Məsud Pənahi

Vikipediya, azad ensiklopediya
Jump to navigation Jump to search
Məsud Pənahi
Məsud Pənahi.jpg
Doğum tarixi (79 yaş)
Milliyyəti azərbaycanlı
Fəaliyyəti rejissor animator ssenari müəllifi rəssam
Tanınma səbəbi Pıspısa xanım və Siçan bəy

Məsud Pənahi — Azərbaycan və Almaniya animasiya rejissoru, kino rəssamı, animatoru və ssenari müəllifi.

Həyatı[redaktə | mənbəni redaktə et]

Məsud Pənahi 10 yanvar 1943-cü ildə doğulub. 1966-cı ildə Əzim Əzimzadə adına Rəssamlıq Məktəbini, 1972-ci ildə isə Ümumittifaq Dövlət Kinematoqrafiya İnstitutunun (ÜDKİ) rəssamlıq fakültəsini və ÜDKİ-nin nəzdindəki animasiya üzrə quruluşçu-rejissor kurslarını bitirib.

1973-ci ildən 1979-cu ilə kimi Cəfər Cabbarlı adına "Azərbaycanfilm" kinostudiyasında animasiya filmlərinin rejissoru və rəssamı kimi çalışmışdır. Həmin illər ərzində bir neçə animasiya kursları təşkil etmiş, onlarla animasiya mütəxəssisi yetişdirmişdir.

Məsud Pənahi “Tıq-Tıq xanım” (“Pıs-pısa xanım və Siçan bəy”) animasiya filminin müəllifidir.

1979-cu ildən Almaniyada yaşayır. Berlin Mərkəzi Telestudiyasında və müxtəlif animasiya studiyaları nəzdində 60-dan çox animasiya filmlərinin çəkilişlərində iştirak edib.

M.Pənahinin son işlərindən biri Berlindəki Azərbaycan diasporasının dəstəyi ilə 2012-ci ildə çəkilmiş və Xocalı şəhərində baş vermiş faciədən bəhs edən “Sükutun pozulması” (“Zerstörter Friede”) animasiya filmidir.

2020-ci ildə Almaniyanın Berlin şəhərində Məsud Pənahinin "Rezin xoruz" adlı avtobioqrafik kitabı nəşr olunub.[1][2]

Filmoqrafiya[redaktə | mənbəni redaktə et]

Azərbaycanda çəkilən filmlər[redaktə | mənbəni redaktə et]

  1. Bulud niyə ağlayır? (film, 1973) – rejissor, quruluşçu rəssam, ssenari müəllifi
  2. Yunanlar (film, 1973)
  3. Pıspısa xanım və Siçan bəy (film, 1974) - rejissor, quruluşçu rəssam
  4. Günlərin bir günündə... (film, 1975) - rejissor, quruluşçu rəssam, ssenari müəllifi
  5. Pəncə... Qulaq... Palaz... Tikan... (film, 1976) - rejissor, quruluşçu rəssam
  6. Dınqıl sazım, dınqıl (film, 1976) - rejissor, quruluşçu rəssam
  7. Şah və xidmətçi (film, 1976) - quruluşçu rəssam
  8. Xoruz (film, 1977) - rejissor, quruluşçu rəssam, ssenari müəllifi
  9. İşgüzar adamlar (film, 1977) - rəssam, animator
  10. Qız qalası əfsanəsi (film, 1978) - rejissor

Almaniyada çəkilən filmlər[redaktə | mənbəni redaktə et]

