Mənsur Ələkbərov

Mənsur
Ələkbərov Mənsur Abbas oğlu
şəkil 2011-ci ildə çəkilib
Doğum tarixi	13 yanvar 1963
Doğum yeri	Göyçə mahalı, Basarkeçər rayonu, Subatan
Milliyyəti	azərbaycanlı
Atası	Abbas Ələkbərov
Təhsili	Bakı Dövlət Universiteti
Fəaliyyəti	jurnalist
Vikianbarda əlaqəli mediafayllar

Ələkbərov Mənsur Abbas oğlu (13 yanvar 1963, Subatan, Basarkeçər rayonu) — şair, jurnalist, Təbib qəzetinin məsul katibi.

Həyatı

Ələkbərov Mənsur Abbas oğlu 13 yanvar 1963-cü ildə Göyçə mahalının Basarkeçər rayonunun Subatan kəndində doğulub. İbtidai təhsilini doğma kəndində alıb. Sonra təhsilini qonşu Kərkibaş kəndində davam etdirərək 1981-ci ildə həmin məktəbi bitirib.

1988-ci ildə Azərbaycan Dövlət Universitetinin "Kitabşünaslıq və nəşr işi" fakültəsinə daxil olub və təhsilini davam etdirməklə bərabər M.F.Axundov adına dövlət kitabxanasında Elmi-metodiki şöbədə redaktor, baş redaktor vəzifələrində çalışıb.

1993-cü ildə həmin fakültəni Poliqrafiya ixtisası üzrə başa vurub. Onlarca elmi-metodiki tövsiyələrin müəllifi olub, bir sıra bibloqrafik göstəricilərə redaktorluq etmişdir. Onun həmçinin yerlərdə kitabxana işinin təşkili və xidmət işinin həyata keçirilməsində əməyi olmuşdur.

1997-ci ildən Azərbaycan Tibb Universitetinin mətbu orqanı olan "Təbib" qəzetində məsul katib işləyir.

Bu illər ərzində yüzlərlə ədəbi-publisistik məqalələri, bədii yazıları, şeirləri dövrü mətbuatda işıq üzü görüb, onlara kitaba redaktorluq etmişdir.

Kitabları

• "Bu dünya mən görəndimi" (şeirlər və poema), Bakı, "Nurlan", 2004. 176 səh., 500 nüsxə.
• "Eldar İsmayıl-biblioqrafiya" Bakı, "Nurlan", 2005. 176 səh., 500 nüsxə.