MML (proqramlaşdırma dili)

Vikipediya, azad ensiklopediya
Jump to navigation Jump to search
MML

MML (proqramlaşdırma dili) — İnsan-maşın proqramlaşdırma dili.[1]

Haqqında[redaktə | mənbəni redaktə et]

MML rəqəmli ATS-in idarəedici qurğularının texniki istismarı, sazlanması, yoxlanması və digər şərtlər zamanı operatorla IQ-lər arasında qarşılıqlı əlaqənin yaranmasına xidmət edir (dialoq dili). Bu dil istismar və inzibati mərkəzlərdə, ATS-lərdə, həm yerli, həm də uzaqlaşdırılmış terminallardan aparılan iş üçün istifadə olunur. "Insan-maşın" əlaqə dili yüksək səviyyə dilinin sadələşdirilmiş variantıdır. Bu dilin BTI tərəfindən təklif olunmuş əlifbası vardır.

MML-in çap informasiyası 2 formatda F1 və F2 təqdim olunur. F1 formatında işarələr hər birində 72 işarə olmaqla 66 sətirdə yerləşir. F2 formatında işarələr hər birində 120 işarə olmaqla 66 sətirdə yerləşir.

Işarələr kimi latın əlifbasının böyük və kiçik hərfləri, ərəb rəqəmləri və 5 N-li beynəlxalq koda əsaslanan işarələrdən istifadə olunur.

MML-in köməyilə aşağıdakı funksiyalar həyata keçirilir:

  • ümumi istismar, istiqamətlərin marşrutlanması, trafik (yük), tarifikasiya, sistemin idarə olunması;
  • abunəçi xətlərin (AX), birləşdirici xətlərin (BX), kommutasiya sahəsinin (KS) və idarəedici qurğuların (IQ) texniki istismarı;
  • kommutasiya sahəsinin və idarəedici qurğunun istismara daxil edilməsi;
  • tələb olunan sınaq.

Bu funksiyaların siyahısı BTI Z.318 təklifində verilmişdir.

Insan-maşın dili aşağıdakı xüsusiyyətlərinə görə geniş istifadə olunur:

  • MML öyrənmək və istifadə üçün sadədir. Eyni zamanda daxiletmə və çıxarılmanın şərhi üçün sadədir.
  • MML düzünə, həm də davametmə iş rejiminin, həmçinin giriş (çıxış) informasiyanın ixtisar və tam təsvir formalarının istifadəsinə imkan verir.
  • MML müxtəlif kateqoriyalı personallar, milli dillər və təşkilati tələblər üçün yararlıdır.[1]

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. 1 2 Qəhrəmanzadə A.H. Rəqəmli kommutasiya sistemləri və şəbəkələri. Bakı. «Elm» nəşriyyatı, 2004, s.74