  1. Ev (1980, qısametrajlı animasiya filmi) - rejissor, quruluşçu rəssam, animator
  2. Mətbəx əşyalarının bəhsi (1981-1982, animasiya serialı) – 6 seriyanın rejissoru, animatoru
  3. Ayaqqabı oğrusu (1982, qısametrajlı animasiya filmi) – rejissor, quruluşçu rəssam, animator
  4. Zooparkda heyvanların mübahisəsi (1982-1983, animasiya serialı) – 7 seriyanın rejissoru, animatoru
  5. Maks və Moris (1983, animasiya serialı) – 7 seriyanın rejissoru, quruluşçu rəssamı, animatoru
  6. Xoruz döyüşü (1984, qısametrajlı animasiya filmi) – rejissor, quruluşçu rəssamı, animator
  7. Buludlu, mavi (1984, qısametrajlı animasiya filmi) – rejissor, quruluşçu rəssam, animator
  8. Şərq nağılları (1985, animasiya serialı) - 3 seriyanın rejissoru və quruluşçu rəssamı
  9. Görünməz papaq (1987-1989, animasiya serialı) – 26 seriyanın rejissoru, quruluşçu rəssamı
  10. Sonuncu alma (1989, qısametrajlı animasiya filmi) – rejissor, quruluşçu rəssam
  11. Şaxta babanın nəvəsi (1989, qısametrajlı animasiya filmi) – rejissor, quruluşçu rəssam
  12. Donky (1993, animasiya serialı) - 1 seriyanın rejissoru, quruluşçu rəssam və animator
  13. Üç muşketyor (1994, qısametrajlı animasiya filmi) – rejissor
  14. Tobias and His Lion (1999, tammetrajlı animasiya filmi) – animator
  15. The Little Polar Bear (2001, tammetrajlı animasiya filmi) – animator
  16. The Little Polar Bear: Lars and the Little Tiger (2002, tammetrajlı animasiya filmi) – animator, visual effektlər
  17. The Little Polar Bear: The Dream of Flying (2003, tammetrajlı animasiya filmi) – animator, visual effektlər
  18. The Little Polar Bear – Nanouk’s Rescue (2003, tammetrajlı animasiya filmi) – animator, visual effektlər
  19. The Little Polar Bear: A Visitor from the South Pole (2004, tammetrajlı animasiya filmi) – animator, visual effektlər
  20. Laura’s Star (2005, tammetrajlı animasiya filmi) – animator, fon üzrə rəssam
  21. Pozulmuş sülh (2012, qısametrajlı animasiya filmi) – rejissor, quruluşçu rəssam

Festivallar və mükafatlar[redaktə | mənbəni redaktə et]

  1. 1974-cü ildə Bakıda keçirilən VII Ümumittifaq kino festivalında “Bulud niyə ağlayır” animasiya filminə görə 1-ci mükafata layiq görülüb..
  2. 1979-cu ildə isə Aşqabadda keçirilən XII Ümumittifaq kino festivalında “Qız qalası əfsanəsi” animasiya filminə görə iştirak diplomu ilə təltif edilib.
  3. 1985-cu ildə Çexiyanın Praqa şəhərində keçirilən festivalda onun “Qatil canavar” filmi “Ən yaxşı televiziya animasiya filmi” diplomu ilə təltif olunub.
  4. 1989 – Almaniyanın Gera şəhərində keçirilən festivalda onun “Aslan və siçan” filmi “Televiziya animasiyasında ən yaxşı rejissor və rəssam işi” diplomu ilə təltif olunub.
  5. 2018-ci ildə Məsud Pənahi 1-ci ANİMAFİLM Beynəlxalq Animasiya Festivalının Azərbaycan animasiyasına verdiyi töhfəyə görə “Qızıl qayıq” mükafatı ilə təltif olunub. 2019-cu ildə həmin festivalın beynəlxalq münsiflər heyyətinin sədri olub.

İstinadlar[redaktə | mənbəni redaktə et]

  1. Sputnik. ""Tıq-tıq xanım"ın yaradıcısı almanlara "Rezin xoruz"u təqdim elədi" (az.). Sputnik. 18.08.2020. İstifadə tarixi: 2020-08-21.
  2. CBC TV. "Издана автобиография азербайджанского режиссера анимации Масуда Панахи" (rus). Youtube.com. 21.08.2020. İstifadə tarixi: 2020-08-21.

Mənbə[redaktə | mənbəni redaktə et]

  • Азербайджанской ССР кинематография. Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 13.
  • Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 258-263.
  • Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 815.
  • Azərbaycan animasiyası. Rəşid Ağamalıyev və müəllif kollektivi. Bakı: “PERİ FİLM”, 2018.- səh. 172-187.