Məsudi Dövran
| Məsudi Dövran | |
|---|---|
| Doğum tarixi | |
| Doğum yeri | Astara |
| Milliyyəti | Azərbaycanlı |
| Təhsili | M.F.Axundov adına Azərbaycan Pedoqoji Dillər İnistitutu |
| İxtisası | Filoloq |
| Fəaliyyəti | Filologiya elmləri doktoru, professor, şair |
| Fəaliyyət illəri | 1985- |
| Əsərlərinin dili | Türk, rus, özbək, talış, azərbaycan dili |
| Tanınmış əsəri | "Xələc dili" |
Məsudi Dövran - Filologiya elmləri doktoru, professor, Azərbaycan Yazıçılar birliyinin üzvü.
Özbəkistan Xalq Maarif əlaçısı Məsud Əliağa oğlu Məmmədov (şair Məsud Dövran) 27 iyul 1937-ci ildə Astara rayonunun Şahağac kəndində anadan olmuşdur. 1954-cü ildə Astara rayonunun Şiyəkəran kənd orta məktəbini bitirmiş və 1958-ci ilə qədər Şahağac kənd məktəbində "Pioner baş dəstə rəhbəri" vəzifəsində çalışmışdır. 1958-1962-ci illərdə ordu sıralarında xidmət etmişdir. 1962-1967-ci illərdə M.F.Axundov adına Azərbaycan Pedoqoji Dillər İnistitutunun "Rus dili və ədəbiyyatı" fakültəsində təhsil almış və inistitutu bitirdikdən sonra AMEA-nın Nəsimi adına Dilçilik İnistitutunun "İran və Qafqaz" dilləri şöbəsində kiçik elmi işçi vəzifəsini daşımışdır.
Məsud Əliağa oğlu Məmmədov 1973-cü ildə elm aləminə məlum olmayan "Xələc dili" mövzusunda namizədlik dissertasiyasını müdafiə etmişdir.
1975-1994-cü illərdə Özbəkistan Respublikasının Gülüstan Dövlət Universitetində baş müəllim vəzifəsində fəaliyyətə başlayan Məsud Əliağa oğlu Məmmədov sonralar "Rus dili" kafedrasının müdiri, "Rus dili və Ədəbiyyatı" fakültəsinin dekanı və artıq 1987-1992-ci illərdə Tədris işləri üzrə prorektor vəzifəsinə qədər yüksəlmişdir. O, 1984-cü ildə doktorluq dissertasitasını müdafiə etmişdir. 1985-ci ildən professordur.
Məsud Əliağa oğlu Məmmədov 1992-1994-cü illərdə Qazaxıstanın Çimkənd vilayətinin Türkistan şəhərində təşkil olunmuş Türk-Qazax Beynəlxalq Universitetinə dəvət olunmuş və "Türk dili"kafedrasının müdiri vəzifəsində çalışmışdır.
O, 1994-cü ildən Lənkəran Dövlət Universitetində çalışır. 300-ə yaxın elmi məqalə, 5 monoqrafiya, 6 şeirlər kitabının müəllifidir. Şeir kitabları bunlardır: Həsrət - 1996, Belə dünyadır bu dünya - 1999, Yetim dünya - 2000, Ömürdən bir damla - 2003, Az tolışim ( talış dilində ) - 2004, Tyrandan ovoz ( özbək dilində ) - Taşkent "ZİE" 1994. Məsudi Dövran ailəlidir, iki oğlu, bir qızı, 6 nəvəsi var. O bir neçə dil bilir və rus, özbək, talış və doğma dilində şeirlər yazır. Milliyətcə Azərbaycanlı - Qacar nəslindəndir.
İstinadlar[redaktə | mənbəni redaktə et]
Nərmin Məmmədova - "Məsudi Dövran Yaradıcılığı" (Bakı, "Elm və Təhsil", 2019)