düzləşdiriləcək, kələ-kötürlər düzləşəcək və Allahın şanı yer üzünə enəcək,bütün canlar bir yerdə görəcək onu.

Bizim ümidimizdir bu. Cənuba qayıdışımda içimdə daşıyacağım inancdır.

Bax, bu inanc sayəsində ümidsizlik dağını yonub, ümid abidəsi yaradacağıq. Xalqımızı əhatə edən ahəngsiz bağırtıları bu inanc sayəsində gözəl bir qardaşlıq simfoniyasına çevirəcəyik. Bu inanc sayəsində bir gün azad olacağımızı bilərək bir yerdə işləyəcək, bir yerdə dua edəcək, bir yerdə mübarizə aparacaq, bir yerdə həbs olunacaq, azadlıq üçün bir yerdə ayağa qalxacağıq.

Elə həmin gün uca Allahın bütün qulları təp təzə bir anlamla söyləyəcəklər bu ilahini:

Mənim ölkəm,sənin ölkən

Azadlığın gözəl yurdu.

Bax söyləyirəm sənə:

Əcdadlarımın öldüyü torpaq buradır,

Şəhidlərin qüruru torpaqdır.

Hər bir dağın yamacından,

Azadlıq sədalanacaq.

Və əgər böyük bir xalq olacaqsa Amerika, bunun gerçəkləşməyi şərtdir. Elə isə,New Hampshire'ın böyük təpələrindən azadlıq sədalansın. New York`un ulu dağlarından azadlıq sədalansın.

Hər bir dağın yamacından azadlıq sədalansın.

Azadlığın sədalanmasına nail olduqda, hər qəsəbədən və kəntdən, hər ştatdan və rayondan azadlığın sədalarını eşıtdikdə, o gün yaxındır və o gün Allahın bütün qulları: ağlar və zəncilər, yəhudilər, xristianlar, müsəlmanlar və buddistlər əl-ələ tutub zəncilərin köhnə bir ilahisini söyləyəcəklər:

Axır ki, azadıq,axır ki, azadıq.

Şükür sənə Allahım,

Axır ki, hamımız azadıq".

Xarici keçidlər[redaktə | əsas redaktə]